Amosi 4:10 - BIBELE Mahungu Lamanene

¹⁰ “Ndzi mi rhumele ntungu wo fana ni wa le Egipta, ndzi tshikile majaha ya n'wina ma dlayiwa enyimpini, ndzi mi tekerisa ni tihanci ta n'wina, ndzi endla leswaku risema ra mintsumbu ri mi pfala tinhompfu, emixaxeni ya n'wina; kambe hambiswiritano, a mi tlhelelanga eka mina.” HOSI yi vula sweswo.

Xitsonga (Bibele)

¹⁰ “Ndzi mi rhumele ntungu lowu fanaka ni wa le Egipta, ndzi dlayile majaha ya n'wina hi tlhari, tihanci ta n'wina ti phangiwa, ku nun'hwa loku humaka emixaxeni ya n'wina ndzi ku fikisile etinhompfini ta n'wina; hambiswiritano, a mi tlhelelanga eka mina,” ku vula Yehovha.

Amosi 4:10 Referans Kwoze

Duteronoma 28:60

HOSI Xikwembu xi ta tlhela xi mi rhumela mavabyi hinkwawo yo fana ni ya le Egipta, lawa a mi ma chava, ma ta mi namarhela ma nga suki.

Yuwele 2:20

“Lava taka hi le n'walungwini, ndzi ta va hlongola va ya kule na n'wina, ndzi ta va yisa emananga, etikweni leri omeke swinene. Lava rhangeke emahlweni, ndzi ta va byisela eLwandle-ra-ku-fa, lava saleke endzhaku ka vona, ndzi ta va nghenisa eLwandle-ra-Mediteraniya. Mintsumbu ya vona yi ta nun'hwa yi ku ngù-ngù-ngù, hikuva va mi hoxele ngopfu.

2 TIHOSI 13:7

Yowahazi a a nga sali na munhu: A ko va ni vagadi va tihanci va 50 ntsena, ni makalichi ya khume, ni tinhenha ta 10 000 leto famba hi milenge; hosi ya le Siriya a yi va herisile, yi va kandziyele tanihi mungu eku huleni.

Levhitika 26:25

Leswi mi nga ta va mi tshovile ntwanano, ndzi ta rihisela hi ku mi rhumela tinyimpi. Loko mo ya mi ya hlengeletana emitini ya n'wina, ndzi ta mi vangela mintungu, mi tlhela mi nyiketiwa emavokweni ya valala va n'wina.

Duteronoma 7:15

HOSI Xikwembu xi ta susa mavabyi hinkwawo exikarhi ka n'wina. A ku nga vi na rin'we ra makhombo hinkwawo ya tiko ra Egipta lawa mi ma tivaka, leri ri nga ta mi wela, kambe Xikwembu xi ta ma tirhisa ku ba vanhu hinkwavo lava va mi vengaka.

Amosi 8:3

Hi siku ra kona, tinsimu ta le ntsindza ti ta hundzuka swirilo. Ndzi vula sweswo, mina HOSI N'wini wa hinkwaswo. Mintsumbu yi ta tala swinene. Etindhawini hinkwato va ta yi cukumetela ehandle, va miyerile.”

Amosi 4:6

“Ndzi vangile ndlala emitini ya n'wina hinkwayo, swakudya swi nga ha kumeki emindyangwini ya n'wina hinkwayo; kambe hambiswiritano, a mi tlhelelanga eka mina.” HOSI yi vula sweswo.

Yeremiya 18:21

Kambe sweswi, herisa vana va vona hi tindlala, van'wana a va dlawe hi matlhari! Vavasati a va fele hi vana, a va hundzuke tinoni; vanuna va vona a va dlawe hi mintungu, vana va vona va xinuna va hela enyimpini.

Yeremiya 11:22

Marito lawa HOSI ya matimba hinkwawo yi ma vuleke hi lawa: “Ndzi ta ba vanhu lava. Exikarhi ka vona, majaha ma ta dlawa enyimpini, ndlala yi sala yi dlaya vafana ni vanhwanyana.

