Amosi 5:12 - BIBELE Mahungu Lamanene

¹² Mintirho ya n'wina leyo biha, ndza yi tiva hinkwayo, ndzi tiva ni ku tala ka swidyoho swa n'wina: Mi xanisa vanhu lava nga riki na nandzu, mi pfumela ku xaviwa ehubyeni, mi tlherisa vapfumari loko va ta eku mangaleni.

Xitsonga (Bibele)

¹² Hikuva ndza swi tiva leswaku ku dyoha ka n'wina ku tele ni leswaku swidyoho swa n'wina swi andzile ngopfu; mi xanisa la lulameke, mi amukela swo yimela lavo biha ha swona, kutani vapfumari a mi va avanyiseri ehubyeni.

Amosi 5:12 Referans Kwoze

Amosi 5:10

N'wina mi venga loyi a yimaka ni leswo lulama ehubyeni, loyi a vulavulaka ntiyiso, ma n'wi nyenya.

Esaya 1:23

Varhangeri va wena va tiarisa ngopfu, va twanana ni makhamba; hinkwavo va tsakela ku xaviwa, va rhandza ngopfu tinyiko; a va lweli lava pfumalaka vatswari, ni nkarhi wo sirhelela tinoni, a va na wona.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

1 SAMIELE 8:3

Vana lava a va landzanga mintila ya Samiele tata wa vona, kambe va hambukile hi ku navela ngopfu mali, va pfumela ku xaviwa, va nga ha avanyisi timhaka hi ku lulama.

Yakobo 5:6

Mi avanyisile ni ku dlaya munhu lowo lulama, kambe yena a nga tilwelanga.

Yakobo 5:4

Vonani, hakelo ya vatirhi lava tshoveleke masimu ya n'wina, leyi mi nga va dyelela hi vuxisi, ya huwelela; naswona swirilo swa vatshoveri swi fikile etindleveni ta Hosi ya matimba hinkwawo.

Timhaka 7:52

Hi wihi muprofeta loyi vatata wa n'wina va nga n'wi xanisangiki xana? Va dlele na vona lava nga tivisa khale timhaka ta ku ta ka La Lulameke, loyi sweswi mi n'wi xengeke, mi tlhela mi n'wi dlaya;

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Mikiya 3:11

Varhangeri va muti va pfumela ku xaviwa ehubyeni, vaprista va dyondzisela muholo ntsena, na vona vaprofeta va vhumbhela ku hakeriwa; hinkwavo va tisirhelela hi ku vula leswaku va nge humeleriwi hi nchumu xo biha, hikuva Xikwembu xi na vona.

Amosi 2:16

Hi siku ra kona, hambi nhenha leyi nga ni xivindzi ku tlula tinhenha-kulobye, yi ta suka yi tsutsuma yi nga ambalanga nchumu.” HOSI yi vula sweswo.

Swirilo 3:34

Ku rahetela mubohiwa un'wana ni un'wana laha tikweni,

Yeremiya 29:23

Vaprofeta lava va endlile swilo swa manyala exikarhi ka Vaisraele, va etlela ni vasati va vaakelani va vona, va tiendla lava vulavulaka hi vito ra mina, kasi va hemba, a ndzi va lerisanga nchumu. Mina HOSI ndzi ri, hinkwaswo leswi, ndzi swi vonile, ndza swi tiva.’ ”

Esaya 66:18

Ndzi tiva mintirho ya vona ni miehleketo ya vona! “Ndza karhi ndza ta ndzi ta hlengeleta vanhu va matiko hinkwawo, hi ku hambana ka tindzimi ta vona, leswaku va ta va ta vona ku dzuneka ka mina.

Esaya 47:9

makhombo lawa mambirhi ma ta ku humelela siku rin'we, hi ku copeta ka tihlo; hi xitshuketa lexikulu, u ta feriwa hi vana ni nuna, vungoma bya wena lebyikulu ni migilo-gilo ya wena ya matimba, a swi nga ku pfuni nchumu.

Esaya 33:15

Leswi swi kota hi lava hanyaka vutomi lebyinene, lava vulavulaka ntiyiso, lava nyenyaka ku kuma rifuwo hi ku xanisa van'wana, vanhu lava nga pfumeriki ku fumbarherisiwa swo va xava, lava nga laviki ku twa nchumu hi ku halata ngati, lava nga tihlanganisiki ni lava endlaka leswo homboloka.

