Amosi 2:4 - BIBELE Mahungu Lamanene

⁴ HOSI yi vurisa sweswo, yi ri: “Ndzi nga ka ndzi tshiki ku ba vanhu va le Yuda, hikuva va dyoha va vuyelela-vuyelela: Va tshikile nawu wa mina HOSI, ni swileriso swa mina a va swi hlayisanga; va hambukile va ya tirhela swikwembu swa hava, leswi vatata wa vona va swi tirheleke.

Xitsonga (Bibele)

⁴ Yehovha u ri: “Hikwalaho ka milandzu, minharhu kumbe ya mune ya Yuda — ndzi nga ka ndzi nga hundzuki, hikuva va sorile nawu wa Yehovha, a va hlayisanga ku lerisa ka yena, va hambuxiwa hi mavunwa ya vona lawa vakokwa wa vona va nga famba ha wona,

Amosi 2:4 Referans Kwoze

Ezekiele 20:24

hikuva a va arile ku hlayisa swiletelo swa mina, va bakanya milawu ya mina, va nyamisa ni masiku ya mina ya Savata, kutani va khongela swikwembu swa hava ku fana ni vatata wa vona.

Ezekiele 20:16

hikuva a va bakanyile swiletelo swa mina, va tlula milawu ya mina, va nyamisa ni masiku ya mina ya Savata hi ku khongela swikwembu swa vona swa hava.

Ezekiele 20:13

Kambe Vaisraele va tiarisile kwale mananga, va ala ku ndzi yingisa. A va hlayisanga milawu ya mina, va bakanya swiletelo swa mina leswi a va fanele ku kuma ku hanya ha swona, va nyamisa ni masiku ya mina ya Savata. “Kutani ndzi ehleketile ku chululela vukari bya mina ehenhla ka vona, ndzi va herisa loko va ha ri emananga,

Habakuku 2:18

Xana ku pfuna ka xifaniso xa xikwembu xa hava hi kwihi ke? Loko muvatli wa xona a hetile ku xi vatla, i xifaniso xa nsimbhi ntsena, lexi dyondzisaka mavunwa. Muvatli ú veka ku tshemba ka yena eka xivumbiwa xa yena, loko a ri karhi a vatla swikwembu leswi nga vulavuriki.

Hosiya 12:2

HOSI Xikwembu xi lava ku boxa milandzu ya vanhu va tiko ra Yuda, xi ta ba va ka Yakobo hikwalaho ka mahanyelo ya vona, xi va avanyisa hikwalaho ka mintirho ya vona.

Esaya 28:15

Mi tidzunisa, mi ku mi endlile ntwanano ni rifu, ni leswaku xivandla xa vafi i munghana wa n'wina; mi tshemba leswaku khombo lero chavisa leri taka ri ta hundza hi le kule, hikuva mi teka mavunwa mi ma endla khokholo, mi tiendlela xisirhelelo hi ku xisa van'wana.

Varhoma 1:25

Va tshikile ntiyiso wa Xikwembu, va landza mavunwa, va gandzela ni ku tirhela leswi vumbiweke, ematshan'wini ya Muvumbi loyi a fanelaka ku vongiwa hi masiku ni masiku. Amen!

Amosi 3:2

“Exikarhi ka tinxaka hinkwato ta misava, ndzi hlawurile n'wina ntsena ndzi mi hlayisa. Leswi a nga n'wina mi tlhelaka mi ndzi dyohela hi ndlela leyi, ndza boheka ku mi ba.”

Ezekiele 20:18

“Loko Vaisraele va ha ri emananga, ndzi vulavurile ni vana va vona, ndzi va byela leswaku va nga tekeleli mikhuva ya vatata wa vona, ni swiletelo swa vona va nga swi yingisi, kumbe ku tinyamisa hi ku khongela swikwembu swa hava swa vatata wa vona.

Yeremiya 9:14

Va tiomisile tinhloko, va endla leswi va swi rhandzaka, va tirhela swikwembu swa Baali hilaha vatata wa vona va va dyondziseke hakona.

Yeremiya 8:9

Hikokwalaho vanhu lava vo tlhariha va ta va ni tingana; loko va khomiwa hi valala, va ta hlangana tinhloko. Vutlhari bya vona a byi nga va pfuni nchumu, hikuva va tshikile rito ra mina HOSI.

Nehemiya 1:7

Hi ku hoxele ngopfu hi ku hanya vutomi bya manyala, hi tshika swileriso, ni milawu, ni swiletelo leswi u hi leriseke swona hi nomo wa nandza wa wena Muxe.

2 TIHOSI 17:19

Vanhu va Yuda na vona a va hlayisanga milawu ya HOSI Xikwembu xa vona, kambe va hanyile hi mikhuva leyi Vaisraele va nga tisungulela yona.

1 Petro 1:18

Ma swi tiva leswaku mi kutsuriwile eka tindlela leti nga pfuniki nchumu, leti mi ti kumeke eka vatata wa n'wina; mi kutsuriwile ku nga ri hi swilo leswi onhakaka ku fana ni silivhere kumbe nsuku,

1 Vatesalonika 4:8

Hikokwalaho, loyi a alaka xitsundzuxo lexi, a nga soli munhu, kambe ú sola Xikwembu lexi xi mi nyikaka Moya wa xona lowo Kwetsima.

