Amosi 2:11 - BIBELE Mahungu Lamanene

¹¹ Van'wana va vana va n'wina, ndzi va vekile ku va vaprofeta, van'wana va majaha ya n'wina, ndzi va vekile ku va Vanaziri. Xana a hi swona ke, n'wina Vaisraele, ku vutisa mina HOSI?

Xitsonga (Bibele)

¹¹ Kutani ndzi pfuxile vaprofeta exikarhi ka vana va n'wina, ni le xikarhi ka majaha ya n'wina ndzi pfuxa Vanaziri. A swi tano xana, vana va Israele?” ku vula Yehovha.

Amosi 2:11 Referans Kwoze

Yeremiya 7:25

Ku sukela enkarhini lowu vatata wa n'wina va humeke ha wona etikweni ra Egipta ku ta fika namuntlha, a ndzi hamba ndzi va rhumela malandza ya mina va nga vaprofeta.

Mikiya 2:6

Vanhu lava va ri, ndza jamuka, kasi hi vona va jamukaka. Va ri: “U nga jamuki! Hina hi nga ka hi nga humeleriwi hi khombo.

Swirilo 4:7

Tihosana ta Yerusalema a ti tengile ku tlula gamboko, ti tsakisa mahlo ku tlula masi; miri wa tona a wu sasekile ku tlula swo bomba ha swona, wu tlhela wu yimeka swinene.

Yeremiya 26:11

Hiloko vaprista ni vaprofeta va mangalela Yeremiya emahlweni ka varhangeri ni ntshungu hinkwawo, va ku: “Munhu loyi ú fanele ku fa, hikuva ú tiendlile muprofeta a vulavula swo biha ehenhla ka muti lowu, hilaha mi swi tweke hakona.”

Yeremiya 11:21

Kutani HOSI Xikwembu xi humesa rito ehenhla ka vanhu va muti wa Anatoto lava a va ndzi arisa ku vulavula hi vito ra xona, va ku va ta ndzi dlaya.

Yeremiya 2:31

N'wina vanhu va Israele, yingisani swinene, hikuva mina HOSI ndzi ni rito eka n'wina: Xana ndzi mi karhatile n'wina vanhu va mina, xana ndzi vile tiko lero oma ra xinyami eka n'wina xana? Loko swi nga ri tano, hikwalaho ka yini mi ku: ‘Hi ta ya lomu hi ku rhandzaka, a hi swi lavi ku tlhelela eka wena!’ xana?

Yeremiya 2:5

HOSI Xikwembu xi vula sweswo, xi ri: “Xana vatata wa n'wina ndzi va dyohele ha yini, leswi va nga ndzi fularhela, va ya namarhela swilo leswo ka swi nga tivikani, kutani na vona va hundzuka vanhu vo ka va nga tivikani, xana?

2 TIKRONIKA 36:15

Minkarhi hinkwayo, HOSI Xikwembu xa vatata wa vona xi va rhumerile malandza ya xona ku va tsundzuxa, hikuva a xi rhandza vanhu va xona ni yindlu ya xona.

2 TIHOSI 17:13

Kasi HOSI Xikwembu a xi tsundzuxile vanhu va Israele ni va Yuda, hi nomo wa vaprofeta ni wa varhumiwa va xona hinkwavo, xi ku: “Fularhelani mahanyelo ya n'wina layo biha, mi hlayisa swileriso swa mina ni milawu ya mina, hi ku landza Nawu lowu ndzi wu leriseke vakokwa wa n'wina, lowu ndzi mi rhumeleke wona hi nomo wa vaprofeta malandza ya mina.”

2 TIHOSI 6:1

Siku rin'wana, vadyondzisiwa va vaprofeta va ku ka Elixa: “Languta, laha hi tshamaka kona loko hi hlengeletana emahlweni ka wena, a ku hi ringani.

