Amosi 8:11 - BIBELE Mahungu Lamanene

¹¹ HOSI N'wini wa hinkwaswo ú vula sweswo ú ri: “Vonani, masiku ma ta, lawa ndzi nga ta vanga ndlala etikweni; a yi nga vi ndlala ya vuswa, kumbe torha ra mati, kambe ndlala ni torha ra ku lava marito ya mina HOSI.

Xitsonga (Bibele)

¹¹ “Vonani,” ku vula Yehovha, “ma ta masiku lawa ndzi nga ta rhumela ndlala emisaveni, yi nga ri ndlala ya vuswa, ni loko ri ri torha ra mati, kambe yi nga ndlala ya marito ya Xikwembu.

Amosi 8:11 Referans Kwoze

Pisalema 74:9

A wa ha vonaki exikarhi ka hina, ni vaprofeta va nyamalarile, kutani a ku na munhu exikarhi ka hina la tivaka leswaku swi ta hela rini.

1 SAMIELE 3:1

Mufana Samiele a a tirhela HOSI Xikwembu a ri hansi ka Heli. Eminkarhini yoleyo, rito ra HOSI a ri kala ngopfu; swivono a swi nga tali ku va kona.

2 TIKRONIKA 15:3

Hakanyingi eminkarhini leyi hundzeke, Vaisraele va tihanyerile va nga ri na Xikwembu xa ntiyiso, va pfumala muprista wo va dyondzisa, va ri hava ni nawu.

1 SAMIELE 28:6

Kutani a vutisa mhaka leyi eka HOSI Xikwembu, kambe xona xi nga n'wi hlamuli, hambi hi norho, kumbe hi vuhlolotwana, kumbe hi vaprofeta.

Ezekiele 7:26

Makhombo ma ta khandzakanya, mahungu ya wona ma landzelelana. Lava kombelaka swivono eka vaprofeta, a va nga swi kumi, vaprista a va nga ha dyondzisi milawu, ni vakulukumba va ta tshika ku tsundzuxa van'wana.

Matewu 9:36

Loko a vona mintshungu ya vanhu, a va twela vusiwana, hikuva a va karhele, va tshamile ehansi, va fana ni tinyimpfu leti nga riki na murisi.

Mikiya 3:6

“Nivusiku, a mi nga ha vi na swivono, ni ku vhumbha a mi nga ha vhumbhi; mi ta gugurhuteka ninhlekanhi, wonge hiloko dyambu ri perile khale.

1 SAMIELE 28:15

Samiele a ku ka Sawulo: “Hikwalaho ka yini u ndzi karhata hi ku ndzi vitana u ku ndzi huma ehansi, xana?” Sawulo a hlamula a ku: “Ndzi le maxangwini lamakulu; Vafilista va lwa na mina; naswona, Xikwembu xi ndzi tshikile, a xa ha ndzi hlamuli, hambi hi vaprofeta, kumbe hi norho. Hikokwalaho, ndzi ku vitanile leswaku u ta ndzi byela leswi ndzi fanelaka ku swi endla.”

Esaya 5:6

Ndzi ta yi tshika yi tlhumelana, ndzi nga yi hlakuli, ni vhinya ndzi nga yi tsheni, ku ta mila mitwa ni swigatlu ntsena; ndzi ta lerisa mapapa leswaku ma nga ha nisi mpfula ensin'wini leyi!”

Swivuriso 29:18

Vanhu lava nga kumiki switsundzuxo swa HOSI Xikwembu, va ta tshika milawu; ku katekile lava hlayisaka nawu wa HOSI Xikwembu.

Hosiya 2:3

loko a nga swi tshiki, ndzi ta n'wi hluvula swiambalo, ndzi n'wi siya a fana ni siku leri a nga velekiwa ha rona; ú ta sala a fana ni mananga, a hundzuka misava leyi omeke, torha ri to tlanga hi yena.