2 TIHOSI 13:3

Hikokwalaho, HOSI Xikwembu xi hlundzukela Vaisraele, xi va nyiketa kambe na kambe emavokweni ya Hazaele hosi ya le Siriya, ni le mavokweni ya Bene-Hadada n'wana wa yena.

Duteronoma 28:22

HOSI Xikwembu xi ta mi rhumela vuvabyi bya xifuva, ni dari, ni ndzhumbelo, ni ku hisa ka miri; xi ta mi rhumela ni dyandza leri nga ta hisa swimilana, kumbe tshone leri ri nga ta swi borisa. Swilo leswi a swi nga mi tshiki, mi kondza mi hela.

Levhitika 26:16

ndzi ta mi endla leswi: Ndzi ta mi rhumela swilo swo chavisa ngopfu; mi ta va ni vuvabyi bya xifuva ni dari, byi mi dlaya mahlo byi mi heta ni matimba. Mi ta rima swilo leswi n'wina mi nga ta ka mi nga swi dyi, swi ta dyiwa hi valala va n'wina.

Eksoda 8:19

Kutani vangoma va ku ka Faro: “Lowu i ntirho wa Xikwembu!” Kambe Faro a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Yeremiya 48:15

Kasi tiko ra Mowabu ri ta hlaseriwa, valala va ta tlhandlukela emitini ya rona, kutani loko tinhenha ta Mowabu ti huma ku ya lwa na vona, ti ta dlayiwa hinkwato. Loyi a vulaka sweswo i Mufumi, vito ra yena i HOSI ya matimba hinkwawo.

Yeremiya 16:4

Va ta dlawa hi mintungu, ku ri hava la rilaka nkosi wa vona. A va nga lahliwi esirheni, kambe va ta fana ni vulongo lebyi cheriweke emasin'wini. Va ta dlawa hi matlhari ni tindlala, mintsumbu ya vona yi dyiwa hi makoti ni swiharhi swa nhova.

Yeremiya 15:3

“Mina HOSI ndzi lerisile leswaku va herisiwa hi swilo swa mune: Va ta dlawa hi tlhari, timbyana ti kokakoka mintsumbu ya vona, tinyanyana ti yi dya, swiharhi swi hetisa!

Yeremiya 9:22

HOSI Xikwembu xi ndzi lerisile ku vula rito ra xona leri nge: “Mintsumbu yi to n'wálálálá ehansi, yi fana ni vulongo lebyi cheriweke emasin'wini, kumbe mavele lama nga tshikiwa hi vatshoveri, ma nga hlengeletiwi hi munhu.”

Yeremiya 6:11

Hikokwalaho we HOSI, ndzi hlundzukile ku fana na wena, a ndza ha koti ku tikhoma. HOSI Xikwembu xi ndzi hlamula xi ku: “Chululela vukari byebyo ehenhla ka swihlangi emagondzweni, ni le henhla ka lavantshwa laha va hlengeletaneke kona. Wanuna ú ta khomiwa swin'we ni nsati wa yena, na vona vanhu lavakulu ni lava dyuhaleke ngopfu va ta khomiwa.

Esaya 9:13

Vaisraele a va tlhelelanga eka HOSI Xikwembu xa matimba hinkwawo lexi xi nga va ba, a va vutisanga leswaku xi tsakela yini.

2 TIHOSI 10:32

Emasikwini walawo, HOSI Xikwembu xi sungula ku hunguta-hunguta tiko ra Israele. Hazaele a hlula Vaisraele ematlhelweni hinkwawo ya tiko ra vona.

2 TIHOSI 8:12

Hazaele a vutisa a ku: “Xana u rilela yini, wee n'wini wanga?” Elixa a hlamula a ku “Ndza rila, hikuva ndzi tiva leswo biha leswi u nga ta swi endla eka Vaisraele: U ta herisa makhokholo ya vona hi ndzilo; u ta tlhava majaha ya vona hi fumu, u phyandlasa swihlangi swa vona, u handzula makhwiri ya vavasati va vona lava tikeke.”

