Amosi 5:21 - BIBELE Mahungu Lamanene

²¹ “Minkhuvo ya n'wina, ndza yi venga, ya ndzi nyenyetsa; ni risema ra leswi tlhaviwaka etinhlengeletanweni ta n'wina, a ndzi ri tsakeli!

Xitsonga (Bibele)

²¹ “Ndzi vengile, na swona ndza tsan'wa mikhuvo ya n'wina, a ndzi rhandzi ku nun'hwa ka leswi tlhaviwaka etinhlengeletanweni ta n'wina.

Amosi 5:21 Referans Kwoze

Swivuriso 28:9

Loyi a pfalaka tindleve, a nga lavi ku twa nchumu hi nawu, HOSI Xikwembu na xona, a xi nga twi swikhongelo swa yena.

Levhitika 26:31

lero ndzi ta mbundzumuxela miti ya n'wina, ndzi herisa ni swivandla swa n'wina leswo hlawuleka; ni ku nun'hwela ka magandzelo ya n'wina a ku nga ha ndzi tsakisi.

Esaya 66:3

“Munhu loyi a ndzi humeselaka magandzelo hi homu, wa ha ri yena loyi a gandzelaka swikwembu swin'wana hi ku dlaya munhu; loyi a ndzi tlhavelaka nyimpfu, wa ha ri yena loyi a tlhavelaka swikwembu swin'wana embyana; loyi a ndzi humeselaka magandzelo hi swa le masin'wini, wa ha ri yena loyi a humeselaka swikwembu swin'wana ngati ya nguluve; loyi a ndzi hiselaka mirhi ya risuna, wa ha ri yena loyi a dzunisaka swikwembu swa swifaniso. Vanhu lava va endla hi ku rhandza, va tsakela swilo swa vona swa manyala.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Swivuriso 15:8

Magandzelo ya munhu wo homboloka, HOSI Xikwembu xa ma nyenya, kambe xi tsakela xikhongelo xa munhu wo lulama.

Hosiya 8:13

Va rhandza ngopfu ku humesa magandzelo, va tlhava swifuwo, va dya nyama, kambe sweswo a swi ndzi tsakisi mina HOSI. Milandzu ya vona a ndzi yi rivali mina HOSI, ndzi ta va bela swidyoho swa vona. Va ta fanela ku tlhelela etikweni ra Egipta.

Matewu 23:13

“Mi ni khombo n'wina vatsari ni Vafarisi, hikuva mi vakanganyisi: Mi alela vanhu ku nghena eMfun'weni wa matilo. N'wina a mi ngheni eka wona, naswona lava ringetaka ku nghena ma va sivela. [

Swivuriso 21:27

Magandzelo ya munhu wo homboloka, HOSI Xikwembu xa ma venga, ngopfu-ngopfu loko a ma humesa a ri ni xikongomelo xo biha.

Genesa 8:21

Loko HOSI Xikwembu xi twa ku nun'hwela ka gandzelo ra kona, yi vulavula hi mbilu yi ku: “A ndzi nga ha tlheli ndzi rhuketela misava hikwalaho ka ku dyoha ka munhu, hambileswi munhu a ehleketaka swo biha ku sukela evuhlangini bya yena. Naswona a ndzi nga ha engeti ndzi herisa swivumbiwa leswi hanyaka, tani hilaha ndzi endleke hakona.

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

Vafilipiya 4:18

Ndzi kumile hakelo hinkwayo, ni ku tlula. Ndzi ni leswo tala, hikuva Epafrodito ú ndzi tisele tinyiko leti humaka eka n'wina. Tinyiko leti ti fana ni gandzelo ra risuna, leri amukelekaka eka Xikwembu, ri xi tsakisa.

Yeremiya 14:12

Hambi va nga titsona swakudya, a ndzi nga yingisi swikhongelo swa vona. Loko va ndzi hisela magandzelo ya nyama kumbe ya mapa, a ndzi nga va amukeli, ndzi ta va herisa hi matlhari, ni tindlala, ni mintungu.”

Ezekiele 23:18

Loko Oholiba a ya emahlweni ni swa vunghwavava bya yena, a etlela ni vavanuna erivaleni, a ndzi nyangatsa na mina hilaha makwavo wa yena a ndzi nyangatseke hakona.

Hosiya 2:11

Ku tiphina ka yena hinkwako ndzi ta ku herisa, ndzi herisa ni minkhuvo ya yena hinkwayo: Ya ku tshama ka n'weti, ni ya Savata, ni yin'wana ya vukhongeri.

Hosiya 5:6

Va ta teka swifuwo leswikulu ni leswitsongo, va famba va lava HOSI Xikwembu, kambe va nga ka va nga xi kumi; HOSI Xikwembu xi tihambanisile na vona.

Amosi 4:4

“Tanani eBetele, mi ta dyohela kona, mi ya engetelela le Giligala! Humesani magandzelo ya n'wina mpundzu wun'wana ni wun'wana, mi humesa vukhume bya swilo swa n'wina endzhaku ka masiku manharhu;

Amosi 4:5

humesani gandzelo ra swinkwa ro nkhensa Xikwembu, twarisani tinyiko ta n'wina mi tidzunisa ha tona, hikuva sweswo hi swona leswi mi swi rhandzaka, n'wina vanhu va Israele!” HOSI N'wini wa hinkwaswo ú vula sweswo.

Amosi 6:8

HOSI Xikwembu xa matimba hinkwawo xi vula sweswo. HOSI N'wini wa hinkwaswo ú tibohile hi ku hlambanya a ku: “Ndzi nyenya ku tikurisa ka va ka Yakobo, ni tindlu ta vona ta vuhosi ndza ti venga, kutani ndzi ta nyiketa muti wa vona eka valala, ni leswi nga ndzeni ka wona.”

Amosi 8:10

Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”