Amosi 3:10 - BIBELE Mahungu Lamanene

¹⁰ HOSI yi vula sweswo yi ri: “Vanhu va Samariya a va swi tivi ku endla leswo lulama, va tata tindlu ta vona ta vuhosi hi swilo leswi va swi kumeke hi tihanyi ni vuxisi.”

Xitsonga (Bibele)

¹⁰ “A va tivi ku endla leswi lulameke, ku vula Yehovha; va hlengeleta etindlwini ta vona leswi phangiweke hi vona hi ku dlaya ni ku onha.”

Amosi 3:10 Referans Kwoze

Sofoniya 1:9

Hi siku rero, ndzi ta ba hinkwavo lava chavaka ku khandziya xihukuva xa yindlu ya n'wini wa vona, kambe va nga chavi ku nghenisa endlwini leyi leswi va swi kumeke hi tihanyi ni vuxisi.”

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Pisalema 14:4

Xikwembu xa vutisa xi ri: “Hinkwavo lava endlaka leswo biha, xana vo ka va nga ri na mano, leswi va mitetelaka vanhu va mina ku fana ni loko va dya vuswa, va ala ni ku ndzi gandzela mina HOSI, xana?”

2 Petro 3:5

Vanhu lava va vula ha vomu, hi ku rivala mhaka leyi: Hileswaku matilo a ma ri kona khale ni khale, ni leswaku misava yi vumbiwile hi rito ra Xikwembu yi huma ematini, yi ri xikarhi ka mati.

Amosi 6:12

Xana mi tshama mi vona tihanci ti tsutsumisiwa emaribyeni, kumbe munhu a rima lwandle hi tihomu, xana? Kambe n'wina mi hundzuluxile ku avanyisa lokunene ku va mhondzo, mi dyisile vanhu mbitsi hi ku tshika ku lulama.

Amosi 5:7

Mi ni khombo, n'wina mi dyisaka vanhu mbitsi hi ku tshika milawu leyo lulama, n'wina mi alaka ku avanyisa hi ndlela leyinene.

Yeremiya 5:4

Ndzi anakanyile ndzi ku: Lava endlaka sweswo i vanhu ntsena, a va twisisi nchumu; a va tivi ku rhandza ka HOSI Xikwembu xa vona, ni leswi xi swi langutelaka eka vona a va swi tivi.

Ezekiele 8:17

Kutani Xikwembu xi ku ka mina: “We Ezekiele, xana u swi vonile swilo leswi xana? Va ku Yuda a va kolwi hi manyala lawa va ma endlaka kwale, kambe va ha endla swin'wana swa tihanyi etikweni hinkwaro, va ndzi hlundzukisa ha swona ku tlula mpimo, naswona va ndzi pfuka hi ku hunga-hungisa switluka etinhompfini ta vona kukota vamatiko.

Ezekiele 18:7

A nga xanisi munhu-kulobye, kumbe ku n'wi tekela swa yena; loko xisiwana xi n'wi tamerisa xilo xo khomela nandzu wa mali, ú hatla a tlherisa xilo xa kona. Lava sikaka, wa va phamela, a ambexa lava pfumalaka swiambalo.

Ezekiele 22:29

Vinyi va tiko va vile ni tihanyi, va kanganyisa varikwavo, va xanisa swisiwana ni vapfumari, va kandziyela ni lava luveleke etikweni.

Amosi 6:3

Mi endla wonge mi nga bakanyela kule siku ra khombo, kasi mi titshinetela lembe ra maxangu.

Amosi 6:8

HOSI Xikwembu xa matimba hinkwawo xi vula sweswo. HOSI N'wini wa hinkwaswo ú tibohile hi ku hlambanya a ku: “Ndzi nyenya ku tikurisa ka va ka Yakobo, ni tindlu ta vona ta vuhosi ndza ti venga, kutani ndzi ta nyiketa muti wa vona eka valala, ni leswi nga ndzeni ka wona.”

Mikiya 6:10

Xana ndzi nga rivalela lavo homboloka lava tataka tindlu ta vona hi swilo leswi va swi kumeke hi tindlela to homboloka, lava tirhisaka mimpimo leyi nga riki yona, yi nga leyi ndzi yi vengaka, xana?

Ntirho 20:21

Loko a dya, a nga siyeli mundzuku, rifuwo ra yena ri ta hatla ri dzudzeka.

Swivuriso 1:13

Hi ta kuma swilo swa nkoka swa tinxaka-xaka, hi tata tindlu ta hina hi leswi hi swi phangheke.

Swivuriso 11:16

Wansati wa tintswalo ú kuma ku dzuneka, wanuna wa xivindzi ú kuma rifuwo.

Swivuriso 28:5

Vanhu vo biha timbilu, a va tivi leswi lulameke, kambe lava gandzelaka HOSI Xikwembu, va swi tiva swinene.

Eklesiasta 4:1

Kutani ndzi engeta ndzi vona hilaha vanhu va xanisanaka hakona emisaveni: Langutani mihloti ya vaxaniseki, ku hava loyi a va miyetaka; a va tweriwi vusiwana, hikuva vaxanisi va ni matimba.

Hosiya 7:1

Loko ndzi lava ku horisa vanhu va tiko ra Israele, vubihi bya vanhu lava va ka Efrayimi bya tikomba, ni ku homboloka ka vanhu va Samariya ka vonaka: Va hanya hi ku xisana, va tshovelana tindlu va yivelana, va gevenga ni vanhu etindleleni.

Amosi 4:1

“Yingisani mhaka leyi, n'wina tihomu ta mantswele ta Baxani, leti dyelaka eswitsungeni swa Samariya, n'wina mi xanisaka swisiwana, mi tshikelelaka vapfumari, n'wina mi byelaka vanuna va n'wina, mi ku: ‘Hi keleni, hi nwa!’