Amosi 6:3 - BIBELE Mahungu Lamanene

³ Mi endla wonge mi nga bakanyela kule siku ra khombo, kasi mi titshinetela lembe ra maxangu.

Xitsonga (Bibele)

³ N'wina mi nge mi veka siku ra ku vaviseka ekule, kutani mi veka xitshamo xa vukari ekusuhi!

Amosi 6:3 Referans Kwoze

Amosi 9:10

Vadyohi hinkwavo va tiko ra mina lava nge: ‘Hi nga ka hi nga humeleli hi swo biha kumbe ku hlangana na swona’, va ta dlawa hi fumu.”

Esaya 56:12

Va byelana va ku: “A hi yeni hi ya lava vhinyo, a hi nweni byalwa, hi xurha! Siku ra mundzuku ri ta fana ni lera namuntlha ri va lerinene ngopfu.”

Ezekiele 12:27

“Wena munhu, twana leswi Vaisraele va swi vulaka; va ri: ‘Leswi muprofeta a swi vonaka hi xivono, a swi nga humeleli sweswi, swi ta humelela eminkarhini leyi taka!’

2 Petro 3:4

va ku: “Swi helele kwihi, swa loyi ku nga tshembisiwa leswaku ú ta ta, xana? Hi mpfhuka vatatana va nga tietlelela, swilo hinkwaswo swa ha ya emahlweni hilaha a swi famba hakona, ku sukela loko misava yi tumbuluka.”

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Matewu 24:48

Kambe loko nandza yoloyi a ri lowo biha, ú ta ehleketa embilwini ya yena a ku: ‘N'wini wa mina wa hlwela ku vuya’,

Amosi 3:10

HOSI yi vula sweswo yi ri: “Vanhu va Samariya a va swi tivi ku endla leswo lulama, va tata tindlu ta vona ta vuhosi hi swilo leswi va swi kumeke hi tihanyi ni vuxisi.”

Ezekiele 12:22

“Wena munhu, etikweni ra Israele ku ni xivuriso lexi nge: ‘Minkarhi ya hundza, kambe swivono swa vaprofeta a swi humeleri!’

Nhlavutelo 18:17

Kambe hi nkarhinyana ntsena rifuwo leri hinkwaro ri herisiwile!” Kutani hinkwavo vini va tingalava, ni vakhandziyi va tona, ni vatluti, ni hinkwavo lava bindzurisaka hi ku tirha elwandle, va yimela kule,

Amosi 6:12

Xana mi tshama mi vona tihanci ti tsutsumisiwa emaribyeni, kumbe munhu a rima lwandle hi tihomu, xana? Kambe n'wina mi hundzuluxile ku avanyisa lokunene ku va mhondzo, mi dyisile vanhu mbitsi hi ku tshika ku lulama.

Amosi 5:18

Mi ni khombo, n'wina mi navelaka siku ra HOSI! Xana mi ri lavela yini siku leri xana? Eka n'wina, ri ta va siku ra munyama, ku nga ri ra ku vonakala.

Amosi 5:12

Mintirho ya n'wina leyo biha, ndza yi tiva hinkwayo, ndzi tiva ni ku tala ka swidyoho swa n'wina: Mi xanisa vanhu lava nga riki na nandzu, mi pfumela ku xaviwa ehubyeni, mi tlherisa vapfumari loko va ta eku mangaleni.

Esaya 47:7

U tikurisile, u ku: ‘Ndzi ta va nkosikazi hilaha ku nga heriki!’ u rivala leswaku eku heteleleni, swiendlo swa wena swi ta ku vangela khombo.

Eklesiasta 8:11

Leswi mintirho ya lavo homboloka yi nga avanyisiwangiki hi ku hatlisa, vanhu van'wana va tsutsumela ku endla leswi biheke.

Pisalema 94:20

Xana vafumi lavo homboloka, u ta twanana na vona loko va hundzuluxa milawu, va endla leswo biha xana?

Swirilo 4:5

Lava a va tiphina hi ku dya mafurha, sweswi va wa hi ndlala emagondzweni; lava va kurisiweke hi ku ambexiwa swivunguvungu, namuntlha va handza matala.

Ezekiele 23:42

A ku twakala huwa ya vanhu lava tsakeke, wu nga ntshungu wa vavanuna lava humaka emananga, va fika va bela vavasati lava masindza emavokweni, va tlhandleka un'wana ni un'wana harhi yo saseka enhlokweni.

Mikiya 6:12

Van'wankumi va muti lowu va tele tihanyi, vaaki va wona vo dzumbela ku hembelana ni ku kanganyisana.

Amosi 3:9

Huwelelani lava nga tindlwini ta vuhosi ta le Axidodo, ni lava nga tindlwini ta vuhosi ta le Egipta, mi ku: “Hlengeletanani eswitsungeni swa Samariya, mi vona mpfilumpfilu lowukulu emutini lowu, ni ku xanisiwa ka vanhu exikarhi ka vona!”