Hosiya 6:11

Na n'wina va ka Yuda, siku ra n'wina ra ku avanyisiwa ri vekiwile, ri nga siku leri ndzi nga ta tlhela ndzi vuyisa vanhu va mina ha rona.

Ezekiele 22:28

Vaprofeta va tiko leri a va boxanga swidyoho swa Vaisraele; va va xisile hi swivono swa hava, va va byela mavunwa va ku: ‘HOSI N'wini wa hinkwaswo ú vula swo karhi ni swo karhi ...’, kasi mina HOSI a ndzi va byelanga nchumu.

Ezekiele 22:8

Swilo swa mina leswo hlawuleka a wu swi hlayisi; a wu na mhaka ni milawu ya mina ya siku ra Savata.

Ezekiele 20:30

“Hikokwalaho u fanela ku byela Vaisraele leswaku mina HOSI N'wini wa hinkwaswo ndzi ri: Xana mi lava ku tinyamisa ku fana ni vatata wa n'wina, mi hambuka endleleni mi ya gandzela swilo leswi swa manyala xana?

Ezekiele 13:22

Vanhu lava va ndzi tshembaka, mi va hetile ntamu hi mavunwa ya n'wina, kasi mina a ndzi lava ku va tiyisa nhlana. Lavo homboloka, mi yimile na vona, leswaku va nga tshiki tindlela ta vona leto biha ni leswaku va nga ponisi vutomi bya vona.

Yeremiya 16:12

N'wina mi lo ya emahlweni mi dyoha, mi tlula ni vatata wa n'wina. Un'wana ni un'wana exikarhi ka n'wina ú endla leswi humaka enhlokweni ya yena, a ala ku ndzi yingisa.

Yeremiya 8:2

kutani ma ta hangalasiwa erivaleni, ehansi ka dyambu ni n'weti ni tinyeleti hinkwato, swi nga swilo leswi Vaisraele va swi rhandzaka ni ku swi tirhela, leswi va swi landzelelaka, va swi vutisa timhaka ni ku swi nkhinsamela. Marhambu lawa a ma nga ha hlengeletiwi kumbe ku lahliwa emasirheni, kambe ma ta fana ni vulongo loko byi cheriwile emasin'wini.

Yeremiya 6:19

Wena misava yingisa: Vanhu lava ndzi ta va vangela makhombo. Va ta tshovela leswo biha leswi va swi byaleke, hikuva a va yingisanga marito ya mina, ni nawu wa mina va arile ku wu landza.

Esaya 44:20

Munhu wo tano, swo fana ni loko a dya nkuma; ú kanganyisiwa ni ku lahlekisiwa hi miehleketo ya yena; a nga swi koti ku tintshunxa entlhan'wini wa kona, kumbe ku tivutisa a ku: “Xana a ndzo tikanganyisa hi xilo lexi ndzi xi khomeke xana?”

Nehemiya 9:26

“Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.

2 TIKRONIKA 30:7

Hikokwalaho mi nga tshuki mi fularhela HOSI, Xikwembu xa vatata wa n'wina, ku fana ni vatswari va n'wina ni vamakwenu, lava Xikwembu xi va beke hi makhombo lawa mi ma tivaka.

Vaavanyisi 10:6

Vaisraele va tlhela va endla leswo biha emahlweni ka HOSI Xikwembu: Va tirhela swifaniso swa Baali ni swa Astarte, swi nga swikwembu swa Vasiriya, ni Vasidoni, ni Vamowabu, ni Vaamoni, ni Vafilista. Vaisraele va tshika HOSI Xikwembu, va nga ha xi tirheli.

Yeremiya 16:11

Va hlamule leswaku mina HOSI ndzi ri: ‘Vatata wa n'wina va ndzi tshikile; va tinyiketile eka swikwembu swin'wana, va swi tirhela ni ku swi khongela, kutani va ndzi fularhela va tshika milawu ya mina.

Amosi 1:3

HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Damaska, hikuva va dyoha va vuyelela-vuyelela: Va xanisile vaaki va muti wa Giliyadi hi ku va handzulela hi tihariki ta nsimbhi.

Mikiya 6:12

Van'wankumi va muti lowu va tele tihanyi, vaaki va wona vo dzumbela ku hembelana ni ku kanganyisana.

2 TIKRONIKA 25:14

Endzhaku ka loko Amasiya a hlurile Vaedomu, a muka a rhwele swikwembu swa va le Seyira, kutani a swi endla swikwembu swa yena, a swi nkhinsamela, a swi hisela mirhi ya risuna.

Yeremiya 17:27

Kambe loko mi ala ku ndzi yingisa, mi nga pfumeli ku hlayisa siku ra Savata leswaku ri tshama ri hlawulekile, ni loko mi rhwala swilo mi swi nghenisa etinyangweni ta Yerusalema hi siku rero, vukari bya mina byi ta pfurha byi nga timeki, byi hisa tindlu leto saseka ta Yerusalema.’ ”

Hosiya 12:3

Yakobo ú lwetanile ni makwavo va ha ri ekhwirini ra mana wa vona, loko a kurile, ú sungule ku kamana na Xikwembu.