Amosi 2:6 - BIBELE Mahungu Lamanene

⁶ HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Israele, hikuva va dyoha va vuyelela-vuyelela: Va kumile mali hi ku xavisa vanhu lava lulameke, va xavisile ni swisiwana hi nxavonyana wa tintanghu.

Xitsonga (Bibele)

⁶ Yehovha u ri: “Hikwalaho ka milandzu minharhu, kumbe ya mune ya Israele — ndzi nga ka ndzi nga hundzuki, hikuva va xave mali hi la lulameke, va xave tintanghu hi xisiwana,

Amosi 2:6 Referans Kwoze

Yuwele 3:3

Va pambulenanile vanhu va mina hi ku tirhisa vuhlolotwana, va xava nghwavava hi mufana, vhinyo va yi xava hi nhwanyana, va nwa va yi heta.

Yuwele 3:6

Vanhu va Yuda ni va le Yerusalema, mi va xavisile eka Vagriki, mi va susa etikweni ra vona, mi va yisa kule.

Esaya 29:21

Ku ta herisiwa hinkwavo lava lumbetaka van'wana, ni lava yimelelaka swigevenga etihubyeni, ni lava vulavulaka mavunwa leswaku loyi a nga dyohangiki a dyiwa hi nandzu.

2 TIHOSI 18:12

Leswi swi humelerile hikuva Vaisraele a va yingisanga rito ra HOSI Xikwembu xa vona, kambe va tshikile ntwanano wa xona va tlhela va tshika hinkwaswo leswi Muxe nandza wa xona a a va lerisile swona. A va swi yingisanga, na ku swi endla a va swi endlanga.

2 TIHOSI 18:11

Hosi ya le Asiriya yi yisa Vaisraele etikweni ra Asiriya va ri mahlonga, yi ya va fikisa emutini wa Hala, ni le ribuweni ra nambu wa Habori le Gozana, ni le mitini ya Vameda.

Ezekiele 22:13

“Wena Yerusalema, u ndzi hlundzukisa ngopfu hi ndlela leyo biha leyi u bindzurisaka mali ya wena ha yona, ni ndlela leyi u dlayaka varikwenu ha yona.

Esaya 10:2

Va ala ku lwela vapfumari ehubyeni, va tekela swisiwana swa tiko ra mina leswi nga swa swona; hi ndlela leyi, va phangha swa tinoni, ni swa lava pfumalaka vatswari.

Zakariya 11:5

Lava va ti xavaka, va ti xavela ku dlaya ntsena, kambe a va tivoni nandzu. Kutani lava va ti xavisaka, va vula va ku: ‘A ku nkhensiwe HOSI Xikwembu, namuntlha hi fumile!’ Hambi va ri varisi va tinyimpfu leti, a va na mhaka na tona.