Amosi 9:13 - BIBELE Mahungu Lamanene

¹³ HOSI yi vula sweswo, yi ri: “Vonani, masiku ma ta, lawa murimi ni mutshoveri va nga ta landzelelana emasin'wini, ni mubyari wa vhinya a nga ta landzelelana ni mukhi wa yona; tintshava ti ta mpfempfa vhinyo leyi nga si vilaka, ni swintshabyana hinkwaswo swi ta khuluka hi yona.

Xitsonga (Bibele)

¹³ “Vonani, masiku ma ta,” ku vula Yehovha, “lawa la rimaka a nga ta landzela kusuhi la tshovelaka, ni la pfuvaka mihandzu ya vhinya a landzela la byalaka mbewu; kutani vhinyo leyintshwa yi ta khulukela etintshaveni, ni switsunga hinkwaswo swi ta pfelela yona.

Amosi 9:13 Referans Kwoze

Yuwele 3:18

“Hi siku ra kona, tintshava ti ta pfempfa vhinyo yo nandziha; ntswamba wu ta khuluka eswintshabyanini, swinkobyana hinkwaswo swa tiko ra Yuda swi ta hobomulana. Endlwini ya mina HOSI, ku ta baleka nthavela, mati ma ta huma ma ya cheleta Nkova-wa-Xitimi.

Yohane 4:35

Xana a mi tolovelanga ku vula leswaku: ‘Ka ha sele tin'hweti ta mune, kutani ku ta ta ntshovelo’ xana? Vonani, mina ndzi ri, tlakusani mahlo mi languta masimu: Ma vupfele ku tshoveriwa. Nisweswi,

Esaya 55:13

Ematshan'wini ya mitwa, ku ta mila mirhi ya kipresi, mirhi ya mirta yi ta mila laha a ku ri ni swigatlu. Swilo leswi swi ta va xitsundzuxo eka mina HOSI, swi ta va mfungho lowu nga ta va kona hilaha ku nga heriki.”

Levhitika 26:5

Ntshovelo wa n'wina wu ta va wu tele ngopfu: Hi nkarhi wo kha mihandzu ya vhinya, mi ta va ma ha hula koroni, kasi na yona vhinya mi ta yi kha ku kondza ku ya fika xirimo. Mi ta va mi tshamisekile, mi dya mi xurha.

Ezekiele 36:35

Kutani va ta ku: ‘Tiko leri, a ri hundzukile mananga, kambe sweswi ri fana ni ntanga wa Edeni; miti ya rona a yi hirimuxiwile yi hundzuka marhumbi layo chavisa, kambe sweswi yi ni vanhu, i makhokholo!’

Yuwele 3:20

Kambe etikweni ra Yuda, ku ta va ni vanhu hilaha ku nga heriki, minkarhi hinkwayo, vanhu va ta va kona emutini wa Yerusalema.

Pisalema 97:5

Tintshava ta n'oka kukota mafurha emahlweni ka HOSI Xikwembu, xona N'wini wa misava hinkwayo.

Vaavanyisi 5:5

tintshava a ti ninginika emahlweni ka wena HOSI Xikwembu xa le Sinayi, emahlweni ka wena HOSI Xikwembu xa Vaisraele.

Amosi 9:5

HOSI ya matimba hinkwawo, N'wini wa hinkwaswo, ú khumba misava, kutani yi n'oka, hinkwavo lava tshamaka eka yona va kalakala; yi ndlandlamuka hinkwayo ku fana ni nambu wa Nilo, yi tlhela yi vohla kukota nambu wa Nilo le Egipta.

Genesa 49:11

Ú ta khunga mbhongolo ya yena emurhini wa vhinya, a boha ximbhongolwana xa yena ensinyeni lowo saseka wa vhinya. Ú ta hlantswa swiambalo swa yena hi vhinyo, ni minkumba ya yena, ú ta yi hlantswa hi dzova.

Esaya 16:10

Emasin'wini layo nona, huwa ya ntsako yi nyamalarile, tinsimu ni swikhiyana a swa ha twali emasin'wini ya vhinya; lomu vhinya yi pyanyeriwaka kona, a ka ha ri na munhu, tinsimu ta ntsako ti herile.

Ezekiele 28:26

Va ta tiakela tindlu va rima ni masimu ya vhinya, va titshamerile hi ku rhula. Leswi swi ta humelela loko ndzi ta va ndzi bile vamatiko hinkwavo lava akelaneke ni Vaisraele, lava va va sandzaka, kutani Vaisraele va ta tiva leswaku HOSI Xikwembu xa vona, hi mina!”

Yuwele 2:24

“Swivuya swi ta tala hi mavele, swibya swi ta khapa hi vhinyo ni mafurha.