Amosi 6:14 - BIBELE Mahungu Lamanene

¹⁴ HOSI, Xikwembu xa matimba hinkwawo, xi vurisa sweswo xi ri: “Vonani, ndzi ta rhumela tiko rin'wana ri ta ri ta mi hlasela, n'wina vanhu va Israele; va ta mi xanisa, ku sukela exiphandzeni xa Hamata en'walungwini, ku ya fika enkoveni wa Yordani le dzongeni.”

Xitsonga (Bibele)

¹⁴ Hikwalaho, Yehovha, Xikwembu xa tinyimpi, u ri: “N'wina va yindlu ya Israele, vonani, ndzi ta mi pfuxela tiko leri nga ta mi xanisa ku suka le Hamata ku yisa enambyeni wa mananga.”

Amosi 6:14 Referans Kwoze

2 TIHOSI 14:25

Hi yena la vuyiseleke Vaisraele ematiko ya vona ya khale, ku sukela exiphandzeni xa Hamata en'walungwini, ku ya fika eLwandle-ra-ku-fa edzongeni. HOSI Xikwembu a xi vurile mhaka leyi hi nomo wa nandza wa xona Yonasi n'wana Amitayi, muprofeta wo huma eGati-Hefere,

1 TIHOSI 8:65

Solomoni a dya nkhuvo hi masiku ya 7, a ri ni vanhu hinkwavo va Israele. A yi ri nhlengeletano leyikulu ya vanhu lava a va huma ku sukela exiphandzeni xa Hamata en'walungwini ku ya fika endzilekaneni wa Egipta edzongeni.

Hosiya 10:5

Vaaki va Samariya va khomile hi gome, va vilelela rhole ra le Beta-Avene; va le ku rileni ka nkosi wa rona, ni swiphukuphuku leswa vaprista va rona swi le ku kalakaleni, hikuva ku dzuneka ka rona ku dzudzekile.

Esaya 7:20

“Enkarhini wolowo, N'wini wa hinkwaswo ú ta byewula vanhu hi rikari leri a nga ta ri lomba entsungeni wa nambu wa Yufrata; ú ta va byewula tinhloko ni miri hinkwawo, ku katsa ni malebvu. Rikari ra kona i hosi ya Asiriya.

2 TIHOSI 17:6

Hi lembe ra vu-9 ra ku fuma ka Hoxeya hosi ya Israele, hosi ya Asiriya yi teka muti wa Samariya, kutani yi yisa Vaisraele eAsiriya va ri mahlonga; yi va veka emutini wa Hala, ni le ribuweni ra nambu wa Habori le Gozana, ni le mutini ya Vameda.

2 TIHOSI 15:29

Enkarhini wa Peka hosi ya Israele, Tiglata-Pilezere hosi ya le Asiriya a fika, a hlasela miti ya Iyoni, na Avele-Beta-Maaka, na Yonawaka, na Kedexe, na Hasoro, ni miganga ya Giliyadi, na Galeliya, ri nga tiko hinkwaro ra Neftali, a khoma vanhu a va yisa etikweni ra Asiriya va ri mahlonga.

Ezekiele 47:20

Hi tlhelo ra vupeladyambu, ndzilekana wu ta lulama ni Lwandle ra Mediteraniya, ku ya fika endhawini leyi langutanaka ni xiphandze xa Hamata. Ndzilekana wa le vupeladyambu wu ta va wona lowu.

Amosi 3:11

Hikokwalaho HOSI N'wini wa hinkwaswo ú vurisa sweswo ú ri: “Nala ú ta rhendzela tiko, a mi tekela vutumbelo bya n'wina, a phangha ni leswi nga tindlwini ta n'wina ta vuhosi.”