Amosi 4:11 - BIBELE Mahungu Lamanene

¹¹ “Mina Xikwembu ndzi herisile van'wana va n'wina, ku fana ni loko ndzi herisile Sodoma na Gomora, kutani mi ponile tanihi rihunyi leri susiweke endzilweni; kambe hambiswiritano, a mi tlhelelanga eka mina.” HOSI yi vula sweswo.

Xitsonga (Bibele)

¹¹ “Ndzi mi humesele makhombo exikarhi ka n'wina kukota siku Xikwembu xi onhaka Sodoma na Gomora, kutani mi ponile ku kota xisa lexi humesiweke endzilweni; hambiswiritano, a mi tlhelelanga eka mina,” ku vula Yehovha.

Amosi 4:11 Referans Kwoze

Zakariya 3:2

Kutani ntsumi ya HOSI Xikwembu yi ku ka Sathana: “We Sathana, HOSI Xikwembu lexi hlawuleke Yerusalema, a xi ku laye xi ku pfala nomo. Xana Yoxuwa a nga fani ni rihunyi leri susiweke endzilweni xana?”

Esaya 13:19

Babilona i tiko ro saseka ku tlula matiko hinkwawo, leri Vakalediya va tinyungubyisaka ha rona, kambe mina Xikwembu ndzi ta ri herisa, ku fana ni miti ya Sodoma na Gomora.

Yeremiya 23:14

Kasi na le xikarhi ka vaprofeta va le Yerusalema, ndzi vona manyala lama chavisaka ku tlula mpimo: Va endla vuoswi, va tsakela mavunwa, va seketela vadyohi emintirhweni ya vona leyo biha, kutani a ka ha ri na un'we la chavaka ku endla leswo homboloka. Vanhu lava eka mina va onhakile hinkwavo kukota va le Sodoma, vaaki va Yerusalema a va hambananga ni va le Gomora.

Yuda 1:23

Ponisani van'wana hi ku va vutla endzilweni; van'wana mi va tsetselela mi ri ni ku tivonela: Mi fanele ku venga hambi xi ri xiambalo xa vona ntsena, lexi nyamisiweke hi swa misava leyi.

Yuda 1:7

Swa ha fana na Sodoma na Gomora, ni miti leyi a yi ri kusuhi na kona, leyi a yi hanya evuoswini tanihi tintsumi letiya ni ku tinyiketa eku naveleni ka swa manyala: Miti leyi sweswi yi endliwile xitsundzuxo hi ku biwa yi hisiwa hi ndzilo lowu nga heriki.

2 Petro 2:6

xi endlile leswaku miti ya va Sodoma na Gomora, yi hundzuka nkuma yi avanyiseriwa ku lova, xi yi endla xitsundzuxo eka lava va nga ta ka va nga ri na mhaka na xona.

Amosi 4:6

“Ndzi vangile ndlala emitini ya n'wina hinkwayo, swakudya swi nga ha kumeki emindyangwini ya n'wina hinkwayo; kambe hambiswiritano, a mi tlhelelanga eka mina.” HOSI yi vula sweswo.

Nhlavutelo 9:20

Vanhu hinkwavo lava nga pona ku dlawa hi mintungu leyi, a va fularhelanga leswi endliweke hi mavoko ya vona: A va tshikanga ku gandzela mademona ni swikwembu swa hava swa nsuku ni swa silivhere ni swa koporo ni swa maribye ni swa mintsandza, leswi nga voniki, swi nga twiki, hambi ku ri ku famba swi nga fambiki.

1 Vakorinto 3:15

Kambe loko ntirho wa kona wu tshwa, ú ta pfumala hakelo; loko a ri yena, ú ta ponisiwa, kambe swi ta endla onge na yena ú hundzile hi le ndzilweni.

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

Ezekiele 24:13

Thyaka rero i mintirho ya wena ya manyala, we Yerusalema. Ndzi ringetile ku ku basisa, kambe thyaka ra wena a ri suki, kutani a wu nga ha tlheli u basa, ku kondza ndzi heta ku ku ba eku hlundzukeni ka mina.

Yeremiya 49:18

Leswi swi nga tshama swi humelela emitini ya Sodoma na Gomora ni swimitaneni swa kona, swi ta humelela ni le tikweni ra Edomu. A ku nga ha vi na munhu loyi a tshamaka kumbe ku luvela eka rona.

Varhoma 9:29

Swi fana ni leswi Esaya a nga rhanga a swi vula, loko a te: “Loko Hosi ya matimba hinkwawo a yi nga hi siyelanga vatukulu, a hi ta va hi hundzukile hi fana na Sodoma, a hi ta va hi ringanisiwile na Gomora.”

Duteronoma 29:23

Tiko hinkwaro ri ta va ritshwa ntsena, ri tele xivavula ni munyu; ku ta va ku nga byariwanga nchumu, naswona a ku nga mili nchumu, hambi byi ri byanyi byinene. Tiko ri ta va ri herisiwile ku fana ni miti ya Sodoma na Gomora na Adima na Seboyimi, leyi HOSI Xikwembu xi yi hlundzukeleke, xi yi herisa hi vukari bya xona.

Esaya 7:4

u ta fika u ku ka yena: ‘Tivonele, u nga tshuki u tsutsuma-tsutsuma, naswona u nga chavi, u nga tsemeki nhlana, hikuva vukari lebyi pfurhaka bya Resini ni vanhu va yena ni bya n'wana Remaliya, a hi nchumu, wo va musi wa swisana swimbirhi leswi nga kusuhi ni ku timeka.

Duteronoma 28:24

Ematshan'weni ya mpfula, HOSI Xikwembu xi ta mi nisela nkuma ni ritshuri, swi huma etilweni swi mi funengeta, mi kondza mi herisiwa.

Esaya 9:12

Vasiriya va ta hi le vuxeni, Vafilista va ta hi le vupeladyambu, hinkwavo va nghena va mita tiko ra Israele; hambiswiritano, vukari bya HOSI Xikwembu a byi tlheli, xa ha ta tlakusa voko ra xona, xi va ba.

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Yeremiya 50:40

Swa Babilona swi ta fana ni leswi humeleleke loko HOSI Xikwembu xi bile Sodoma na Gomora, ni swimitana swa kona: A ku nga ha vi na munhu la tshamaka eBabilona kumbe ku luvela kona.

Hosiya 11:5

Va ta tlhelela etikweni ra Egipta, kutani va ta fumiwa hi hosi ya Vaasiriya, hikuva va arile ku vuyela eka mina.

Hagayi 2:17

Ndzi mi bile n'wina ni ntshovelo wa n'wina hinkwawo, hi ku wu hisa hi mumu, ni ku wu borisa hi tshone, ni ku wu ba hi xihangu, kambe a mi tlhelelanga eka mina. Ndzi vula sweswo mina HOSI.