Amosi 7:2 - BIBELE Mahungu Lamanene

² Loko tinjiya ti lava ku heta byanyi etikweni, ndzi ku: “HOSI, N'wini wanga, ndzi kombela leswaku u va rivalela. Leswi rixaka ra Yakobo ri nga ritsongo ngopfu, xana ri ta hanyisa ku yini xana?”

Xitsonga (Bibele)

² Kuteloko ti hetile ku dya byanyi hinkwabyo bya tiko, ndzi te: “Oho, Hosi, wanga rivalela! Xana Yakobo u ta yimisa ku yini, kasi u ntsongo?”

Amosi 7:2 Referans Kwoze

Ezekiele 11:13

Kutani loko ndzi ri karhi ndzi vulavula, Pelatiya n'wana Benaya o tshuka a lova. Hiloko ndzi wa hansi hi mombo, ndzi rila eka Xikwembu hi rito leri tlakukeke, ndzi ku: “Yo HOSI N'wini wanga, xana masalela ya Vaisraele, u lava ku ma herisela makumu xana?”

Esaya 37:4

Kumbexana HOSI Xikwembu xa wena xi ma twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”

Ezekiele 9:8

Loko va ri karhi va dlaya vanhu, mina a ndzi sele ndzi ri ndzexe, kutani ndzi wa hansi hi mombo, ndzi rila ndzi ku: “Yo, we HOSI N'wini wa hinkwaswo, xana u lava ku chululela vukari bya wena ehenhla ka Yerusalema, u herisa masalela ya Vaisraele, xana?”

Yeremiya 42:2

va fika va ku ka yena: “Hina masalela ya Israele, hi kombela leswaku u amukela xirilo xa hina, u hi khongelela eka HOSI, Xikwembu xa wena; wa swi vona hi wexe, khale a hi tele, kambe sweswi hi lo sala hi ri vanhu va nga ri vangani ntsena.

Yeremiya 14:7

Vanhu va huwelela va ku: “We HOSI, hi dyohile emahlweni ka wena, hi tlhelele ndzhaku minkarhi yo tala, mintirho ya hina leyo biha ya hi mangalela. Hambiswiritano hi pfune hikwalaho ka vito ra wena.

Eksoda 10:15

ti funengeta hinkwako laha hansi, ku sala ku lo tshwukelana hi tona. Ti dyetetela swimilana hinkwaswo etikweni, ti dya ni mihandzu hinkwayo ya mirhi leyi poneke xihangu; a ti siyanga ni xilo ni xin'we xa rihlaza ematlhelweni hinkwawo ya tiko ra Egipta, ti dya hambi yi ri mirhi kumbe swimila-milani emasin'wini.

Nhlavutelo 9:4

Ti lerisiwa leswaku ti nga onhi byanyi bya misava, hambi ximila xihi na xihi xa rihlaza, kumbe murhi wihi na wihi, kambe ti yela vanhu lava nga riki na mfungho wa Xikwembu emimombyeni ya vona.

Zakariya 4:10

Xana i vamani lava soleke ntirhonyana lowutsongo wa masungulo xana? A va tsake sweswi, loko va vona Zerubabele a khomile ribye lero hlawuleka ngopfu. Ntsumi yi tlhela yi ku: “Timboni ta 7 i mahlo ya HOSI Xikwembu, lama valangaka misava hinkwayo.”

Amosi 7:5

Kutani ndzi ku: “HOSI, N'wini wanga, ndzi kombela leswaku u nga ha yi emahlweni. Leswi rixaka ra Yakobo ri nga ritsongo ngopfu, xana ri ta hanyisa ku yini xana?”

Daniele 9:19

We HOSI, hi yingise! HOSI, hi rivalele! HOSI, twana xirilo xa hina, u hatla u hi lwela, hikwalaho ka leswi u nga swona, we Xikwembu xanga, ni hikwalaho ka muti lowu wa wena ni vaaki va wona lava thyiweke vito ra wena.

Esaya 51:19

U humeleriwile hi makhombo mambirhi: u mbundzumuxiwile u herisiwa, vanhu va wena va file hi ndlala ni fumu; xana i mani la nga ta ku khongotela, u ta chavelela hi mani xana?

Pisalema 12:1

Hi pfune, we HOSI, hikuva vanhu va vukhongeri va herile; lavo tshembeka exikarhi ka vanhu va nyamalarile.

Eksoda 34:9

a ku: “HOSI, loko hakunene u ndzi tsakela, ndzi kombela leswaku u famba exikarhi ka hina, we HOSI! Hambileswi vanhu lava va tinonon'hwisaka, hi rivalele nandzu wa hina ni xidyoho xa hina, u hi endla vanhu va wena va xiviri.”

Yuwele 2:17

Vaprista, vona malandza ya HOSI Xikwembu, a va nghene exivaveni xa Tempele, va ya rila kusuhi ni alitari; a va vule va ku: “We HOSI, hi vanhu va wena ni ndzhaka ya wena, hi tsetselele, u nga tshuki u hi sandzisa ni ku hi endla xihlekiso eka vamatiko. Vanhu vambe va nga tshuki va vula va ku: ‘Xikwembu xa vona xi kwihi ke?’ ”

Amosi 4:9

“Ndzi mi vangele mumu ni tshone, mintanga ya n'wina ni masimu ya vhinya swi vuna, tinjiya ti dya mirhi ya n'wina ya minkuwa ni mitlhwari; kambe hambiswiritano, a mi tlhelelanga eka mina.” HOSI yi vula sweswo.