Amosi 8:3 - BIBELE Mahungu Lamanene

³ Hi siku ra kona, tinsimu ta le ntsindza ti ta hundzuka swirilo. Ndzi vula sweswo, mina HOSI N'wini wa hinkwaswo. Mintsumbu yi ta tala swinene. Etindhawini hinkwato va ta yi cukumetela ehandle, va miyerile.”

Xitsonga (Bibele)

³ Tinsimu ta yindlu ya vuhosi, ti ta hundzuka swirilo hi siku rero,” ku vula Hosi Yehovha. “Ku ta tala mitsumbu, yi ta cukumetiwa hinkwako, ku miyeriwile.”

Amosi 8:3 Referans Kwoze

Amosi 5:23

Sukani eka mina ni vuyimbeleri bya n'wina lebyo tungula; mpfumawulo wa tiharipa ta n'wina, a ndzi lavi ni ku wu twa.

Amosi 5:16

Hikokwalaho HOSI Xikwembu xa matimba hinkwawo, N'wini wa n'wina, ú vurisa sweswo ú ri: “Etimbaleni ta miti hinkwayo ku ta va ni swirilo, etindleleni hinkwato va ta ku: ‘Yo! Yo!’ Lava tirhaka emasin'wini, va ta vitaniwa ku ta rila nkosi, ni lava tivaka tinsimu ta mahlomulo, va ta rhambiwa enkosini wa kona;

Levhitika 10:3

Kutani Muxe a ku ka Aroni: “Leswi hi swona HOSI Xikwembu a xi vula swona loko xi ku: ‘Lava va tshinelaka kusuhi na mina, va fanele ku ndzi chava, Vaisraele hinkwavo va fanele ku ndzi dzunisa.’ ” Loko a ri Aroni, a tikhoma a miyela.

Nahume 3:3

Vagadi va tihanci va tsutsumela eku hlaseleni, va vangamisa mafumu, va hatimisa ni matlhari. Lava tlhaviweke i ntsandza-vahlayi; mintsumbu yo khatakanyana kunene, yi lo n'wálálálá, erivaleni, va khuguriwa hi yona!

Amosi 8:10

Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”

Amosi 4:10

“Ndzi mi rhumele ntungu wo fana ni wa le Egipta, ndzi tshikile majaha ya n'wina ma dlayiwa enyimpini, ndzi mi tekerisa ni tihanci ta n'wina, ndzi endla leswaku risema ra mintsumbu ri mi pfala tinhompfu, emixaxeni ya n'wina; kambe hambiswiritano, a mi tlhelelanga eka mina.” HOSI yi vula sweswo.

Yuwele 1:13

N'wina vaprista, ambalani leswo khwaxa mi rila; banani nkalanga, n'wina vatirhi va le alitarini. Nghenani eTempeleni, mi rila vusiku hinkwabyo, n'wina mi tirhelaka Xikwembu xanga, hikuva mapa ya magandzelo ni vhinyo ya wona a swa ha yisiwi endlwini ya Xikwembu xa n'wina.

Yuwele 1:11

N'wina varimi, nyumani; banani nkalanga, n'wina mi byaleke vhinya, na n'wina mi byaleke koroni na maxalana, hikuva ntshovelo ku hava emasin'wini.

Yuwele 1:5

Xalamukani mi rila, n'wina va le mabyaleni; n'wina hinkwenu vanwi va vhinyo, banani nkalanga, hikuva vhinyo leyo nandziha a mi nga ha yi nantswi!

Yeremiya 22:18

Hikokwalaho HOSI Xikwembu xi vurisa sweswo ehenhla ka Yoyakimi n'wana Yosiyasi, hosi ya Yuda, xi ri: “Loko a fa, a va nga n'wi rili, a ku nga twali xirilo lexi nge: ‘Yo n'wana manana! Yo makwerhu!’ Naswona ku nge twali xirilo lexi nge: ‘Yo n'wini wa hina! Yo hosi ya hina!’

Esaya 37:36

Kutani ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

Pisalema 39:9

Sweswi ndzi ta timiyelela, a ndzi nga ha pfuli nomo, hikuva ntirho lowu i wa wena.

Swirilo 2:10

Varhangeri va le Siyoni va tshame hansi va ku dúú! Va tichele ntshuri etinhlokweni, va tlhela va ambala swiambalo leswo khwaxa; vanhwana va le Yerusalema va korhamise tinhamu, va languta ehansi.

Amosi 6:4

“Khombo ri ta mi wela, n'wina mi etlelaka emimbedweni ya meno ya tindlopfu, mi tiphina eswitshan'wini swa n'wina, mi tikhorwisa hi ku dya swinyimpfana leswi hlawuriweke entlhambini, ni marhole lama noneke.

Amosi 6:5

Mi tisumela tinsimu hi haripa, mi tifananisa na Davhida hi ku tiendlela swichaya-chayani,

Amosi 6:8

HOSI Xikwembu xa matimba hinkwawo xi vula sweswo. HOSI N'wini wa hinkwaswo ú tibohile hi ku hlambanya a ku: “Ndzi nyenya ku tikurisa ka va ka Yakobo, ni tindlu ta vona ta vuhosi ndza ti venga, kutani ndzi ta nyiketa muti wa vona eka valala, ni leswi nga ndzeni ka wona.”

Sofoniya 1:7

Miyelani emahlweni ka HOSI N'wini wa hinkwaswo, hikuva siku ra yena ri le kusuhi; ú lulamisile magandzelo, a hlawulekisa ni lava a va rhambeke.