Amosi 2:15 - BIBELE Mahungu Lamanene

¹⁵ Loyi a lwaka hi vurha, a nge yimi, hambi loyi a nga ni rivilo, a nge phonyoki, ni mugadi wa hanci a nge koti ku tiponisa.

Xitsonga (Bibele)

¹⁵ Loyi a tameleke vurha a nga ka a nga tihanyisi, ni la khandziyaka hanci a nga ka a nga ponisi ku hanya ka yena;

Amosi 2:15 Referans Kwoze

Ezekiele 39:3

kambe sweswi ndzi ta ku ba voko ra ximatsi, ri tshika ku khoma vurha; ndzi ta ku ba voko ra xinene, ri tshika ku tamela miseve.

Eklesiasta 9:11

Ndzi engetile ndzi vona ni leswi: Laha misaveni, a hi vanhu lava tsutsumaka hi rivilo lava hetaka mpfhuka, naswona a hi lava nga ni matimba lava hlulaka enyimpini. A hi lavo tlhariha lava kumaka swakudya, ni rifuwo a ri kumiwi hi lavo dyondzeka. Lava tivaka maendlele a hi vona va tsakeriwaka. Hinkwaswo swi ni nkarhi lowu swi humelelaka ha wona.

Esaya 31:3

Vaegipta i vanhu, a hi Xikwembu, tihanci ta vona i swivumbiwa ntsena, a hi moya. Loko HOSI Xikwembu xi tlakusa voko ra xona, mupfuni ni mupfuniwa va ta khuguka va wa, hinkwavo va ta herisiwa hi nkarhi wun'we.

Yeremiya 51:56

Vahlaseri va fikile eBabilona, va le ku lweni! Tinhenha ta Babilona ta khomiwa, ni vurha bya tona bya tshoveleriwa, hikuva HOSI Xikwembu i Xikwembu lexi baka lavo biha, xi ta rihiseta hakunene.

Hagayi 2:22

Ndzi ta wisa tihosi eswitshan'wini swa tona; ku nga ri khale, ndzi ta herisa matimba ya mimfumo hinkwayo ya vamatiko. Ndzi ta wisa tigolonyi ta nyimpi ni vachayeri va tona. Vagadi ni tihanci ta vona swi ta wa hi tlhari, va hetana hi xivona.

Zakariya 10:5

Hinkwavo va ta va tinhenha enyimpini, va kandziyela valala endzhopeni. Va ta lwa va hlula, hikuva mina HOSI ndzi ta va na vona, kutani va ta nyumisa valala va vona lava gadeke tihanci.

Amosi 9:1

Ndzi vonile N'wini wa hinkwaswo a yimile etlhelo ka alitari, a ri karhi a lerisa a ku: “Bana lwangu ra Tempele swihukuva swa yona swi kondza swi tsekatseka; ri mbindzimuxe ri wela ehenhla ka tinhloko ta vanhu hinkwavo; lava nga ta sala, ndzi ta va herisa hi fumu, na un'we wa vona a nga ka a nga baleki, a ku nga phonyoki na un'we.