Amosi 5:16 - BIBELE Mahungu Lamanene

¹⁶ Hikokwalaho HOSI Xikwembu xa matimba hinkwawo, N'wini wa n'wina, ú vurisa sweswo ú ri: “Etimbaleni ta miti hinkwayo ku ta va ni swirilo, etindleleni hinkwato va ta ku: ‘Yo! Yo!’ Lava tirhaka emasin'wini, va ta vitaniwa ku ta rila nkosi, ni lava tivaka tinsimu ta mahlomulo, va ta rhambiwa enkosini wa kona;

Xitsonga (Bibele)

¹⁶ Hikwalaho, ku vula Yehovha Xikwembu xa tinyimpi, yena Hosi: “Swirilo swi ta va kona eswivandleni hinkwaswo, kutani va ta huwelela emitsendzeleni hinkwayo, va ku: ‘Yoo! Yoo!’ Murimi u ta vitaneriwa ku rila, ni lava tivaka tinsimu ta mahlomulo va vitaneriwa mikosi.

Amosi 5:16 Referans Kwoze

Yuwele 1:11

N'wina varimi, nyumani; banani nkalanga, n'wina mi byaleke vhinya, na n'wina mi byaleke koroni na maxalana, hikuva ntshovelo ku hava emasin'wini.

Yeremiya 9:10

Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

Nhlavutelo 18:19

Kutani va ticheletela ritshuri etinhlokweni, va ri karhi va rila va ba nkosi, va huwelela va ku: “Yo! Yo! Khombo ra muti lowukulu, lowu hinkwavo lava a va ri ni tingalava elwandle va nga fumisiwa hi rifuwo ra wona: Hi nkarhinyana ntsena, wu herisiwile.

Nhlavutelo 18:10

Ti ta yimela kule hi ku chava maxangu ya yena, ti ku: “Yo! Yo! Wena muti lowukulu, wena Babilona muti wa matimba, ku avanyisiwa ku ku fikele hi nkarhinyana ntsena.”

Mikiya 2:4

Loko nkarhi wu ta fika, va ta yimbelela risimu va mi hlekula ha rona, va rila swinene va ku: ‘Hakunene, hi cheriwe vusiwana, HOSI Xikwembu xi tekile ndzhaka ya vanhu va ka hina, xi yi phakela lava va hi yisaka evukhumbini! Xana hi tekeriwe yini ndzhaka ya hina xana?’

Mikiya 1:8

Kutani Mikiya a ku: “Hikokwalaho ka leswi, ndzi ta rila ndzi kolola, ndzi ta hluvula ndzi famba ntsena; ndzi ta vovola ku fana ni hlolwa, ndzi rila kukota yimbhu.

Amosi 8:10

Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”

Amosi 5:27

kutani ndzi ta mi yisa evukhumbini, etikweni rin'wana ku hundza eDamaska.” HOSI yi vula sweswo, yona yi vuriwaka Xikwembu xa matimba hinkwawo.

Amosi 3:13

HOSI N'wini wa hinkwaswo, Xikwembu xa matimba hinkwawo, ú vula sweswo, ú ri: “Yingisani, mi tshinya rixaka ra Yakobo: Siku ndzi nga ta ba Vaisraele hikwalaho ka swidyoho swa vona,

Yuwele 1:14

Tilulamiseleni siku ra ku titsona swakudya, mi vitana nhlengeletano leyo hlawuleka. Vitanani vakulukumba, ni vaaki hinkwavo va tiko, va ta endlwini ya HOSI Xikwembu xa n'wina, kutani mi huwelela eka xona.

Yuwele 1:8

Rilani ku fana ni nhwana la ambaleke leswo khwaxa, a rila jaha ra yena.

Yeremiya 4:31

Ndzi twa munhu la konyaka ku fana ni wansati loyi a nga ku velekeni ka n'wana wa yena wa mativula. I Siyoni la heleriwaka hi moya; ú tshambuluta mavoko a ku: “Ndzi lamuleleni! Valala va lava ku ndzi dlaya!”

Esaya 22:12

Enkarhini wolowo, HOSI ya matimba hinkwawo, N'wini wa hinkwaswo, a a langutela leswaku mi ta rila nkosi, mi byewula tinhloko, mi ambala swiambalo leswo khwaxa.

Esaya 15:8

Nyandayeyo yi twarile etikweni hinkwaro ra Mowabu, mukhosi wu fikile le Egilayimi, ni le Bere-Elimi.

2 TIKRONIKA 35:25

Muprofeta Yeremiya na yena a suma risimu ra xirilo a rila Yosiyasi. Naswona vayimbeleri hinkwavo va xinuna ni va xisati va ha rila Yosiyasi ni namuntlha hi tinsimu ta vona, hikuva ti hundzukile ntolovelo exikarhi ka Vaisraele, ti tsariwile ni le ka “Buku ya Swirilo”.

Yeremiya 30:5

“Mina HOSI ndzi ri: Ku twakarile nkalanga, vanhu va rhurhumela va pfumala ku rhula.

Hosiya 4:3

Hikokwalaho, tiko ra rila, vaaki va rona hinkwavo va hela ntamu; swiharhi swa nhova ni tinyanyana swi tsanile, hambi ti ri tinhlampfi ta lwandle ta nyamalala.

Yuwele 1:15

Yo! Siku ra kona! Siku ra HOSI ri le kusuhi; ra ta siku leri Xikwembu-xa-matimba-hinkwawo xi nga ta herisa swilo ha rona.

Amosi 8:3

Hi siku ra kona, tinsimu ta le ntsindza ti ta hundzuka swirilo. Ndzi vula sweswo, mina HOSI N'wini wa hinkwaswo. Mintsumbu yi ta tala swinene. Etindhawini hinkwato va ta yi cukumetela ehandle, va miyerile.”

Yeremiya 9:16

Ndzi ta va hangalasa exikarhi ka vanhu lava va nga va tiviki, lava ni vatata wa vona va nga va tivangiki. Ndzi ta va heta hi tlhari va ku bì!”