Amosi 1:11 - BIBELE Mahungu Lamanene

¹¹ HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Edomu, hikuva va dyoha va vuyelela-vuyelela: Va hlotile vamakwavo ku va dlaya, va ala ku va twela vusiwana; va hlundzukile swi nga heli, va nga pfumeli ku tshika vukari bya vona.

Xitsonga (Bibele)

¹¹ Yehovha u ri: “Hikwalaho ka milandzu minharhu, kumbe ya mune ya Edomu — ndzi nga ka ndzi nga hundzuki, hikuva u hlongorile makwavo hi tlhari, a cukumeta tintswalo hinkwato, vukari bya yena byi nga tshiki ku handzula, kambe a hlayisa vukari bya yena hi masiku,

Amosi 1:11 Referans Kwoze

2 TIKRONIKA 28:17

Mhaka hileswaku Vaedomu a va tlhele va ta va ta hlasela va ka Yuda, va khoma van'wana va vona va va yisa evukhumbini.

Malakiya 1:4

Va le Edomu va nga vula va ku: ‘Hambileswi miti ya hina yi wisiweke ku sala marhumbi, hi ta tlhela hi yi pfuxa!’ Kambe mina HOSI ya matimba hinkwawo, ndzi vurisa sweswo ndzi ri: Hambiloko va nga pfuxa miti ya vona, mina HOSI ndzi ta yi mbundzumuxa, va ta kala va vuriwa ‘tiko-ro-biha’, kumbe ‘vanhu lava HOSI yi va hlundzukeleke hilaha ku nga heriki’!

Yuwele 3:19

Tiko ra Egipta ri ta sala ri nga ha pfuni nchumu, ra Edomu ri ta hundzuka mananga lama omeke, hikuva va khomile vanhu va Yuda hi tihanyi, va halata ngati ya vanhu lava nga riki na nandzu, ematikweni ya vona.

Pisalema 137:7

We HOSI, u nga tshuki u rivala leswi vanhu va le Edomu va swi vuleke, siku muti wa Yerusalema wu hlaseriweke. Va huwelerile va ku: “Fayani! Fayani muti lowu, mi faya ni masungulo ya wona!”

Mikiya 7:18

We HOSI, xana xi kona xikwembu xin'wana lexi fanaka na wena xana? Vanhu lava nga masalela ya ndzhaka ya wena, wa va rivalela milandzu ya vona, a wu hlayeli leswaku va tiarise kangani. Loko u hlundzukile, vukari bya wena byi hatla byi rhelela, hikuva u tsakela ngopfu ku hi komba tintswalo ta wena leto tshembeka.

Eklesiasta 7:9

U nga hatlisi ku hlundzuka, hikuva xifafa i xa swiphunta.

Duteronoma 23:7

“Mi nga tshuki mi nyenya Vaedomu, hikuva i vamakwenu; hambi va ri Vaegipta, mi nga va nyenyi, hikuva a mi luverile etikweni ra vona.

Vaefesa 5:1

Leswi mi nga vana va Xikwembu lava rhandzekaka, ringetani ku fana na xona.

Malakiya 1:2

HOSI Xikwembu xi ku ka Vaisraele: “Ndza mi rhandza, kambe n'wina mi ndzi vutisa, mi ku: ‘U hi komba ha yini leswaku wa hi rhandza xana?’ Kutani mina HOSI ndzi ri: Xana Esawu a hi makwavo wa Yakobo xana? Hambiswiritano, ndzi rhandzile Yakobo,

Esaya 57:16

Ndzi nga ka ndzi nga tshami ndzi ri karhi ndzi karihela vanhu va mina, naswona ndzi nge va hlundzukeli hilaha ku nga heriki, hikuva vanhu va mina lava ndzi va endleke, va nga ta fa va hela.

Pisalema 85:5

Xana u ta hi hlundzukela hilaha ku nga heriki xana? Xana u ta ya emahlweni u karihela ni lava va ha taka xana?

Zakariya 1:15

Tinxaka leti tshamisekeke ti nga karhatiwi hi nchumu, ndzi ti hlunamele ngopfu, hikuva loko ndza ha hlundzukelenyana Vaisraele, tona ti tlhandlekele ku biha ehenhla ka ku biha.

2 TIKRONIKA 20:10

Loko Vaisraele va huma le Egipta, wena a wu pfumelanga leswaku va herisa Vaamoni, ni Vamowabu, ni va le ntshaveni ya Seyira; u byerile Vaisraele leswaku va va papalata, va nga va hlaseli. Kutani sweswi, vona leswi va swi endlaka we HOSI:

2 TIKRONIKA 20:11

Va nkhensa tintswalo ta hina hi ku hi tekela tiko leri u nga hi nyika rona leswaku ri va ndzhaka ya hina.

Hosiya 8:3

Kambe va tshika ku endla leswinene, kutani valala va va sala endzhaku.