Amosi 9:1 - BIBELE Mahungu Lamanene

¹ Ndzi vonile N'wini wa hinkwaswo a yimile etlhelo ka alitari, a ri karhi a lerisa a ku: “Bana lwangu ra Tempele swihukuva swa yona swi kondza swi tsekatseka; ri mbindzimuxe ri wela ehenhla ka tinhloko ta vanhu hinkwavo; lava nga ta sala, ndzi ta va herisa hi fumu, na un'we wa vona a nga ka a nga baleki, a ku nga phonyoki na un'we.

Xitsonga (Bibele)

¹ Ndzi vonile Hosi yi yimile ekusuhi ni alitari, yi ku: “Bana xihlungwana xa yindlu, ku ninginika ni marimba ya nyangwa; u swi tshovela henhla ka tinhloko ta vona hinkwavo. Lava seleke ndzi ta va dlaya hi fumu; ku nga ka ku nga vi na un'we eka vona la nga ta baleka, ni loko a ri un'we la nga ta pona.

Amosi 9:1 Referans Kwoze

Pisalema 68:21

Xikwembu xi ta fayetela tinhloko ta valala va xona, xi guvula misisi ya lava yaka emahlweni ni ku dyoha.

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Yohane 1:18

A ku na munhu la tshamaka a vona Xikwembu ni siku ni rin'we. Loyi a nga swakwe, loyi a nga Xikwembu, loyi a nge xifuveni xa Tatana, hi yena loyi a nga endla leswaku Tatana a tiviwa.

Habakuku 3:13

U humelerile ku ta ponisa tiko ra wena, ni ku ponisa Muhlawuriwa wa wena, kambe u hlanhla yindlu ya lowo biha ku sukela exihlungwaneni, u yimbula masungulo ya yona ku fikela eribyeni.

Amosi 3:14

ndzi ta ba ni tialitari ta Betele. Timhondzo ta alitari yin'wana ni yin'wana ti ta tshoviwa, ti wela hansi.

Esaya 6:1

Elembeni leri hosi Uziya a feke ha rona, ndzi vonile N'wini wa hinkwaswo a tshamile exiluvelweni lexikulu xo tlakuka; xiambalo xa yena a xi koka hansi xi tata Tempele.

Yohane 1:32

Yohane ú vekile vumbhoni a ku: “Ndzi vonile Moya wu xika hi le tilweni wu fana ni tuva, wu ta tshama ehenhla ka yena.

Sofoniya 2:14

Mintlhambi ya swifuwo, ni swiharhi swa nhova hi tinxaka-xaka ta swona swi ta vundza emutini lowu; makoti ni swihloni swi ta tshama exikarhi ka tiphuphu leti weleke hansi, swinkhovha swi ta rila swi tshamile emafasitereni, mawukuwuku ma ta rila ma ri eswihukuveni, timhandze ta kedari leti akeke muti wa kona ti ta sala erivaleni.

Ezekiele 10:4

Kutani ku dzuneka ka HOSI Xikwembu ku suka endhawini ya kona ehenhla ka tikerubu, ku ya fika enyangweni ya Tempele. Yindlu ya kona yi khubumetiwa hi papa, kasi xivava xa Tempele xona xi tala hi ku dzuneka loku vangamaka ka HOSI Xikwembu.

Ezekiele 9:2

Hiloko ndzi vona vavanuna va 6 lava humaka en'walungwini, va ta hi nyangwa ya le henhla ya Tempele, hinkwavo va tamele matlhari ya vona. Exikarhi ka vona, a ku ri na un'wana la ambaleke swiambalo swa ntsembyani, a khweketile ebantini ra yena swo tsala ha swona; kutani va fika va yima kusuhi ni alitari ya koporo.

Ezekiele 1:28

Ku voninga ka kona a ku sasekile ku fana ni nkwangulatilo, loko wu vonaka emapapeni esikwini ra mpfula. Xilo lexi vangamaka lexi, a ku ri kona ku dzuneka ka HOSI Xikwembu. Loko ndzi xi vona, ndzi wela hansi hi mombo, kutani ndzi twa un'wana a ri karhi a vulavula na mina.

