Amosi 9:5 - BIBELE Mahungu Lamanene

⁵ HOSI ya matimba hinkwawo, N'wini wa hinkwaswo, ú khumba misava, kutani yi n'oka, hinkwavo lava tshamaka eka yona va kalakala; yi ndlandlamuka hinkwayo ku fana ni nambu wa Nilo, yi tlhela yi vohla kukota nambu wa Nilo le Egipta.

Xitsonga (Bibele)

⁵ Hikuva la endlaka sweswo i Hosi, Yehovha wa tinyimpi; u khumba misava, kutani yi n'oka; hinkwavo lava akeke eka yona va hlomuka, yi kukumuka hinkwayo ku kota nambu, yi tlhela yi phya ku kota nambu wa Egipta.

Amosi 9:5 Referans Kwoze

Amosi 8:8

Hikokwalaho, tiko ri ta tsekatseka, vaaki va rona hinkwavo va ta rila nkosi, tiko hinkwaro ri ta ndlandlamuka, ku kota nambu wa Nilo, ri ta tlatlalatiwa, ri tlhela ri vohla ku fana ni nambu wa Nilo le Egipta.”

Pisalema 46:6

Matiko ma ba huwa, mimfumo yi tlula-tlula, kambe loko Xikwembu xi tlakusa rito, misava ya n'oka.

Nhlavutelo 20:11

Kutani ndzi vona xiluvelo lexikulu xo basa, na yena loyi a tshameke ehenhla ka xona; loko tilo ni misava swi n'wi vona, swi baleka swi ya kule, kutani ndhawu ya swona a ya ha vanga kona.

Esaya 64:1

“Hikwalaho ka yini u nga handzuli mapapa, u rhelela emisaveni xana? Tintshava a ti ta ninginika loko ti ku vona.

Matewu 7:27

Mpfula yi na, maboboma ma ta, timheho ti hunga, swi ba yindlu yoleyo, kutani yi wa, ku wa ka yona ku va lokukulu.”

Habakuku 3:10

Loko tintshava ti ku vona, ta chukuvanya; ndhambi yi halaka kunene, yi khuluka; mati ya xidziva ma hobomulana, magandlati ya xona ma tlakuka, wonge i mavoko.

Nahume 1:6

Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.

Hosiya 4:3

Hikokwalaho, tiko ra rila, vaaki va rona hinkwavo va hela ntamu; swiharhi swa nhova ni tinyanyana swi tsanile, hambi ti ri tinhlampfi ta lwandle ta nyamalala.

Yeremiya 12:4

Xana tiko ri ta fa hi dyandza ku fikela rini, hinkwaswo leswi milaka emasin'wini, swi ta wisa rini ku tshwa hi dyambu ke? Vubihi bya vaaki va tiko, hi byona byi ri dlayisaka, byi herisa swifuwo ni tinyanyana, hikuva va ri: “Yeremiya a nge hi tluli hi malembe ya yena ya ku hanya!”

Pisalema 144:5

Pfalula matilo ya wena we HOSI, u rhelela, khumba tintshava ti mbuluka musi.

Pisalema 32:6

Hikokwalaho, hinkwavo lava va ku tshembaka a va ku khongele loko nkarhi wa ha ri kona. Hambiloko khombo ri va tela kukota ndhambi, a ri nga va dlayi.

Pisalema 97:5

Tintshava ta n'oka kukota mafurha emahlweni ka HOSI Xikwembu, xona N'wini wa misava hinkwayo.

Pisalema 104:32

Loko xi languta misava, ya rhurhumela, tintshava ti mbuluka musi loko xi ti khumba.

Nahume 1:5

Tintshava ta ninginika, loko HOSI yi humelela, switsunga swa mbundzumuka; misava ya tsekatseka emahlweni ka yona, matiko ni vaaki va wona hinkwavo va rhurhumela.