Amosi 6:10 - BIBELE Mahungu Lamanene

¹⁰ Kutani loko munhu a ya humesa ntsumbu wa xaka ra yena endlwini ku ya wu hisa, ú ta vutisa loyi a nga ta va a ri ndlwini empfungwe, a ku: “Xana a ka ha ri na ntsumbu wun'wana kwalaho xana?” Yena ú ta hlamula a ku: “Ku hava!” a engeta a ku: “Miyela! U nga ha vulavuli u khumba vito ra HOSI!”

Xitsonga (Bibele)

¹⁰ Xaka ra munhu ri ta ta ni la hisaka mitsumbu, va ta teka mufi, va humesa marhambu endlwini. Kutani u ta ku eka la tshameke empfungwe wa yindlu: “Xana wa ha ri ni un'wana wa wena-ke?” Yeloyi u ta hlamula, a ku: “E-e, a ka ha ri na munhu.” Hilaha a nga ta ku: “Miyela! A ka ha ri na ku vuriwa vito ra Yehovha.”

Amosi 6:10 Referans Kwoze

Amosi 8:3

Hi siku ra kona, tinsimu ta le ntsindza ti ta hundzuka swirilo. Ndzi vula sweswo, mina HOSI N'wini wa hinkwaswo. Mintsumbu yi ta tala swinene. Etindhawini hinkwato va ta yi cukumetela ehandle, va miyerile.”

1 SAMIELE 31:12

va rhumela tinhenha hinkwato ta ka vona ku ya hawula ntsumbu wa Sawulo ni mintsumbu ya vana va yena, erirhangwini ra Beta-Xani. Lava rhumiweke va famba vusiku hinkwabyo, kutani va vuya ni mintsumbu emutini wa Yabese, va yi hisela kona.

Amosi 5:13

Kutani, hi nkarhi lowu wa vubihi, munhu wo tlhariha, hi loyi a miyelaka.

Ezekiele 24:21

Hikokwalaho, yingisani n'wina Vaisraele! HOSI N'wini wa hinkwaswo ú ndzi byerile ku mi fikisela mahungu ya yena lawa ya nge: ‘Tempele ya mina, yona leyi mi tiyaka ni ku tidzunisa ha vona, yona leyi mi yi rhandzaka swinene ni ku yi anakanya minkarhi hinkwayo, ndzi ta yi onha. Vana va n'wina va xinuna ni va xisati lava saleke eYerusalema, va ta dlawa hi matlhari.

Ezekiele 20:39

“Mina HOSI N'wini wa hinkwaswo ndzi ri, fambani n'wina hinkwenu Vaisraele, mi ya tirhela swikwembu swa n'wina swa hava namuntlha ni mundzuku, loko mi nga lavi ku ndzi yingisa; kambe mina a ndzi nga ha pfumeli leswaku mi nyamisa vito ra mina hi magandzelo ya swikwembu swa n'wina swa hava.

Yeremiya 44:26

Yeremiya a engeta a ku: “N'wina hinkwenu va ka Yuda lava mi tshamaka etikweni ra Egipta, yingisani leswi HOSI Xikwembu xi swi vulaka, hikuva xi ri: ‘Ndza tiyisa hi ku hlambanya mina HOSI leswaku etikweni hinkwaro ra Egipta, a ku nga ha vi na munhu na un'we wa va ka Yuda loyi a nga ta tiboha hi vito ra mina; a va nga ha vuli leswaku ndzi kona mina HOSI N'wini wa vona.

Yeremiya 16:6

Etikweni rero, vanhu lavakulu ni lavatsongo va ta fa enkarhini wun'we; a va nga lahliwi kumbe ku riliwa. Vanhu a va nga byewuli tinhloko kumbe ku tixekelela, ku komba leswaku va le ku rileni.

Tinhlayo 17:12

Hiloko Vaisraele va ku ka Muxe: “Loko swi ri tano, hi herile, hi file! Hiloko hi file, hina hinkwerhu!

2 TIHOSI 23:16

Loko Yosiyasi a rhalarhala, a vona masirha le ntshaveni. A rhuma vanhu va ya teka marhambu emasirheni walawo, kutani a ma hisa alitarini; a nyamisa alitari leyi, hilaha HOSI Xikwembu xi vuleke hakona, hi nomo wa munhu wa xona loyi a a tivisile leswaku timhaka leti ti ta humelela.

2 TIHOSI 6:33

Loko Elixa a ha vulavula na vona, murhumiwa hi byakwe a fika eka Elixa, a ku ka yena: “Makhombo lawa ma vangiwile hi HOSI Xikwembu. Xana ndzi nga ha langutela yini, xo huma eka HOSI Xikwembu, xana?”

Yeremiya 9:21

“Rifu ri nghenile endlwini ya hina hi fasitere, ri fikile ni le tindlwini ta vuhosi; ri lovisile swihlangi emagondzweni ya muti, ri dlaya ni majaha etimbaleni ta wona!”