Amosi 6:12 - BIBELE Mahungu Lamanene

¹² Xana mi tshama mi vona tihanci ti tsutsumisiwa emaribyeni, kumbe munhu a rima lwandle hi tihomu, xana? Kambe n'wina mi hundzuluxile ku avanyisa lokunene ku va mhondzo, mi dyisile vanhu mbitsi hi ku tshika ku lulama.

Xitsonga (Bibele)

¹² Xana tihanci ti tsutsumisiwa emaribyeni, kumbexana ku rimiwa hi tihavi kona, leswi mi nga hundzula ku avanyisa nhlomulo, ni mbhandzu wa ku lulama mi wu hundzule ku vava?

Amosi 6:12 Referans Kwoze

Amosi 5:7

Mi ni khombo, n'wina mi dyisaka vanhu mbitsi hi ku tshika milawu leyo lulama, n'wina mi alaka ku avanyisa hi ndlela leyinene.

Hosiya 10:4

Leswi va swi vulaka a swi humi etimbilwini ta vona; loko va endla mintwanano, va tshembisa swilo leswi va nga ta ka va nga swi endli. Hikokwalaho, maavanyisele ya vona ya timhaka ma bihile, ma fana ni nhova leyi dlayaka swimilana emasin'wini.

Esaya 48:4

Ndzi swi tivile leswaku mi vanhu vo ka tindleve, va tinhamu to sihalala ku fana ni nsimbhi, va tinhloko to oma kukota ribye.

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Hosiya 10:13

Manyala wona mi byarile, ntshovelo wa n'wina i ku homboloka, swakudya swa n'wina i mihandzu ya mavunwa, hikuva mi tshemba makalichi ya n'wina ya nyimpi, ni mavuthu ya n'wina layo tala.

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Yakobo 3:18

Kutani mihandzu ya hanyelo leri lulameke yi huma eka mbewu leyi nga byariwa hi ku rhula, hi vanhu lava tirhaka mintirho ya ku rhula.

Amosi 2:3

Ndzi ta susa mufambisi wa vona exikarhi ka vona, ndzi n'wi dlaya, yena ni tindhuna ta yena.” HOSI yi vula sweswo.

Amosi 3:10

HOSI yi vula sweswo yi ri: “Vanhu va Samariya a va swi tivi ku endla leswo lulama, va tata tindlu ta vona ta vuhosi hi swilo leswi va swi kumeke hi tihanyi ni vuxisi.”