Amosi 9:3 - BIBELE Mahungu Lamanene

³ Hambiloko va nga ya va ya tumbela enhlohlorhini ya Karmele, ndzi ta ya ndzi ya va hlota na kona ndzi vuya na vona; ni loko va nga ndzi nyamalalela hi ku ya tumbela endzeni ka lwandle, ndzi ta lerisa nyoka ya le matini, yi ya va luma kwale va nga kona.

Xitsonga (Bibele)

³ Ni loko va nga tifihla enhlohlorhini ya Karmele, ndzi ta va lavisisa kona, ndzi va khoma; ni loko va tifihlela emahlweni ya mina eswidziveni swa lwandle kona ndzi ta lerisa nyoka leswaku yi va luma.

Amosi 9:3 Referans Kwoze

Yeremiya 16:16

HOSI Xikwembu xi ri: “Yingisa, ndzi le ku rhumeni ka vaphasi va tinhlampfi, va ta kukuta Vaisraele. Lava nga ta pona, ndzi ta va rhumela vahloti va ya va hlota hinkwako, etintshaveni ni le swintshabyanini ni le mabakweni ya maribye.

Esaya 27:1

Enkarhini wolowo, HOSI Xikwembu xi ta teka fumu ra xona lero nonon'hwa, rona lerikulu ra matimba, xi ba Levhiyatani nyoka leya rivilo, leyo tshombonyoka-tshombonyoka; xi ta dlaya na dragona nyoka ya le lwandle.

Ntirho 34:22

Ku hava munyama, hambi wu ri wo chavisa, lowu vadyohi va nga tumbelaka eka wona.

Amosi 1:2

Kutani Amosi a ku: “HOSI Xikwembu xi bonga eSiyoni, rito ra xona ri duma ri huma eYerusalema, kutani lomu varisi va dyiselaka kona, ka tshwa, swimila swi vuna enhlohlorhini ya ntshava ya Karmele.”

Genesa 3:8

Hi nkarhi wa madyambu, wanuna ni nsati wa yena va twa HOSI Xikwembu xi ri karhi xi famba-famba entangeni. Kutani va tumbela exikarhi ka mirhi entangeni, va chava ku voniwa hi HOSI Xikwembu.

2 SAMIELE 22:46

Vanhu vambe va hela matimba, va huma hi ku rhurhumela emakhokholweni ya vona.

Ntirho 22:13

Kambe wena u ri: ‘Xikwembu xi nga tiva yini, xana xi nga tsemakanya mapapa ya ntima xi tela ku avanyisa vanhu xana?’

Pisalema 68:23

N'wina mi ta hlamba milenge mi susa ngati ya vona leyi yi nga mi tlhambukela; timbyana ti ta dya mintsumbu ya vona!”