Amosi 7:1 - BIBELE Mahungu Lamanene

¹ Kutani HOSI N'wini wa hinkwaswo a ndzi komba leswi hi xivono: A a ri karhi a vanga tinjiya, ti tlhotlhorhiwa hi nkarhi lowu byanyi a byi sungula ku hluka, endzhaku ka loko byi rhangile byi kutleriwa swifuwo swa hosi.

Xitsonga (Bibele)

¹ Hi lexi xikombiso xa Hosi Yehovha, lexi a ndzi kombiseke xona: Vonani, u tshama a humesa tinjiya, loko byanyi byi tlhela byi hluka, endzhaku ka lebyi nga kutleriwa hosi.

Amosi 7:1 Referans Kwoze

Yuwele 1:4

Leswi siyeke hi xigon'wani, swi dyiwile hi magerere. Leswi magerere ma swi siyeke, xijajani xi dyile, kutani leswi siyeke hi xijajani, swi dyiwile hi mherhavunguvungu.

Amosi 8:1

Kutani HOSI N'wini wa hinkwaswo a ndzi komba leswi hi xivono: Ndzi vona xirhundzu xa mihandzu leyi vupfeke.

Amosi 4:9

“Ndzi mi vangele mumu ni tshone, mintanga ya n'wina ni masimu ya vhinya swi vuna, tinjiya ti dya mirhi ya n'wina ya minkuwa ni mitlhwari; kambe hambiswiritano, a mi tlhelelanga eka mina.” HOSI yi vula sweswo.

Yuwele 2:25

Ndzi ta mi rihela malembe lawa tinjiya ta magerere ti mi karhateke ha wona, ni xijajani, ni mherhavunguvungu, ni xigon'wani, ri nga rona vuthu ra mina lerikulu, leri a ndzi mi rhumerile rona.

Zakariya 1:20

Kutani HOSI Xikwembu xi ndzi komba vafuri va tinsimbhi va mune.

Amosi 7:7

Kutani N'wini wa hinkwaswo a engeta a ndzi komba leswi hi xivono: A a yimile etlhelo ka khumbi leri pimiweke hi ngoti loko ri akiwa, a khomile ngoti yo pima hi yona evokweni.

Amosi 7:4

Kutani HOSI N'wini wa hinkwaswo a tlhela a ndzi komba leswi hi xivono: A a ri karhi a tilulamisela ku tshinya vanhu hi ndzilo, wu phyisa xidziva lexikulu ehansi ka misava, kutani wu sungula ni ku herisa tiko.

Ezekiele 11:25

Kutani ndzi hlayela va le vukhumbini etimhaka hinkwato leti HOSI Xikwembu xi ndzi kombiseke tona.

Yeremiya 24:1

Siku rin'wana, HOSI Xikwembu xi ndzi kombile xivono: A ku ri ni swirhundzu swimbirhi leswi vekiweke emahlweni ka Tempele. (Enkarhini wolowo, Nebukadnetsara hosi ya Babilona a a ha ku khoma Yoyakini hosi ya Yuda ni tindhuna ta yena ni vavatli ni vafuri va tinsimbhi, a va susa eYerusalema, a va yisa evukhumbini eBabilona.)

Esaya 33:4

kutani swilo swa vona swi phanghiwa wonge swi lo nghenela hi switsotso, vanhu va swi tlulela, wonge vo va tinjiya.

Malakiya 3:11

Ndzi ta sivela tinjiya, leswaku ti nga mi dyeli leswi milaka emasin'wini ya n'wina; ni mirhi ya n'wina ya vhinya a yi nga tshiki ku tswala. Ndzi vula sweswo mina HOSI ya matimba hinkwawo.