Amosi 4:13 - BIBELE Mahungu Lamanene

¹³ Tivani leswi: Loyi a vumbeke tintshava, a tumbuluxeke ni mheho, loyi a tivisaka makungu ya yena eka vanhu, loyi a hundzulaka nhlekanhi wu va vusiku, loyi a famba-fambaka eswivandleni leswi tlakukeke swa misava, vito ra yena i HOSI, Xikwembu xa matimba hinkwawo.

Xitsonga (Bibele)

¹³ Hikuva vona, la tumbuluxeke tintshava, la endleke moya, la tivisaka munhu leswi anakanyiweke hi yena, la hundzulaka nhlekanhi munyama, la fambaka eswivandleni leswi tlakukeke swa misava, vito ra yena i Yehovha, Xikwembu xa mavandla.

Amosi 4:13 Referans Kwoze

Amosi 5:8

Loyi a vumbeke Xirimela na Mahlahle, a hundzula xinyami xi va ku vonakala ka mixo, a tlhela a hundzula nhlekanhi wu va vusiku, loyi a vitanaka mati ya lwandle a ma humesa, a cheleta misava ha wona, vito ra yena i HOSI.

Mikiya 1:3

Vonani hi loyi, ú huma laha a tshamaka kona, a rhelela, a famba hi le tinhlohlorhini ta tintshava.

Amosi 9:6

Xikwembu xi aka tindlu ta xona ta le henhla ematilweni, xi khubumeta misava hi tilo ra xona; xi vitana mati ya lwandle xi ma humesa, xi cheleta misava ha wona: Vito ra xona i HOSI.

Esaya 47:4

Ú vurisa sweswo Mukutsuri wa hina, yena Muhlawuleki wa Israele; vito ra yena i HOSI ya matimba hinkwawo.

Daniele 2:28

Kambe ematilweni, ku ni Xikwembu lexi paluxaka swihundla, kutani we hosi Nebukadnetsara, xi ku tivisile leswi nga ta humelela eminkarhini leyi taka. Loko u etlele, u lorhile milorho ni ku vona swivono.

Yeremiya 13:16

Kombani xichavo eka HOSI Xikwembu xa n'wina xi nga si vanga munyama, mi nga si khuguriwa mi wa etintshaveni loko dyambu ri ya eku peleni. A mi languterile ku vonakala, kambe HOSI Xikwembu xi tisile vusiku, ni xinyami xa byona xo chavisa.

Pisalema 65:6

Hi matimba ya wena, u tiyisile tintshava, u ri karhi u komba vunhenha bya wena.

Duteronoma 33:29

Mi katekile n'wina Vaisraele! I mani la fanaka na n'wina xana? Mi vanhu lava va lamuleriwaka hi HOSI Xikwembu, xona xitlhangu lexi xi mi sirhelelaka, ni fumu leri mi hlulaka ha rona. Valala va n'wina va ta ta eka n'wina va ri karhi va tilondla; switsunga swa vona swa vugandzeri bya hava, mi ta swi kandziyela ehansi.”

Zakariya 12:1

Mahungu hi lawa, ri nga rito ra HOSI Xikwembu ehenhla ka Vaisraele: Xikwembu lexi vumbeke matilo, lexi xi andlaleke ni misava, xona lexi hanyisaka munhu, xi vurisa sweswo xi ri:

Amosi 8:9

HOSI N'wini wa hinkwaswo ú vula sweswo ú ri: “Siku ra ta, leri ndzi nga ta perisa dyambu ninhlekanhi, ndzi hundzula ku vonakala ka siku ku va xinyami emisaveni.

Yeremiya 51:19

Xikwembu xa va ka Yakobo a xi fani ni swikwembu leswi, hikuva hi xona xi vumbeke swilo hinkwaswo, kutani xi ni vanhu lava nga va xona hi xiviri; vito ra xona i HOSI ya matimba hinkwawo.

Yeremiya 10:16

Xikwembu xa va ka Yakobo a xi fani ni swikwembu leswi: Hi xona xi vumbeke swilo hinkwaswo, kutani Vaisraele i vanhu va xona va xiviri. Vito ra xona i HOSI ya matimba hinkwawo.

Esaya 40:12

Xana ú kona munhu loyi a pimeke mati ya lwandle hi xandla xa yena, kumbe la beke ndzilekana wa matilo hi voko ra yena, xana? Xana ú kona loyi a cheleke misava hinkwayo exirhundzwini, kumbe loyi a pimeke tintshava ni swintshabyana exikalwini xana?

Duteronoma 32:13

Xi va tshamisisile emagangeni ya tiko, va dya leswi milaka emasin'wini; xi va nyikile vulombe, va byi hakula emakocokocweni, va humesa ni mafurha emaribyeni layo nonon'hwa.

Eksoda 14:20

exikarhi ka mintshungu ya vona ni mavuthu ya Vaegipta. Kutani papa ri vanga xinyami; vusiku byi hundza, Vaegipta va nga kotanga ku tshinelela Vaisraele.

Eksoda 10:22

Hiloko Muxe a tlakusela voko ra yena ehenhla, kutani ku va ni xinyami lexo chavisa masiku manharhu, etikweni hinkwaro ra Egipta.