Eksoda 15:26

Kutani xi ku ka vona: “Loko mi tinyiketa ku yingisa leswi mina HOSI Xikwembu xa n'wina ndzi mi byelaka swona, mi endla leswi swi ndzi tsakisaka, mi landza milawu ya mina ni ku hlayisa swileriso swa mina hinkwaswo, ndzi nga ka ndzi nga mi vangeli ni ntungu ni wun'we wo fana ni leyi ndzi yi vangeleke Vaegipta, hikuva hi mina HOSI Xikwembu, mutshunguri wa n'wina.”

Eksoda 14:4

Mina ndzi ta nonon'hwisa mbilu ya Faro, kutani ú ta landza Vaisraele; hi ndlela leyi, ndzi ta dzunisiwa swinene, hi mhaka ya leswi swi nga ta humelela eka Faro ni mavuthu ya yena; naswona Vaegipta va ta tiva leswaku hi mina ndzi nga HOSI.” Kutani Vaisraele va endla hilaha va lerisiweke hakona.

Eksoda 10:27

Hambiswiritano, HOSI Xikwembu xi nonon'hwisa mbilu ya Faro, a ala ku va tshika va famba.

Eksoda 10:3

Kavaloko Muxe na Aroni va ya nghena emutini wa Faro, va fika va ku: “HOSI Xikwembu, xi nga Xikwembu xa Vaheveru, xi vurisa sweswo xi ku: ‘Xana u ta ala ku titsongahata emahlweni ka mina ku fikela rini ke? Tshika vanhu va mina va famba, va ya ndzi gandzela.

Eksoda 9:17

Na sweswi, wa ha ya emahlweni u tikurisa, hi ku ala ku tshika vanhu va mina va famba.

Eksoda 9:12

Kambe HOSI Xikwembu xi nonon'hwisa mbilu ya Faro, a nga yingisi Muxe na Aroni, tanihilaha a xi byerile Muxe hakona.

Duteronoma 28:21

HOSI Xikwembu xi ta mi vangela mintungu, yi mi namarhela mi kondza mi herisiwa, mi nyamalala etikweni leri mi yaka eka rona ku ya ri teka.

Esaya 9:17

Hikokwalaho majaha ya tiko leri, N'wini wa hinkwaswo a nga ha ma tsetseleli; lava pfumalaka vatswari, ni tinoni, a nga ha va tweli vusiwana, hikuva hinkwavo a va na mhaka na Xikwembu, hinkwavo va endla leswo biha, va vulavula leswo ka swi nga pfuni nchumu; hikokwalaho vukari bya HOSI Xikwembu a byi nga tlheli, xa ha ta tlakusa voko ra xona, xi va ba.

Esaya 34:3

Loko va ta va va dlayiwile, a va nga lahliwi, mintsumbu ya vona yi ta bola, risema ri twala hinkwako, tintshava ti ta khuluka hi ngati ya vona.

Esaya 50:11

Kambe n'wina hinkwenu mi tshamaka van'wana xikungu mi lava ku va herisa, hi n'wina mi nga ta herisiwa. HOSI Xikwembu, hi xona xi nga ta endla swilo leswi, mi ta weriwa hi makhombo layo chavisa swinene.

Yeremiya 49:26

Enkarhini wolowo majaha ma ta dlawa etimbaleni ta muti, masocha ya kona hinkwawo ma ta herisa sweswo, ku vula mina HOSI ya matimba hinkwawo.

Esaya 9:12

Vasiriya va ta hi le vuxeni, Vafilista va ta hi le vupeladyambu, hinkwavo va nghena va mita tiko ra Israele; hambiswiritano, vukari bya HOSI Xikwembu a byi tlheli, xa ha ta tlakusa voko ra xona, xi va ba.

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Hosiya 11:5

Va ta tlhelela etikweni ra Egipta, kutani va ta fumiwa hi hosi ya Vaasiriya, hikuva va arile ku vuyela eka mina.

Hagayi 2:17

Ndzi mi bile n'wina ni ntshovelo wa n'wina hinkwawo, hi ku wu hisa hi mumu, ni ku wu borisa hi tshone, ni ku wu ba hi xihangu, kambe a mi tlhelelanga eka mina. Ndzi vula sweswo mina HOSI.