Amosi 4:6 - BIBELE Mahungu Lamanene

⁶ “Ndzi vangile ndlala emitini ya n'wina hinkwayo, swakudya swi nga ha kumeki emindyangwini ya n'wina hinkwayo; kambe hambiswiritano, a mi tlhelelanga eka mina.” HOSI yi vula sweswo.

Xitsonga (Bibele)

⁶ “Kasi a ndzi mi rhumerile ndlala emitini ya n'wina hinkwayo, ni ku pfumaleka ka vuswa ematlhelweni hinkwawo; hambiloko swi ri tano, a mi tlhelelanga eka mina,” ku vula Yehovha.

Amosi 4:6 Referans Kwoze

Hagayi 2:17

Ndzi mi bile n'wina ni ntshovelo wa n'wina hinkwawo, hi ku wu hisa hi mumu, ni ku wu borisa hi tshone, ni ku wu ba hi xihangu, kambe a mi tlhelelanga eka mina. Ndzi vula sweswo mina HOSI.

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Esaya 9:13

Vaisraele a va tlhelelanga eka HOSI Xikwembu xa matimba hinkwawo lexi xi nga va ba, a va vutisanga leswaku xi tsakela yini.

Nhlavutelo 2:21

Ndzi n'wi nyikile nkarhi leswaku a hundzuka, kambe wa ala ku hundzuka a tshika vuoswi bya yena.

Hosiya 5:15

Ndzi ta suka ndzi famba ndzi tlhelela laha ndzi tshamaka kona, va ta kondza va tivona nandzu, kutani va famba va ndzi lava; va ta ndzi lava loko va ri ekhombyeni.

Levhitika 26:26

Swakudya swa n'wina ndzi ta swi hunguta swinene; vavasati va khume va ta sweka mbita yin'we, va mi phamela swona hi mpimo, kambe mi ta dya mi nga xurhi.

Ezekiele 16:27

Hikokwalaho ndzi tlakusile voko ra mina ndzi ku ba, ndzi ku tsona swakudya, kutani ndzi ku nyiketa eka valala va wena va nga vaaki va miti ya Vafilista, va phangha swilo swa wena, hikuva na vona a va hlamala ku vona mintirho ya wena ya manyala.

Esaya 26:11

U tlakusile voko ra wena, we HOSI, kambe a va ri voni. Va kombe leswaku u hisekela vanhu va wena, va ta khoma hi tingana, va herise hi ndzilo lowu a wu wu lunghisele valala va wena!

Esaya 3:1

Vonani, HOSI ya matimba hinkwawo N'wini wa hinkwaswo, ú lava ku tekela va ka Yuda ni muti wa Yerusalema leswi swi va seketelaka ni ku va hanyisa; ú ta va tekela swakudya hinkwaswo ni mati hinkwawo,

2 TIKRONIKA 28:22

Hambileswi a a wele emakhombyeni walawo, hosi Akazi a nga tshikanga ku fularhela HOSI Xikwembu.

2 TIHOSI 8:1

Nkarhi wun'wana, Elixa a tsundzuxa wansati loyi n'wana wa yena a a pfuxiwile eku feni, a ku ka yena: “Suka u famba swin'we ni va ndyangu wa wena, u ya tshama lomu swi kotekaka, hikuva HOSI Xikwembu xi lerisile leswaku ku ta va ni dyandza etikweni leri, naswona ri ta va etikweni ku ringana malembe ya 7.”

2 TIHOSI 4:38

Loko Elixa a tlhelela eGiligala, a ku ri ni dyandza etikweni. Siku rin'wana, vadyondzisiwa va vaprofeta a va tshamile emahlweni ka yena, kutani Elixa a lerisa nandza wa yena, a ku: “Tseleka mbita leyikulu, u swekela vadyondzisiwa va vaprofeta lava exixevo xa matsavu.”

1 TIHOSI 18:2

Kutani Eliya a khoma ndlela ku ya humelela emahlweni ka Akabu. Hi minkarhi yoleyo, dyandza a ri kurile ngopfu eSamariya.

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

Duteronoma 28:38

“Emasin'wini ya n'wina, mi ta haxa mbewu yo tala, kambe a mi nga tshoveli swo tivikana, hikuva tinjiya ti ta va ti herisile swimila.

Yeremiya 14:18

Loko ndzi huma ndzi ya emasin'wini, ndzi vona mintsumbu ya lava dlayiweke hi matlhari, ni loko ndzi vuya ndzi nghena emutini, ndzi kuma lava dlawaka hi ndlala; vaprofeta ni vaprista va rhendzeleka-rhendzeleka etikweni, va nga twisisi leswi humelelaka.

Ezekiele 14:21

HOSI N'wini wa hinkwaswo ú vurisa sweswo ú ri: “Hakunene ndzi ta ba muti wa Yerusalema hi swilo swa mune, ku nga matlhari ni tindlala ni swiharhi ni mintungu; swilo leswi swi ta dlaya vanhu ni swifuwo.

Yuwele 1:16

Xana a hi ko ku hela ka swakudya, hi ri karhi hi swi vona, xana? Xana ku yimbelela ni ntsako, a swi helanga xana, endlwini ya Xikwembu xa hina ke?

Levhitika 26:23

“Loko mo ka mi nga ndzi yingisi mina ndzi mi tshinyeke hi ndlela leyi, ni loko mi ya emahlweni mi endla leswi ndzi nga swi laviki,

Rhuti 1:1

Eminkarhini ya khale loko tiko ra ha fambisiwa hi vaavanyisi, ku ve ni dyandza etikweni. Wanuna un'wana wa muti wa Betlehema etikweni ra Yuda, a rhurhela etikweni ra Mowabu, swin'we ni nsati wa yena ni majaha ya yena mambirhi.

Esaya 9:12

Vasiriya va ta hi le vuxeni, Vafilista va ta hi le vupeladyambu, hinkwavo va nghena va mita tiko ra Israele; hambiswiritano, vukari bya HOSI Xikwembu a byi tlheli, xa ha ta tlakusa voko ra xona, xi va ba.

Hosiya 11:5

Va ta tlhelela etikweni ra Egipta, kutani va ta fumiwa hi hosi ya Vaasiriya, hikuva va arile ku vuyela eka mina.