Yohane 3:8

Moya wu hungela lomu wu rhandzaka kona, kutani u twa mpfumawulo wa wona, kambe a wu tivi lomu wu humaka kona, ni lomu wu yaka kona. Swi tano ni ka hinkwavo lava tswariweke hi Moya wa Xikwembu.”

Habakuku 3:19

HOSI Xikwembu i N'wini wanga ni matimba yanga, ú tiyisa milenge ya mina wonge i ya mhunti, a ndzi famba-fambisa eswivandleni leswi tlakukeke. (Leri i risimu ra Muyimbelerisi, ro hlaveleriwa hi swichaya-chayani.)

Amosi 6:8

HOSI Xikwembu xa matimba hinkwawo xi vula sweswo. HOSI N'wini wa hinkwaswo ú tibohile hi ku hlambanya a ku: “Ndzi nyenya ku tikurisa ka va ka Yakobo, ni tindlu ta vona ta vuhosi ndza ti venga, kutani ndzi ta nyiketa muti wa vona eka valala, ni leswi nga ndzeni ka wona.”

Amosi 5:27

kutani ndzi ta mi yisa evukhumbini, etikweni rin'wana ku hundza eDamaska.” HOSI yi vula sweswo, yona yi vuriwaka Xikwembu xa matimba hinkwawo.

Amosi 3:13

HOSI N'wini wa hinkwaswo, Xikwembu xa matimba hinkwawo, ú vula sweswo, ú ri: “Yingisani, mi tshinya rixaka ra Yakobo: Siku ndzi nga ta ba Vaisraele hikwalaho ka swidyoho swa vona,

Yeremiya 51:16

Loko muvumbi a vulavula, mati ya le henhla ma hakasiwa, mapapa ma tlakuka ma huma evugimamusi; loko a hatimisa rihati, mpfula ya na, moya wu huma laha yena a wu hlayiseke kona.

Yeremiya 10:13

Loko muvumbi a vulavula, mati ya le henhla ma hakasiwa, mapapa ma tlakuka ma huma evugimamusi; loko a hatimisa rihati, mpfula ya na, moya wu huma laha yena a wu hlayiseke kona.

Esaya 48:2

Mi tidzunisa, mi ku mi vaaki va muti lowo hlawuleka, mi vula leswaku mi tiseketela hi Xikwembu xa Israele, lexi vito ra xona ri nga HOSI ya matimba hinkwawo.

Esaya 5:30

Hi siku ra kona, va ta mpfhumpfhela Vaisraele, va ba huwa ku fana ni lwandle; loko munhu a languta etikweni, ú to vona munyama ni ku xaniseka ka vanhu ntsena, munyama wu ta siva ku vonakala.

Pisalema 147:18

Xo vulavula kunene kutani swilo leswi swi n'oka; xi hungisa moya wa xona kutani mati ma khuluka.

Pisalema 139:2

loko ndzi tshamile kumbe ndzi yimile, wa swi tiva; makungu ya mina u ma vonile khale!

Pisalema 135:7

Hi xona xi tisaka mapapa ma huma evugimamusi, xi dzindzisa tilo, mpfula yi na, xi hungisa bubutsa ri huma evuhlayiselweni bya xona.

Yohane 2:25

naswona a swi nga kali swi fanela leswaku a byeriwa ta munhu hi munhu un'wana, hikuva a a tiva leswi nge mbilwini ya munhu.

Matewu 9:4

Yesu, hi ku tiva miehleketo ya vona, a ku: “Hikwalaho ka yini mi ehleketa leswo biha etimbilwini ta n'wina?

Daniele 2:30

hambiloko ndzi paluxeriwile xihundla lexi, a hi leswaku ndzi tlula vanhu van'wana hi ku tlhariha; ndzi lo kombiwa xona, leswaku ndzi ta ku nyika nhlamuselo ya norho wa wena, ni leswaku u ta twisisa leswi pfilunganyiseke miehleketo ya wena.

Yuwele 2:2

Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Ntirho 9:7

Xi lerisa dyambu leswaku ri nga xi, kutani ri yingisa; xi pfala ni tinyeleti, ti nga ha voningi.

Esaya 45:7

Hi mina ndzi tisaka ku vonakala, ndzi vanga ni xinyami, ndzi tisa minkateko, ndzi vanga ni mahlomulo, leswi hinkwaswo swi endliwa hi mina HOSI.

Yeremiya 46:18

HOSI Xikwembu xi vula sweswo xi ri: “Mina HOSI ya matimba hinkwawo, mufumi la hanyaka, ndzi ri, valala lava taka va tiyile ngopfu: Va fana ni ntshava ya Taboro exikarhi ka tintshava tin'wana, kumbe ntshava ya Karmele eribuweni ra lwandle.

Hosiya 12:6

Hi sweswo ke na n'wina, Xikwembu xa n'wina xi ta mi pfuna ku tlhelela eka xona; tinyiketeleni ku rhandza van'wana ni ku avanyisa hi ku lulama, mi nga karhali ku langutela Xikwembu xa n'wina.