Amosi 1:6 - BIBELE Mahungu Lamanene

⁶ HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Gaza, hikuva va dyoha va vuyelela-vuyelela: Va yisile mintshungu ya vanhu evukhumbini, va ya va nyiketa eka Vaedomu.

Xitsonga (Bibele)

⁶ Yehovha u ri: “Hikwalaho ka milandzu minharhu, kumbe ya mune ya Gaza — ndzi nga ka ndzi nga hundzuki, hikuva va fambile ni makhumbi layo tala ku va nyiketa Vaedomu,

Amosi 1:6 Referans Kwoze

Amosi 1:11

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Edomu, hikuva va dyoha va vuyelela-vuyelela: Va hlotile vamakwavo ku va dlaya, va ala ku va twela vusiwana; va hlundzukile swi nga heli, va nga pfumeli ku tshika vukari bya vona.

2 TIKRONIKA 28:18

Na vona Vafilista a va hlaserile miti ya Yuda hi tlhelo ra le timbaleni ni ra le dzongeni, va teka Beta-Xemexe, na Ayaloni, na Gederoto; va hlasela na Soko, na Timina, na Gimizo, va teka ni swimitana swa kona, kutani va titshamela emitini leyi hinkwayo.

Obadiya 1:11

Siku leri vanhu vambe va tekeke rifuwo ra ka Yakobo, n'wina a mo yima mi hlalela; siku leri valala va nga nghena emutini wa Yerusalema, va phakelana swilo swa vona hi vuhlolotwana, n'wina mi tiendle vanghana va vona.

Amosi 1:9

HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Tiri, hikuva va dyoha va vuyelela-vuyelela: Va yisile mintshungu ya vanhu evukhumbini, va va nyiketa eka Vaedomu, va tshova ntwanano wa xinakulobye.

1 SAMIELE 6:17

Swifaniso swa matshumba swa nsuku, leswi Vafilista va swi rhumeleke eka HOSI Xikwembu ku riha nandzu wa vona, a swi ringana ntlhanu hi ku ya hi miti leyi ya ntlhanu: Axidodo, na Gaza, na Axikeloni, na Gati, na Ekroni.

Yuwele 3:6

Vanhu va Yuda ni va le Yerusalema, mi va xavisile eka Vagriki, mi va susa etikweni ra vona, mi va yisa kule.

Ezekiele 35:5

N'wina va le Edomu, i khale mi ri karhi mi vengana ni Vaisraele. Esikwini leri va nga wela hi khombo, va biwa hi nkhavi lowukulu hikwalaho ka swidyoho swa vona, n'wina mi va tshikile va dlawa hi matlhari.

Zakariya 9:5

Va le Axikeloni va ta swi vona, kutani va chava. Na vona va le Gaza, va ta tshukisiwa va rhurhumela. Leswi va le Ekroni a va swi tshemba, swi ta tekiwa. Le Gaza, tihosi ti ta nyamalala, muti wa Axikeloni wu ta lahlekeriwa hi vanhu va wona.

Amosi 1:3

HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Damaska, hikuva va dyoha va vuyelela-vuyelela: Va xanisile vaaki va muti wa Giliyadi hi ku va handzulela hi tihariki ta nsimbhi.

Yeremiya 47:1

Lawa i mahungu hi tlhelo ra tiko ra Vafilista, lawa HOSI Xikwembu xi ma nyikeke muprofeta Yeremiya loko hosi Faro a nga si hlasela muti wa Gaza.

Timhaka 8:26

Ntsumi ya Hosi yi vulavula na Filipi, yi ku ka yena: “Suka, u ya tlhelo ra dzonga endleleni leyi humaka eYerusalema, leyi rhelelaka yi ya eGaza.” (A ku tali ku famba munhu endleleni leyi.)

Yuwele 3:4

“Xana mi ni mhaka muni na mina, n'wina va le Tiri, ni va le Sidoni, ni va swifundzha hinkwaswo swa Vafilista, xana? Xana ku ni leswi mi rihiselaka swona eka mina xana? Loko swo va tano, hi ku copeta ka tihlo, leswi mi swi endlaka, ndzi ta hatla ndzi swi vuyisela eka n'wina,

Amosi 1:7

Hikokwalaho ndzi ta rhumela ndzilo erirhangwini ra Gaza, wu ta herisa ni tindlu ta kona ta vuhosi.