Amosi 5:13 - BIBELE Mahungu Lamanene

¹³ Kutani, hi nkarhi lowu wa vubihi, munhu wo tlhariha, hi loyi a miyelaka.

Xitsonga (Bibele)

¹³ Hikwalaho lowo tlhariha wa timiyelela emikarhini leyi, hikuva i mikarhi leyo biha.

Amosi 5:13 Referans Kwoze

2 Timotiya 3:1

Tiva leswaku emasikwini ya makumu, ku ta fika minkarhi yo nonon'hwa.

Mikiya 2:3

Kutani HOSI Xikwembu xi ri: “Vonani n'wina vanhu ndzin'wina, ndzi ni makungu ya ku mi xanisa; exikarhi ka n'wina, ku hava loyi a nga ta pona; enkarhini wa kona, swilo swi ta tika ngopfu, kutani manyunyu ya n'wina ma ta hela.

Hosiya 4:4

Ku nga vi na munhu loyi a boxaka milandzu, ku nga vi na loyi a tshinyaka van'wana, hikuva milandzu ya n'wina vaprista yi ta boxiwa hi mina HOSI.

Eklesiasta 3:7

Ku ni nkarhi wo handzulela xiambalo, ni nkarhi wo xi rhungelela; ku ni nkarhi wo miyela, ni nkarhi wo vulavula.

Vaefesa 6:13

Hikokwalaho hlomani swisirhelelo ni matlhari hinkwawo ya Xikwembu wa ha ri nkarhi, leswaku mi ta kota ku tilwela hi siku ra khombo; kutani loko mi ta va mi lwile ku ya fika makumu, mi ta tikuma ma ha tiyile.

Habakuku 3:16

Loko ndzi twa leswi hinkwaswo, ndzi tela hi rhumbu, milomo ya mina yi tshavatana hi huwa ya kona; marhambu ya mina ma heleriwa hi mongo, ni matsolo ya mina ma gudlagudla. Ndzi langutela ntsena siku ra khombo, leri nga ta wela vanhu lava va hi hlaselaka.

Amosi 6:10

Kutani loko munhu a ya humesa ntsumbu wa xaka ra yena endlwini ku ya wu hisa, ú ta vutisa loyi a nga ta va a ri ndlwini empfungwe, a ku: “Xana a ka ha ri na ntsumbu wun'wana kwalaho xana?” Yena ú ta hlamula a ku: “Ku hava!” a engeta a ku: “Miyela! U nga ha vulavuli u khumba vito ra HOSI!”

Esaya 37:3

Kutani va ya, va ya tivisa muprofeta marito ya Hezekiya, lama nge: “Siku ra namuntlha i siku ra maxangu, ro tshinyiwa ni ra tingana. Hi fana ni vana lava nga kusuhi ni ku velekiwa, kambe matimba ya muveleki ma herile.

Esaya 36:21

Vanhu va Yerusalema va miyela va ku whíí, va nga hlamuli nchumu, hikuva hosi Hezekiya a a lerisile leswaku va nga tshuki va hlamula Muasiriya wa kona.

Eklesiasta 9:12

Munhu a nga wu tivi nkarhi wa ku fa ka yena; tanihi leswi tinhlampfi ti phasiwaka hi tinkoka, ni tinyanyana ti welaka entlhan'wini, munhu na yena ú ta humeleriwa hi khombo enkarhini wa rona, ri n'wi wela hi xitshuketa.

2 TIHOSI 18:36

Ntshungu wu miyela wu ku whííí, wu nga n'wi hlamuli nchumu, hikuva hosi Hezekiya a a lerisile leswaku va nga tshuki va hlamula Muasiriya wa kona.

Ntirho 32:16

Xana ndzi fanele ku va yimela xana, leswi va miyelaka, va tshikaka ni ku hlamula ke?

Pisalema 38:14

Hakunene ndzi fana ni munhu loyi a nga ha twiki nchumu, loyi a nga ha hlamulaniki na van'wana.