Amosi 2:13 - BIBELE Mahungu Lamanene

¹³ “Vonani, mina ndzi ta mi phyandlasa, ku fana ni golonyi leyi rhwaleke tinyandza, loko yi phyandlasa swilo ehansi.

Xitsonga (Bibele)

¹³ “Vonani, ndzi ta mi phyandlasa kukotisa golonyi leyi teleke tinyandza.

Amosi 2:13 Referans Kwoze

Esaya 1:14

Minkhuvo ya n'wina ya ku tshama ka n'weti, ni leyin'wana leyi vekiweke, ndza yi venga; yi hundzukile ndzhwalo eka mina, kutani ndzi karhele ku wu rhwala.

Malakiya 2:17

Mi karharisile HOSI Xikwembu hi ku vula-vula ka n'wina, kambe mi ri: “Xana hi xi karharisile hi ndlela yihi ke?” Nhlamulo hi leyi: Hi loko mi vula leswaku un'wana ni un'wana la endlaka leswo biha, ú lulamile emahlweni ka HOSI Xikwembu, ni leswaku Xikwembu xi tsakela munhu wo tano. Ma xi karharisa loko mi vutisa mi ku: “Xi kwihi Xikwembu lexi va nge xi lulamile ke?”

Ezekiele 16:43

Mina HOSI N'wini wa hinkwaswo ndzi ri, leswi u nga tsundzukangiki masiku ya vuntshwa bya wena, yingisa: Ndzi ta ku ba ndzi hlundzukile, ndzi ku bela mintirho ya wena hinkwayo, hikuva ehenhla ka manyala hinkwawo lawa u ma endleke, u tlhele u engetelela hi vunghwavava bya wena!”

Ezekiele 6:9

kutani varikwenu lava, lava nga ta va va ponile ku dlawa, va ta ndzi anakanya loko va ri evukhumbini exikarhi ka vamatiko. Va ndzi vavisile ngopfu, hikuva timbilu ta vona ti ndzi tshikile ti ndzi fularhela; va langutile eka swikwembu swa vona swa hava, mina va nga ha ndzi tshembi. Kambe eku heteleleni va ta tisola ehenhla ka mintirho ya vona leyo homboloka ni manyala ya vona hinkwawo,

Esaya 43:24

Hambi swi ri swinun'hweriso, a mi humesanga mali mi ndzi xavela, naswona a mi si tshama mi ndzi tsakisa hi mafurha ya swifuwo swa magandzelo ya n'wina. Ematshan'wini ya sweswo, mi ndzi tikiserile hi swidyoho swa n'wina, milandzu ya n'wina yi ndzi karhate ngopfu.

Esaya 7:13

Kutani Esaya a ku: “N'wina va ka Davhida, yingisani! Xana a mi kolwi ku dyisa vanhu mbitsi xana? Xana na xona Xikwembu xa mina, mi lava ku xi dyisa mbitsi xana?

Pisalema 78:40

Loko va ri emananga, Vaisraele va tiarisile ko tala eka Xikwembu, va xi vavisa mbilu ematikweni lawa ya ku oma.

Genesa 37:7

A hi ri karhi hi boha tinyandza emasin'wini, kutani nyandza ya mina yi suka yi yima, hiloko leta ka n'wina ti yi rhendzela, ti yi nkhinsamela.”

Tinhlayo 7:3

va humesa mihlengo, va ya na yona emahlweni ka HOSI Xikwembu (Va tisile tigolonyi ta 6 leti funengetiweke ehenhla, ni tihavi ta 12; varhangeri vambirhi va tile ni golonyi yin'we ni tihavi timbirhi; murhangeri un'wana ni un'wana a a ri ni havi ya yena). Va fika va yimisa swilo leswi emahlweni ka Ntsonga,

Ntirho 39:12

U nga languteli tinyarhi ku vuya ni mavele ya wena; ti nge ma hlengeleti exivuyeni!