Amosi 5:2 - BIBELE Mahungu Lamanene

² “Israele, nhwana loyi a tengeke, ú wile, a nga ka a nga ha pfuki; ú siyiwile a lo lákáhlá ehansi, ku nga ri na loyi a n'wi pfuxaka.”

Xitsonga (Bibele)

² “U wile, wanhwana wa Israele a nga ha tlheli a yima, u tlatlalatiwile ehansi, a ku na la n'wi pfuxaka.”

Amosi 5:2 Referans Kwoze

Yeremiya 14:17

Xikwembu xi ndzi lerisile ku tivisa vanhu xirilo xa mina lexi nge: Mihloti ya mina yi khuluka yi nga yimi vusiku ni nhlekanhi, hikuva vanhu va ka hina va humeleriwe hi khombo lerikulu, va boxiwe mbanga yo chavisa.

Amosi 9:11

“Hi siku ra kona, ndzi ta pfuxa yindlu ya Davhida leyi weke, ndzi ta siva timfa ta yona, ndzi pfuxa ni makhumbi ya yona, ndzi tlhela ndzi yi aka ku fana ni khale.

Amosi 8:14

Vanhu lava hlambanyaka hi Axima, xikwembu xa xifaniso xa le Samariya, va ku: ‘Hi hlambanya hi xikwembu xa wena Dani’, ni lava va nge: ‘Hi hlambanya hi ndlela yo ya eBerexeba’, va ta wa va nga ha pfuki, ni siku ni rin'we.”

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

Hosiya 6:2

Xi ta hi horisa hi masiku ma nga ri mangani, xi ta hi pfuxa emasangwini, kutani hi ta hanya emahlweni ka xona.

Swirilo 2:13

We Yerusalema, xana ndzi nga vula yini hi wena ke? Khombo ra wena ndzi nga ri fanisa ni ra mani xana? A nga kona la tshamaka a vaviseka ku fana na wena, loyi ndzi nga ku tiyisaka hi ku ku komba yena. Wena Siyoni, nhwana wo saseka, ku onhaka ka wena i kukulu kukotisa lwandle, ku hava loyi a nga tlhelaka a ku pfuxa.

Yeremiya 51:64

kutani u ta ku: ‘Muti wa Babilona wu ta mbombomerisa sweswo, a wu nga ha tlheli wu vonaka, hikuva HOSI Xikwembu xi ta va xi wu vangerile maxangu, [kutani vamatiko va ta va va tikarhetele mahala!’ ”] Marito ya Yeremiya ma hela kwala.

Yeremiya 50:32

Leswi u tikurisaka, u ta khuguka u wa, u nga ha pfuxiwi hi munhu; ndzi ta hisa swimitana swa wena, ku ta tshwa hinkwaswo leswi nga kusuhi na wena.”

Yeremiya 31:4

N'wina Vaisraele, ndzi ta tlhela ndzi mi simeka etikweni ra n'wina, kutani mi ta tshamiseka swinene. Mi ta tlhela mi rhwala swingomana, mi ya cina ni lava tsakeke.

Yeremiya 18:13

HOSI Xikwembu xi vurisa sweswo xi ri: “Vutisani vanhu va tinxaka tin'wana, xana va tshama va twa mhaka yo fana na leyi xana? Vaisraele va endlile swo khomisa tingana letikulu.

Yeremiya 4:20

Makhombo mo landzelelana kunene, tiko hinkwaro ri hundzuka rhumbi. Mintsonga ya hina ni minceka ya kona, swi hahluriwile hi ku copeta ka tihlo.

Yeremiya 2:27

Vanhu lava, va teka nsinya va ku i tata wa vona, ni ribye va ku i mana wa vona. Va ndzi fularhela ematshan'wini ya ku ndzi langutisa, kambe loko va ri ekhombyeni, va huwelela eka mina, va ku: ‘Pfuka u hi lamulela!’

Esaya 43:17

Mavuthu ya Vaegipta ni tinhenha ta vona, tigolonyi ta vona ni tihanci ta vona ta nyimpi, ndzi swi vitanile hinkwaswo: Swi wile, swi nga ka swi nga ha pfuki, swi timekile, swi kota rivoni leri timiweke.

Esaya 37:22

rito ra mina HOSI ehenhla ka Senakeribi, hi leri: “ ‘Muti wa Siyoni, nhwana loyi wo saseka, wa ku hleka ni ku ku monya, wena Senakeribi; va Yerusalema va sala va tshwutela marha, loko u hundzile.

Esaya 24:20

Yi ta dedeleka ku fana ni xidakwa, yi voyama-voyama kukota dladla. Swidyoho swa yona swa yi tikela, yi ta wa, yi nga ha pfuki.

Esaya 14:21

Lulamisani laha vana lava va nga ta dlayeriwa kona, va fela swidyoho swa tata wa vona, hikuva va nga tshuka va va ni matimba, va hlula misava hinkwayo, va aketela miti hinkwako.”

Esaya 3:8

Muti wa Yerusalema ni tiko ra Yuda swi khugukile swi wa, hikuva marito ni swiendlo swa vanhu va kona swi landzula HOSI Xikwembu, swi sola ku kwetsima ka xona.

2 TIHOSI 17:16

Va tshikile swileriso hinkwaswo swa HOSI Xikwembu xa vona, kutani va n'okisa koporo, va tivumbela swifaniso swa marhole mambirhi. Naswona va vatlile mhandze ya Axera xikwembukazi, va nkhinsamela dyambu ni tinyeleti va tirhela na Baali.

2 TIHOSI 15:29

Enkarhini wa Peka hosi ya Israele, Tiglata-Pilezere hosi ya le Asiriya a fika, a hlasela miti ya Iyoni, na Avele-Beta-Maaka, na Yonawaka, na Kedexe, na Hasoro, ni miganga ya Giliyadi, na Galeliya, ri nga tiko hinkwaro ra Neftali, a khoma vanhu a va yisa etikweni ra Asiriya va ri mahlonga.

Yeremiya 8:4

HOSI Xikwembu xi ndzi rhumile ku ya byela Vaisraele marito lawa ya nge: “Loko munhu o tshuka a wile, a nge pfuki xana? Loko o tikuma a lahleke ndlela, a nge tlheleli endzhaku xana?

Yeremiya 9:9

Mina HOSI ndzi ri, vanhu lava ndzi ta va ba, ndzi ta tirihisela ehenhla ka rixaka leri.”

Yeremiya 9:21

“Rifu ri nghenile endlwini ya hina hi fasitere, ri fikile ni le tindlwini ta vuhosi; ri lovisile swihlangi emagondzweni ya muti, ri dlaya ni majaha etimbaleni ta wona!”