Amosi 9:7 - BIBELE Mahungu Lamanene

⁷ Hosi yi vula sweswo yi ri: “N'wina Vaisraele, xana a ndzi mi teki mi fana ni vanhu va le Etiyopiya xana? Hambileswi ndzi mi humeseke etikweni ra Egipta, ndzi mi ringanisa ni Vafilista lava ndzi va humeseke eKafitoro, ni Vasiriya lava ndzi va humeseke eKiri.

Xitsonga (Bibele)

⁷ “Xana eka mina a mi fani na vana va Kuxi, n'wina, vana va Israele?” ku vula Yehovha. “Xana a ndzi humesanga Israele etikweni ra Egipta, kukota loko ndzi humesile Vafilista eKafitoro, ni Vasiriya eKiri?

Amosi 9:7 Referans Kwoze

Yeremiya 47:4

Ri fikile siku leri Vafilista hinkwavo va fanelaka ku herisiwa: Va ta dlawa, ku nga ha sali na un'we la nga yaka a ya lwela miti ya Tiri na Sidoni. Vafilista, vona masalela ya lava khale a va akile exihlaleni xa Kreta, ndzi ta va herisa mina HOSI.

2 TIHOSI 16:9

Hosi ya le Asiriya yi amukela xikombelo xa Akazi, kutani yi kongoma muti wa Damaska, yi wu teka, yi yisa vaaki va wona le Kiri va ri mahlonga, kutani yi dlaya na Resini.

Duteronoma 2:23

Vaavhimi lava a va tshama emitini leyi fambaka ku ya fika eGaza va herisiwile hi va le Kafitoro, lava va nga va tekela tiko va tshama eka rona.)

Amosi 2:10

“Ka ha ri mina loyi a mi humeseke etikweni ra Egipta, ndzi mi fambisa malembe ya 40 emananga, leswaku ndzi ta mi nyika tiko ra Vaamori ri va ra n'wina.

Amosi 1:5

Ndzi ta tshova tinyangwa ta Damaska, ndzi lovisa vaaki va Nkova wa Avene ni loyi a fumaka muti wa Beta-Edeni; vaaki va tiko ra Siriya va ta ya evukhumbini etikweni ra Kiri.” HOSI yi vula sweswo.

Hosiya 12:13

HOSI Xikwembu xi tirhisile muprofeta ku humesa Vaisraele etikweni ra Egipta, xi tlhele xi tirhisa yena ku va biyelela.

Yeremiya 13:23

HOSI Xikwembu xi ri: “Xana munhu wa le Etiyopiya a nga ncinca nhlonge ya yena ke, kumbe yingwe yi nga hundzula mavala ya yona xana? E-e! Na wena u toloveleke ku endla leswo biha, u nge pfuki u endlile leswinene.

Esaya 22:6

Vanhu va tiko ra Elamu va tile va hlomile matlhari, va ri ni tigolonyi ta nyimpi ni vagadi va tihanci, va le Kiri va tile va khomile switlhangu.

Esaya 20:4

Hi mukhuva wolowo, hosi ya Vaasiriya yi ta khoma Vaegipta ni Vaetiyopiya, lavakulu ni lavatsongo, va yisiwa evukhumbini va nga ambalanga nchumu emilengeni ni le mirini; va ta famba va lo dlú, va khomisa tiko ra Egipta tingana.

Eksoda 12:51

Hi siku rorero ra nkhuvo, HOSI Xikwembu xi humesile Vaisraele etikweni ra Egipta, hi mintshungu ya vona.

Esaya 43:3

hikuva mina HOSI Xikwembu xa n'wina, Muhlawuleki wa Israele, ndzi muponisi wa n'wina; ndzi ta mi kutsula hi ku nyiketa Vaegipta, ni Vaetiyopiya ni va le Seba eka valala va n'wina.

2 TIKRONIKA 14:9

Muetiyopiya loyi va nge i Zera a huma nyimpi, a kongoma tiko ra Yuda ku ri hlasela, a ri ni masocha ya 1 000 000, ni makalichi ya nyimpi ya 300, a fika kusuhi ni muti wa Marexa.

2 TIKRONIKA 14:12

Hiloko HOSI Xikwembu xi hlula Vaetiyopiya, xi va tsutsumisa, Asa ni vanhu va Yuda va langutile kunene.