1 TIHOSI 22:8

Kutani hosi ya Israele yi hlamula Yoxafati yi ku: “Ina, ka ha ri ni munhu un'we, loyi hi nga vutisaka eka yena leswaku HOSI Xikwembu xi ri yini eka swona; i Mikaya n'wana Imila. Kambe mina ndza n'wi venga hikuva a nga ndzi vhumbheli nchumu xo saseka, wo ndzi byela leswo biha ntsena minkarhi hinkwayo.” Yoxafati a ku: “Hayi, a hi wena hosi u fanelaka ku vulavurisa sweswo!”

1 TIHOSI 20:41

Hiloko muprofeta a hatla a susa nceka lowu a a titsondzele nhloko ha wona. Hosi ya Vaisraele yi n'wi tiva leswaku hi un'wana wa vaprofeta.

1 TIHOSI 20:35

Enkarhini wolowo, hi ku lerisiwa hi HOSI Xikwembu, un'wana wa vadyondzisiwa va vaprofeta a byela nakulobye a ku: “Ndzi kombela leswaku u ndzi ba.” Kambe munhu loyi a ala ku ba muprofeta.

1 TIHOSI 20:13

Enkarhini lowu, ko tshuka ku humelela muprofeta, a kongoma Akabu hosi ya Vaisraele, a ku ka yena: “HOSI Xikwembu xi vurisa sweswo xi ri: ‘Xana mintshungu leyikulu leyi, wa yi vona ke? Yingisa! Namuntlha ndzi ta yi nyiketa emavokweni ya wena, kutani u ta swi tiva leswaku hi mina ndzi nga HOSI.’ ”

1 TIHOSI 19:16

Na yena Yehu n'wana Nimxi, u ya n'wi veka hosi ya tiko ra Israele hi ku n'wi chela mafurha enhlokweni. Loko a ri Elixa n'wana Xafati wa Avele-Mehola, u ta n'wi veka hi ku n'wi chela mafurha enhlokweni, leswaku a sala a va muprofeta.

1 TIHOSI 18:4

Loko Yezabele a ri karhi a dlaya vaprofeta va HOSI Xikwembu, Obadiya a a tekile dzana ra vaprofeta lava, a ya va tumbeta emabakweni mambirhi, a nghenisa 50 eka rin'we, na 50 eka lerin'wana, a va nyika swakudya ni mati.)

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

1 SAMIELE 19:20

Kavaloko Sawulo a rhumela vanhu ku ya khoma Davhida. Loko varhumiwa lava va fika, va vona ntlawa wa vaprofeta lava a va ri eku vhumbheni, va rhangeriwile hi Samiele, kutani na vona va ngheniwa hi Moya wa Xikwembu, va sungula ku vhumbha.

1 SAMIELE 3:20

Kutani Vaisraele hinkwavo, ku suka eDani ku ya fika eBerexeba, va swi tiva leswaku hakunene Samiele i muprofeta wa HOSI Xikwembu.

Duteronoma 18:18

Ndzi ta va rhumela muprofeta loyi a fanaka na wena, loyi a nga ta huma eka va ka vona. Ndzi ta n'wi byela leswi a faneleke ku vulavula swona, kutani yena ú ta va tivisa hinkwaswo leswi ndzi nga ta n'wi lerisa swona.

Timhaka 7:51

“N'wina va tinhamu leto nonon'hwa, n'wina va timbilu leti nga pfumeriki ni tindleve leti nga twiki! Masiku hinkwawo mi alela Moya lowo Kwetsima; mi fana swinene ni vatata wa n'wina.

Timhaka 5:28

“Hi mi lerisile swinene leswaku mi nga tshuki mi dyondzisa hi vito rero; kambe langutani ke, mi tatile Yerusalema hi dyondzo ya n'wina, kutani mi lava ku hi veka nandzu wa rifu ra munhu loyi!”

Timhaka 4:18

Kuteloko va va vitanile, va va lerisa leswaku va nga ha tshuki va vulavula hi vito ra Yesu, hambi ku ri ku dyondzisa ha rona.