Amosi 7:5 - BIBELE Mahungu Lamanene

⁵ Kutani ndzi ku: “HOSI, N'wini wanga, ndzi kombela leswaku u nga ha yi emahlweni. Leswi rixaka ra Yakobo ri nga ritsongo ngopfu, xana ri ta hanyisa ku yini xana?”

Xitsonga (Bibele)

⁵ Kutani ndzi ku: “Hosi Yehovha, wanga tshika! Xana Yakobo u ta yimisa ku yini, kasi u ntsongo?”

Amosi 7:5 Referans Kwoze

Pisalema 85:4

We Xikwembu muponisi wa hina, hi vuyisele exiyin'weni xa hina xa khale, u nga ha tlheli u hi karihela.

Yuwele 2:17

Vaprista, vona malandza ya HOSI Xikwembu, a va nghene exivaveni xa Tempele, va ya rila kusuhi ni alitari; a va vule va ku: “We HOSI, hi vanhu va wena ni ndzhaka ya wena, hi tsetselele, u nga tshuki u hi sandzisa ni ku hi endla xihlekiso eka vamatiko. Vanhu vambe va nga tshuki va vula va ku: ‘Xikwembu xa vona xi kwihi ke?’ ”

Yeremiya 30:19

Exikarhi ka vaaki va Yerusalema ku ta twala tinsimu to nkhensa, ni huwa ya lava nga minkhubyeni. Ndzi ta va andzisa, va tala swinene, ndzi ta va tlakusa, kutani a va nga ha tsongahatiwi.

Esaya 10:25

Ndzi le kusuhi swinene ni ku tshika ku mi hlundzukela, kutani ndzi ta hlundzukela Vaasiriya, ndzi va herisela makumu.

Esaya 1:9

Loko HOSI ya matimba hinkwawo a yi nga siyanga van'wana va hina va hanya, tiko ra hina a ri ta sala ri fana na Sodoma, a ri ta va ri hundzuke Gomora.

Zakariya 4:10

Xana i vamani lava soleke ntirhonyana lowutsongo wa masungulo xana? A va tsake sweswi, loko va vona Zerubabele a khomile ribye lero hlawuleka ngopfu. Ntsumi yi tlhela yi ku: “Timboni ta 7 i mahlo ya HOSI Xikwembu, lama valangaka misava hinkwayo.”

Tinhlayo 14:19

Ku sukela loko va humile etikweni ra Egipta ku ta fika namuntlha, vanhu lava u va rivalerile milandzu ya vona, hikwalaho ka ku tala ka tintswalo ta wena; kutani nisweswi, ndzi kombela leswaku u va rivalela.”

Ezekiele 9:8

Loko va ri karhi va dlaya vanhu, mina a ndzi sele ndzi ri ndzexe, kutani ndzi wa hansi hi mombo, ndzi rila ndzi ku: “Yo, we HOSI N'wini wa hinkwaswo, xana u lava ku chululela vukari bya wena ehenhla ka Yerusalema, u herisa masalela ya Vaisraele, xana?”