Amosi 7:7 - BIBELE Mahungu Lamanene

⁷ Kutani N'wini wa hinkwaswo a engeta a ndzi komba leswi hi xivono: A a yimile etlhelo ka khumbi leri pimiweke hi ngoti loko ri akiwa, a khomile ngoti yo pima hi yona evokweni.

Xitsonga (Bibele)

⁷ Hi lexi xikombiso lexi a ndzi kombiseke xona. Ndzi vonile Yehovha Xikwembu a yimile ehenhla ka khumbi leri akiweke ri ku dzi, a a tamele ngoti ya ku ringanyeta evokweni ra yena.

Amosi 7:7 Referans Kwoze

2 TIHOSI 21:13

Ndzi ta avanyisa muti wa Yerusalema ndzi wu herisa, hilaha ndzi avanyiseke ni ku herisa muti wa Samariya hakona, swin'we ni ndyangu wa Akabu. Ndzi ta sula Yerusalema, kukotisa loko munhu a sula nkambana, kutani loko a hetile, a wu khubumeta.

Nhlavutelo 21:15

Kutani loyi a vulavuleke na mina, a a ri ni rihlanga ra nsuku ro pima ha rona, leswaku a ta pima muti ni tinyangwa ta wona ni rirhangu ra wona.

Nhlavutelo 11:1

Kutani ndzi nyikiwa rihlanga ro pima ha rona, ro kota xongotelo, ndzi byeriwa marito lawa ya nge: “Pfuka u pima Tempele ya Xikwembu ni alitari ni ntsengo wa lava gandzelaka kona.

Ezekiele 40:3

Xikwembu xi ndzi tshineta kusuhi na swona, kutani etlhelo ka muako wun'wana wa nyangwa, a ku yimile munhu la vangamaka kukota koporo, a tamele ngoti ya ntsembyani ni rihlanga ro pima ha rona.

Swirilo 2:8

HOSI Xikwembu xi bohile makungu ya ku mbundzumuxa rirhangu ra muti wa Siyoni, xi tlhela xi gandletela, xi nga tsetseleri; rirhangu ni swihondzo swa rona, xi endle leswaku swi chela gome, hikuva swi fayeteriwile.

Esaya 34:11

Ri ta hundzuka kaya ra makhuhunu ni tinungu, swinkhovha ni mawukuwuku swi ta tshama kona. HOSI Xikwembu xi ta endla leswaku tiko leri ri nga ha vi na xivumbeko, ri sala ri nga ri na nchumu.

Esaya 28:17

Ku avanyisa ka mina lokunene ni ku lulama ka mina ku ta fana ni ngoti leyi vaaki va pimaka khumbi ha yona.” Mavunwa lawa mi ma endlaka khokholo ra n'wina, ma ta kukuriwa hi mpfula ya xihangu, ndhambi yi ta khubumeta xisirhelelo xa n'wina.

2 SAMIELE 8:2

Davhida a hlula ni mavuthu ya Vamowabu; a xaxameta lava khomiweke, a va pavalarisa ehansi, kutani a va pima hi ngoti, ku huma mintlawa minharhu; hiloko a yisa mintlawa mimbirhi eku dlaweni, kambe a tsetselela hinkwavo lava a va ri entlaweni wa vunharhu. Ku sukela siku rero, Vamowabu va va ehansi ka mfumo wa Davhida, va humesa ndzuvo va n'wi luva.

Genesa 28:13

HOSI Xikwembu a xi yimile etlhelo ka yena, kutani xi ku: “Hi mina HOSI, Xikwembu xa Abrahama na Isaka. Tiko leri u etleleke eka rona ndzi ta ku nyika rona, wena ni vatukulu va wena.

Amosi 7:6

Kavaloko HOSI yi tlhela emakungwini lawa, kutani yi ku: “Leswi na swona, a swi nga yi emahlweni.”

Amosi 7:8

Kutani a ku ka mina: “Amosi, u vona yini xana?” Ndzi hlamula ndzi ku: “Ndzi vona ngoti yo pima hi yona.” Kutani N'wini wa hinkwaswo a ku: “Hi ngoti leyi, ndzi lava ku pima vanhu va mina va Israele. Ndzi nga ka ndzi nga va tsetseleli, ni siku ni rin'we!

Zakariya 4:10

Xana i vamani lava soleke ntirhonyana lowutsongo wa masungulo xana? A va tsake sweswi, loko va vona Zerubabele a khomile ribye lero hlawuleka ngopfu. Ntsumi yi tlhela yi ku: “Timboni ta 7 i mahlo ya HOSI Xikwembu, lama valangaka misava hinkwayo.”