Amosi 6:2 - BIBELE Mahungu Lamanene

² n'wina mi nge, ‘Tsemakanyani mi ya vona muti wa Kaline, mi suka kona mi ya emutini lowukulu wa Hamata, kutani mi rhelela mi ya eGati muti wa Vafilista: Matiko lawa a ma tluli mimfumo ya n'wina ya Israele na Yuda, a ma kulanga ku tlula tiko ra n'wina!’

Xitsonga (Bibele)

² “Yanani le Kaline, mi vona, loko mi suka kona, mi hundzela eHamata lonkulu, kutani mi ta rhelela le Gati wa Vafilista. Xana miti yoleyo yi sasekile ku tlula miti leyi ya n'wina xana? Kumbe tiko ra vona i rikulu eka tiko ra n'wina xana?

Amosi 6:2 Referans Kwoze

Nahume 3:8

We Ninivha, xana u tlula muti wa Teba lowu a wu akiwile kusuhi ni nambu wa Nilo xana? A wu rhendzeriwile hi mati, lwandle a ri endla xisirhelelo emahlweni ka wona, ni mati a ma ri rirhangu ra wona.

2 TIHOSI 18:34

Swi kwihi swikwembu swa Hamata ni swa Aripadi? Swikwembu swa Sefari-Vhayimi, ni swa Hena, ni swa Ivha, swi kwihi xana? Xana swi ponisile muti wa Samariya emavokweni ya mina xana?

Genesa 10:10

Loko Nimrodo a sungula ku fuma, a a fuma miti leyi: Babele, na Ereke, na Akade, hinkwayo yi ri etikweni ra Xinara.

2 TIKRONIKA 26:6

Uziya a huma nyimpi a ya lwa ni Vafilista, a hlasela miti ya Gati na Yabine na Axidodo, a wisa rirhangu ra yona; naswona a aka miti yin'wana kusuhi ni Axidodo, ni kun'wana etikweni ra Vafilista.

1 SAMIELE 17:4

Kutani wanuna wa xihontlovila la vuriwaka Goliyadi, wa le Gati, a huma emixaxeni ya Vafilista. Wanuna loyi a a lehile ku lava ku ringana timitara tinharhu.

2 TIHOSI 19:13

Yi kwihi hosi ya le Hamata, ni hosi ya le Aripadi, ni hosi ya muti wa Sefari-Vhayimi, ni hosi ya le Hena, ni hosi ya le Ivha, xana?’ ”

2 TIHOSI 17:30

Vanhu lava humeke hi le Babilona va fika va vatla swifaniso swa Sukoti-Benoti, va le Kuta va vatla swa Nergala, ni va le Hamata va vatla swa Axima.

2 TIHOSI 17:24

Hosi ya le Asiriya yi tisa vanhu vo huma hi le Babilona, ni le Kuta, ni le Avha, ni le Hamata, ni le Safari-Vhayimi, yi va veka emitini ya tiko ra Samariya, etindhawini ta vanhu va Israele. Kutani vanhu lava va teka tiko ra Samariya, va tshama emitini ya rona.

1 TIHOSI 8:65

Solomoni a dya nkhuvo hi masiku ya 7, a ri ni vanhu hinkwavo va Israele. A yi ri nhlengeletano leyikulu ya vanhu lava a va huma ku sukela exiphandzeni xa Hamata en'walungwini ku ya fika endzilekaneni wa Egipta edzongeni.

1 SAMIELE 17:23

Loko a ha vulavula na vona, xihontlovila lexa Mufilista lexi vuriwaka Goliyadi wa le Gati, xi huma eka mavuthu ya Vafilista xi hlomile matlhari, xi rhuketela tanihi masiku, Davhida a ri karhi a swi twa.

1 SAMIELE 5:8

Kavaloko va rhumela rito eka tihosi ta Vafilista, ti endla nhlengeletano na vona, kutani va ti vutisa va ku: “Xana hi ta endla yini hi Areka ya Xikwembu xa Israele xana?” Tihosi ti hlamula ti ku: “Areka ya Xikwembu xa Israele a yi hundziseriwe emutini wa Gati.” Kutani va endlisa sweswo.

Yeremiya 49:23

Ta Damaska hi leti. HOSI Xikwembu xi ri: “Vanhu va le Hamata ni va le Arpadi va hlangene tinhloko, hikuva va twile mahungu layo biha; va le ku chaveni, va ya hala ni hala kukota lwandle, a va na ku rhula.

1 SAMIELE 5:10

Kavaloko va rhumela Areka ya Xikwembu emutini wa Ekroni. Kambe loko Areka ya Xikwembu yi fika le Ekroni, vaaki va kona va huwelela va ku: “Va tisile Areka ya Xikwembu xa Israele eka hina leswaku yi ta hi heta, hina ni va ka hina.”

2 SAMIELE 8:9

Loko Toyi hosi ya le Hamata a twa leswaku Davhida ú hlurile mavuthu hinkwawo ya Hadadi-Ezere,