Yeremiya 48:44

Loyi a tsutsumaka khombo, ú ta wela ekheleni, la khandziyaka a huma ekheleni, ú ta phasiwa hi ntlhamu. Ndzi ta vangela tiko ra Mowabu emaxangu lawa, siku ndzi ri baka. Ndzi vula sweswo mina HOSI!

Esaya 30:16

mi hlamurile mi ku: “E-e! Hina a hi lavi swona sweswo; hi ta gada tihanci ta hina, hi tsutsuma hi rivilo lerikulu.” Kunene, ku tsutsuma mi ta tsutsuma! Mi engete mi ku: “Hi ta gada tihanci ta nyimpi leta rivilo swinene.” Kambe lava nga ta mi hlongorisa, va ta va ni rivilo ro tlula ra n'wina!

2 TIKRONIKA 18:18

Kutani Mikaya a engeta a ku ka vona: “Loko swi ri tano, yingisani rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka, a ma yimile evokweni ra xona ra xinene ni ra ximatsi.

Timhaka 26:13

A ndzi ri endleleni hi nkarhi wa nhlekanhi, wena hosi, kutani ndzi vona ku vonakala loku tlulaka ku kwetsima ka dyambu, ku huma etilweni, ku ndzi rhendzela swin'we ni lava a va famba na mina.

Nhlavutelo 8:3

Kutani ntsumi yin'wana yi ta yi ta yima kusuhi ni alitari, yi ri ni ximbitana xa nsuku xa murhi wa risuna; yi nyikiwa murhi wa risuna lowo tala, leswaku yi wu humesa swin'we ni mikhongelo ya vahlawuriwa va Xikwembu hinkwavo, ehenhla ka alitari ya nsuku leyi nge mahlweni ka xiluvelo.

Pisalema 68:22

N'wini wa hinkwaswo ú te: “Valala va mina, ndzi ta va hlongola va suka eBaxani, ndzi ta va tsavula elwandle.

Yeremiya 11:11

Hikokwalaho mina HOSI ndzi ri: Ndzi ta va vangela makhombo, a ku na un'we la nga ta pona eka wona. Va ta rila eka mina, kambe a ndzi nga va yingisi.

Yeremiya 42:16

matlhari lawa mi nge mi chava wona, ma ta mi kuma kwale tikweni ra Egipta; hambi tindlala leti mi ti tsutsumaka, ti ta mi fikela kwale Egipta, kutani mi ta fela kona.

Ezekiele 15:7

Ndzi ta tshinya vanhu lava: Hambileswi va poneke ku tshwa, va ha ta hoxiwa endzilweni, kutani loko ndzi ta va ndzi va tshinyile, hi kona mi nga ta tiva leswaku HOSI Xikwembu hi mina.

Amosi 7:17

Hikokwalaho HOSI yi vurisa sweswo, yi ri: “ ‘Nsati wa wena ú ta hundzuka nghwavava kwala mutini wa Betele, vana va wena va xinuna ni va xisati va ta dlayiwa hi fumu, masimu ya wena ma ta tekiwa ma pandzeriwa van'wana; loko a ri wena, u ta ya fela etikweni leri nyameke, kutani Vaisraele hakunene va ta susiwa etikweni ra vona, va ya evukhumbini.’ ”

Sofoniya 1:12

Enkarhini lowu, ndzi ta teka rivoni ndzi lavisisa hinkwako emutini wa Yerusalema, ndzi ko ndzi kuma lava titshembaka, lava tshamaka va xurhile vhinyo, lava vulavulaka va ku: ‘HOSI Xikwembu xi nge endli nchumu, xo biha kumbe xo saseka!’

Yoxuwa 10:18

Yoxuwa a ku ka vona: “Khunguluxani maribye lamakulu mi pfala bako ha wona, mi tlhela mi veka vavanuna va rindza tihosi leti.

Amosi 7:9

“Switsunga leswo hlawuleka swa rixaka ra Isaka swi ta hundzuka marhumbi, ni swivandla swa vukhongeri swa vanhu va Israele swi ta hiseriwa makumu; ndzi ta pfukela rixaka ra Yerobuwamu hi fumu!”