Esaya 29:21

Ku ta herisiwa hinkwavo lava lumbetaka van'wana, ni lava yimelelaka swigevenga etihubyeni, ni lava vulavulaka mavunwa leswaku loyi a nga dyohangiki a dyiwa hi nandzu.

Esaya 10:2

Va ala ku lwela vapfumari ehubyeni, va tekela swisiwana swa tiko ra mina leswi nga swa swona; hi ndlela leyi, va phangha swa tinoni, ni swa lava pfumalaka vatswari.

Esaya 5:23

Va ni khombo lava pfumelaka ku xaviwa, kutani va ntshunxa la nga ni nandzu, kambe loyi a lulameke, va ala ku n'wi pfuna ehubyeni.

Swivuriso 22:22

U nga tshuki u tekela xisiwana swilo swa xona hi mhaka ya leswi xi nga xisiwana, ni loko ku tengiwa timhaka, lava nga riki na nchumu, u nga va tshikeleli,

Ntirho 31:21

Xana ndzi tshama ndzi ba xisiwana ehubyeni, loko ndzi titwa ndzi seketeriwa ke?

Rhuti 4:1

Bowazi a tlhandlukela ehubyeni ya muti, a fika a tshamisa kona. Endzhaku ka nkarhinyana ko ta fika mudyandzhaka, yena loyi Bowazi a a vulavurile hi yena. Bowazi a n'wi vitana a ku: “Ndzi na wena tatana, hambukela haleno, u ta tshamisa na mina.” Munhu loyi a hambuka a ya tshamisa na Bowazi.

Duteronoma 31:21

Hambiloko ndzi nga si va fikisa etikweni leri ndzi hlambanyeke leswaku ndzi ta va nyika rona, ndza ma tiva makungu lawa va nga na wona etimbilwini ta vona. Hikokwalaho, loko va humelela hi leswo biha ni makhombo layo tala, risimu leri ri ta va mbhoni leyi nga ta kanetana na vona, hikuva a ri nga rivariwi, hambi va ri vatukulu va vona va ta ri tiva swinene.”

Duteronoma 16:18

“Mi fanele ku veka vaavanyisi ni tindhuna emitini hinkwayo leyi HOSI Xikwembu xa n'wina xi nga ta mi nyika yona, hi ku ya hi tinyimba ta n'wina. Vanhu lava, va ta avanyisela vanhu milandzu ya vona hi ndlela leyi lulameke.

Pisalema 127:5

Ku katekile wanuna loyi nkotloto wa yena wu taleke hi miseve ya kona. Vanhu vo tano va nge chavi nchumu, loko va kanetana ni valala ehubyeni.

Swivuriso 17:8

Van'wana va ehleketa leswaku mali yo pfala nomo i xitshungulo, va tshemba leswaku va ta humelela hinkwako lomu va yaka kona.

Ezekiele 13:22

Vanhu lava va ndzi tshembaka, mi va hetile ntamu hi mavunwa ya n'wina, kasi mina a ndzi lava ku va tiyisa nhlana. Lavo homboloka, mi yimile na vona, leswaku va nga tshiki tindlela ta vona leto biha ni leswaku va nga ponisi vutomi bya vona.

Hosiya 5:3

Va ka Efrayimi ndza va tiva, ndzi nga ka ndzi nga kohliwi hi va tiko ra Israele; sweswi mi endleke vunghwavava n'wina va ka Efrayimi, tiko ra n'wina ra Israele ri nyamile.

Amosi 2:3

Ndzi ta susa mufambisi wa vona exikarhi ka vona, ndzi n'wi dlaya, yena ni tindhuna ta yena.” HOSI yi vula sweswo.

Amosi 5:7

Mi ni khombo, n'wina mi dyisaka vanhu mbitsi hi ku tshika milawu leyo lulama, n'wina mi alaka ku avanyisa hi ndlela leyinene.

Amosi 8:4

Yingisani mhaka leyi, n'wina lava mi kandziyelaka swisiwana ehansi, n'wina mi herisaka vapfumari etikweni:

Eksoda 23:3

Nakambe, mi nga tshuki mi yimelela munhu ehubyeni, hambiloko a ri xisiwana.

Eksoda 23:6

“Mi nga tshiki ku avanyisa timhaka hi ku lulama ehubyeni, hambi ta xisiwana xa ka n'wina.

Ntirho 20:19

hikuva ú xanisa swisiwana, a swi siya erivaleni; ematshan'wini yo tiakela yindlu, ú teka va van'wana!