Amosi 1:13 - BIBELE Mahungu Lamanene

¹³ HOSI yi vurisa sweswo yi ri: “Ndzi nga ka ndzi nga tshiki ku ba Vaamoni, hikuva va dyoha va vuyelela-vuyelela: Loko va ri karhi va lwela ku engetela tiko ra vona, va handzurile makhwiri ya vavasati lava tikeke va le Giliyadi.

Xitsonga (Bibele)

¹³ Yehovha u ri: “Hikwalaho ka milandzu minharhu, kumbe ya mune ya vana va Amoni — ndzi nga ka ndzi nga hundzuki, hikuva va handzule makhwiri ya vavasati lava tikeke va Giliyadi leswaku va kurisa tiko ra vona,

Amosi 1:13 Referans Kwoze

Hosiya 13:16

Va le Samariya va ta fela swidyoho swa vona, hikuva va fularherile Xikwembu xa vona; va ta dlayiwa hi banga, vana va vona va ta phyandlaseriwa, vavasati lava tikeke va ta handzuriwa makhwiri.

Ezekiele 35:10

“N'wina va le Edomu mi ri: ‘Vaisraele ni va ka Yuda, ku katsa ni matiko ya vona, i swa hina. Matiko ya kona, hi ta va tekela wona!’ Kasi ndzi kona mina HOSI!

Esaya 5:8

Mi ni khombo n'wina mi lavaka ku longoloxela tindlu, n'wina mi tshamaka mi ri karhi mi engetelela masimu, mi teketela tindhawu hinkwato ti va ta n'wina, mi endlela ku tshama mi ri n'wexe etikweni.

Amosi 1:3

HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Damaska, hikuva va dyoha va vuyelela-vuyelela: Va xanisile vaaki va muti wa Giliyadi hi ku va handzulela hi tihariki ta nsimbhi.

Ezekiele 21:28

“Wena munhu, vulavula ni Vaamoni lava sandzaka Vaisraele u va byela leswaku mina HOSI N'wini wa hinkwaswo ndzi ni rito eka vona leri nge: Banga leri dlayaka ra hlomuriwa enkotlotweni, ri le ku vangamisiweni; ri loteriwa ku herisa, ri ba kukota rihati.

Nehemiya 2:19

Kuteloko Sanibalati lowa Muhoroni, ni nandza loyi va nge i Tobiya lowa Muamoni, na Muarabu loyi va nge i Gexamu, va twa timhaka leti, va monya va hi hlekula va ku: “Xana i ncini lexi mi endlaka xona xana? Xana mo lava ku hundzukela hosi ya tiko xana?”

2 TIKRONIKA 20:10

Loko Vaisraele va huma le Egipta, wena a wu pfumelanga leswaku va herisa Vaamoni, ni Vamowabu, ni va le ntshaveni ya Seyira; u byerile Vaisraele leswaku va va papalata, va nga va hlaseli. Kutani sweswi, vona leswi va swi endlaka we HOSI:

2 TIKRONIKA 20:1

Endzhaku ka sweswo, Vamowabu ni Vaamoni ni Vamehuni van'wana va huma nyimpi va ya lwa na Yoxafati.

2 TIHOSI 24:2

HOSI Xikwembu xi rhumela mavuthu ya Vakalediya, ni ya Vasiriya, ni ya va le Mowabu, ni ya Vaamoni, ma ya lwa na Yoyakimi; xi ma rhumela leswaku ma ya lwa na tiko ra Yuda, ma ri herisa, hilaha xi vuleke hakona hi milomo ya vaprofeta malandza ya xona.

Duteronoma 2:19

kutani loko mi fika endzilekaneni wa tiko ra Vaamoni, mi nga tshuki mi va karhata kumbe ku lwa na vona, hikuva a ndzi nga mi nyiki nchumu xa tiko ra vona. Tiko leri, ndzi ri nyikile vona Vaamoni, va nga vatukulu va Lota, leswaku ri va ndzhaka ya vona.’ ”

Pisalema 83:7

i va le Gebali ni Vaamoni ni Vaamaleke, i Vafilista ni lava akeke emutini wa Tiri.

2 TIHOSI 15:16

Eminkarhini yoleyo, Menahema a hlasela muti wa Tifisaka ni vaaki hinkwavo va wona, a hlasela ni xitikwana xa kona ku sukela eTirisa, hikuva a va arile ku n'wi pfulela tinyangwa ta muti; naswona, a dlaya vavasati hinkwavo lava tikeke hi ku va handzula makhwiri.

Yeremiya 25:21

ni vanhu va le Edomu, ni va le Mowabu, ni Vaamoni;

2 SAMIELE 12:31

Tlhandlakambirhi, Davhida a khoma vaaki va muti wolowo, a va sindzisa ku tirha hi tisahu, ni swikomu, ni swihloka; a tlhela a va rhuma va ya tirha laha switina swi hiseriwaka kona. Davhida a endla swo fana ni sweswo emitini hinkwayo ya Vaamoni. Endzhaku ka swona, Davhida ni masocha hinkwawo va tlhelela eYerusalema.

2 TIHOSI 8:12

Hazaele a vutisa a ku: “Xana u rilela yini, wee n'wini wanga?” Elixa a hlamula a ku “Ndza rila, hikuva ndzi tiva leswo biha leswi u nga ta swi endla eka Vaisraele: U ta herisa makhokholo ya vona hi ndzilo; u ta tlhava majaha ya vona hi fumu, u phyandlasa swihlangi swa vona, u handzula makhwiri ya vavasati va vona lava tikeke.”

Ezekiele 25:1

HOSI Xikwembu xi vulavula na mina xi ku:

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.