Amosi 3:12 - BIBELE Mahungu Lamanene

¹² HOSI yi vurisa sweswo yi ri: “Exikarhi ka Vaisraele lava akeke eSamariya, lava tiphinaka eswitshan'wini leswo vempfama, va etlela emasangwini lamanene, ku ta pona vanhu va nga ri vangani ntsena. Swi ta fana ni loko murisi a kota ntsena ku ponisa milenge mimbirhi ya nyimpfu kumbe xichupu xa ndleve enon'wini wa nghala!”

Xitsonga (Bibele)

¹² Yehovha u ri: “Kukotisa loko murisi a vutla milenge mimbirhi ya nyimpfu, kumbe nhluvi wa ndleve enon'wini wa nghala, ku ta vutlisiwa sweswo vana va Israele! Lava nge Samariya, lava tshameke emakumu ka swilawu, ni le henhla ka byetlelo lebyi andlariweke hi tinguvu ta Damaska.”

Amosi 3:12 Referans Kwoze

Esaya 31:4

HOSI Xikwembu xi te ka mina: “Mina HOSI ya matimba hinkwawo, ndzi ta rhelela, ndzi ta lwela muti wa Siyoni ni xintshabyana xa wona; ndzi ta fana ni nghala leyi bongaka loko yi kume nyama, leyi yi nga chaviki nchumu nikutsongo, hambiloko varisi va ba huwa va ringeta ku yi hlongola.

2 TIHOSI 16:9

Hosi ya le Asiriya yi amukela xikombelo xa Akazi, kutani yi kongoma muti wa Damaska, yi wu teka, yi yisa vaaki va wona le Kiri va ri mahlonga, kutani yi dlaya na Resini.

1 TIHOSI 22:25

Mikaya a hlamula a ku: “Sweswo, u ta swi tiva siku u nga ta ya tumbela endlwini ya le xikarhi.”

1 TIHOSI 20:34

Bene-Hadada a tshembisa Akabu a ku: “Miti leyi tata wa mina a nga tekela tata wa wena, ndza yi tlherisa. Naswona u nga tisungulela mabindzu le Damaska, yo fana ni lawa tata wa mina a nga tisungulela wona eSamariya.” Akabu a ku: “Ha twanana, hikokwalaho ndzi ta ku tshika u muka.” Kutani Akabu a boha xinakulobye na Bene-Hadada, a n'wi tshika a muka.

1 TIHOSI 20:30

Lava poneke enyimpini, va tsutsumela eAfeka, ekhokholweni, kambe rirhangu ra muti ri wela vavanuna va 27 000 exikarhi ka lava a va ponile enyimpini. Loko a ri Bene-Hadada, na yena a tsutsuma, a ya tumbela ekhokholweni, endlwini ya le xikarhi.

Amosi 6:4

“Khombo ri ta mi wela, n'wina mi etlelaka emimbedweni ya meno ya tindlopfu, mi tiphina eswitshan'wini swa n'wina, mi tikhorwisa hi ku dya swinyimpfana leswi hlawuriweke entlhambini, ni marhole lama noneke.

Esaya 8:4

hikuva loko n'wana a nga si kota ku vula ku ‘tatana’, kumbe ‘manana’, rifuwo ra Damaska ni xuma xa Samariya swi ta phanghiwa swi yisiwa eka hosi ya Asiriya.”

Estere 1:6

Xivava a xi sasekisiwile hi minceka yo basa leyi lukiweke hi vutiyi, yi ri ni swicapila swa rihlaza ra tilo, yi boheleriwile hi tintambhu ta ntsembyani ta muhlovo wa xivunguvungu, eswingwavileni swa silivhere, eka tiphuphu ta maribye yo rhetela. A ku ri ni switshamu swo vempfama leswi namaketiweke nsuku ni silivhere, swi vekiwile ehansi laha a ku sasekisiwile hi swiribyana swo tshwuka swo rhetela, ni vuhlalu bya nxavo lowukulu, ni swiribyana swin'wana swa nkoka.

Estere 7:8

Loko hosi yi vuya hi le ntangeni wa muti wa yona, yi nghena laha a ku nwiwa vhinyo kona, nkarhi lowu Hamani a tiwiselaka exitshan'wini lexi Estere a a hleyamile a ri eka xona. Kutani hosi yi ku: “Xana munhu loyi ú lava ni ku tlimbeleta nkosikazi kwala mahlweni ka mina, endlwini ya mina xana?” Loko hosi ya ha ku vula sweswo, va khubumeta nhloko ya Hamani.

Pisalema 132:3

a ku: “A ndzi nga ngheni ndlwini, ni ku etlela a ndzi nga etleli,

Amosi 9:8

Vonani, mina HOSI N'wini wa hinkwaswo, ndzi vekile tihlo ehenhla ka mfumo lowu wa vadyohi, ndzi ta wu herisa wu nyamalala laha misaveni, kambe vatukulu va Yakobo, ndzi nga ka ndzi nga va heriseli makumu. Ndzi vula sweswo mina HOSI.

Esaya 17:7

Enkarhini wolowo, vanhu va ta hundzuluka va languta Muvumbi wa vona, yena Muhlawuleki wa Israele;