Amosi 8:2 - BIBELE Mahungu Lamanene

² Kutani HOSI yi ku: “Amosi, u vona yini xana?” Mina ndzi ku: “Ndzi vona xirhundzu xa mihandzu leyi vupfeke.” Hiloko xi ku ka mina: “Vanhu va mina va Israele va vupfile, va ta herisiwa, ndzi nga ka ndzi nga va tsetseleli ni siku ni rin'we.

Xitsonga (Bibele)

² A ku eka mina: “U vona yini Amosi?” Ndzi ku: “Ndzi vona xirhundzu lexi teleke mihandzu leyi vupfeke.” Kutani Yehovha a ku eka mina: “Ku hela ka tiko ra mina ra Israele ku fikile, a ndzi nga ha tshami ndzi va rivalela.

Amosi 8:2 Referans Kwoze

Amosi 7:8

Kutani a ku ka mina: “Amosi, u vona yini xana?” Ndzi hlamula ndzi ku: “Ndzi vona ngoti yo pima hi yona.” Kutani N'wini wa hinkwaswo a ku: “Hi ngoti leyi, ndzi lava ku pima vanhu va mina va Israele. Ndzi nga ka ndzi nga va tsetseleli, ni siku ni rin'we!

Swirilo 4:18

Valala va hi hlota, kutani hi tsandzeka ni ku famba-famba emagondzweni; ku hela ka hina ku tshinele, masiku ya hina ma hela, nkarhi wa ku herisiwa ka hina wu fikile.

Mikiya 7:1

Ndzi le khombyeni minoo! Ndzi fana ni munhu wa ndlala loyi a lavaka mihandzu entangeni kumbe emasin'wini ya vhinya, loko va tshoverile, va tlhela va khwaja, kutani a kuma leswaku mihandzu hinkwayo ya vhinya ni matatana lawa a a ma navela ngopfu, swi khiwile swi hela.

Zakariya 5:2

Kutani ntsumi yi ku ka mina: “U vona yini xana?” Ndzi hlamula ndzi ku: “Ndzi vona buku leyi hahaka empfhukeni; ku leha ka yona ku ringana 10 m, ku anama ka yona ku ringana 5 m.”

Ezekiele 12:23

Va byele leswaku mina HOSI N'wini wa hinkwaswo ndzi ta herisa xivuriso lexi; a xi nga ha tirhisiwi etikweni ra Israele. Va tivise ni leswaku nkarhi wa ku humelela ka swivono hinkwaswo wu fikile.

Ezekiele 8:17

Kutani Xikwembu xi ku ka mina: “We Ezekiele, xana u swi vonile swilo leswi xana? Va ku Yuda a va kolwi hi manyala lawa va ma endlaka kwale, kambe va ha endla swin'wana swa tihanyi etikweni hinkwaro, va ndzi hlundzukisa ha swona ku tlula mpimo, naswona va ndzi pfuka hi ku hunga-hungisa switluka etinhompfini ta vona kukota vamatiko.

Ezekiele 8:12

Xikwembu xi ku ka mina: “Xana wa swi vona, we Ezekiele, leswi vakulukumba va Israele va swi endlaka exihundleni xana? Loko va ri etindlwini ta vona ta swifaniso, va vula mina HOSI a ndzi va voni, ni leswaku ndzi tshikile tiko ra vona.”

Ezekiele 8:6

Kutani Xikwembu xi ndzi vutisa xi ku: “Xana wa swi vona, we Ezekiele, leswi Vaisraele va swi endlaka endhawini leyi xana? Mintirho ya manyala layo chavisa leyi va yi endlaka laha, ya ndzi hlongola eTempeleni ya mina. Kambe wa ha ta vona swa manyala man'wana lama tlulaka lawa.”

Ezekiele 7:6

Tiko ra hela, ni sweswi ri herile, na n'wina ma sungula ku hela. Makumu ya fikile!

Ezekiele 3:10

A engeta a ku ka mina: “Rhiya ndleve we Ezekiele, u yingisa hinkwaswo leswi ndzi ku byelaka swona, u swi hlayisa embilwini ya wena.

Ezekiele 3:7

kasi Vaisraele va nga ka va nga ku yingisi, hikuva hambi a ri mina a va ndzi yingisi; hinkwavo i vanhu vo oma tinhloko, va timbilu to nonon'hwa.

Yeremiya 40:10

Mina ndzi ta tshama kwala Mispa, ndzi mi yimela emahlweni ka Vakalediya loko va tshuka va ta eka hina. N'wina mi ta hlengeleta vhinyo, ni mihandzu leyi vupfeke, ni mafurha, mi swi chela eswibyeni swa kona, kutani mi ya titshamela emitini leyi mi yi tekeke.”

Yeremiya 5:31

Vaprofeta va vulavula mavunwa, vaprista va fuma vanhu hi ku rhandza; kutani vanhu va ka hina va tsakela sweswo, kambe loko siku ra makumu ri ta fika, mi ta endla yini xana?

Esaya 28:4

swiluva swa yona swi ta vuna! Muti lowu akiweke enhlohlorhini ya ntshava, lowu langutanaka ni masimu layo nona, wu ta fana ni makuwa ya matatana lawa loko vanhu va ma vona, va ma tsutsumelaka, va kha va dya.

Ezekiele 29:8

“Hikokwalaho mina HOSI N'wini wa hinkwaswo ndzi vurisa sweswo, ndzi ri: Wena Faro, ndzi ta ku vangela tinyimpi; ku ta dlawa vanhu ni swifuwo laha ka wena.

Genesa 6:13

Kutani Xikwembu xi ku ka Nowa: “Ndzi ni makungu ya ku herisa vanhu hinkwavo, hikuva misava yi tele tihanyi hikwalaho ka vona. Kutani ndzi ta va herisa swin'we ni misava.

Amosi 8:1

Kutani HOSI N'wini wa hinkwaswo a ndzi komba leswi hi xivono: Ndzi vona xirhundzu xa mihandzu leyi vupfeke.

Hosiya 9:7

Nkarhi wa ku biwa wu fikile, un'wana ni un'wana ú ta kuma hakelo ya yena. N'wina va tiko ra Israele mi ta swi tiva. Eka n'wina, muprofeta wa hlanya, wanuna loyi a nga ni Moya wa Xikwembu, eka n'wina ú ni rihuhe! Swi tano hi mhaka ya swidyoho swa n'wina leswo tala, ni rivengo ra n'wina lerikulu.