2 Vakorinto 8:8 - BIBELE Mahungu Lamanene

⁸ A ndzi mi lerisi, kambe ndzo mi byela ntsena hilaha van'wana va hisekelaka ku pfuna hakona, ndzi ta tiva ku tiya ka rirhandzu ra n'wina.

Testamente Leyimpsha Xichangana

⁸ Animirhumi, kambe nimibzela ntsena hilaha van'wana vahisekelaka kupfuna hakona, nitativa kutiya ka rirhandzu ra n'wina.

Xitsonga (Bibele)

⁸ A ndzi vurisi sweswo hi nawu, kambe hileswaku ndzi ringeta hi ku gingirika ka van'wana, vunene bya rirhandzu ra n'wina.

2 Vakorinto 8:8 Referans Kwoze

1 Vakorinto 7:6

Ndzi vula leswi hi ku lava ku mi vevukisela, ku nga ri hi xileriso.

Vaheveru 10:24

A hi laveni tindlela to pfuxana, hi kombana rirhandzu ni mintirho leyinene.

2 Vakorinto 9:7

Un'wana ni un'wana a a nyike hilaha a pimaniseke hakona embilwini ya yena, a humesa hi ku ntshunxeka, ku nga ri hi ku vilela, hikuva Xikwembu xi rhandza loyi a nyikaka a tsakile.

2 Vakorinto 6:6

Hi ku tenga, ni vutivi, ni ku leha mbilu, ni tintswalo, hi tiyiserile hi matimba ya Moya lowo Kwetsima, ni rirhandzu leri nga riki na ku kanganyisa,

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

Vaefesa 6:24

Tintswalo a ti ve ni hinkwavo lava rhandzaka Hosi ya hina Yesu Kriste hi rirhandzu leri nga onhakiki!

Vaefesa 4:15

Ematshan'wini ya sweswo, hi ta hanya entiyisweni hi moya wa rirhandzu, hi kula hi matlhelo hinkwawo eka Kriste, yena loyi a nga nhloko.

2 Vakorinto 9:2

Ndzi tiva leswaku mi navela swinene ku pfuna; kutani ndzi tidzunisile eka va le Makedoniya hikwalaho ka ku navela ka n'wina loku; ndzi va byerile leswaku va le Akaya a va ri karhi va tilunghisela ku pfuna ku sukela n'wexemu. Kutani ku chivirika ka n'wina ku nyikile lavo tala va vona ematimba.

2 Vakorinto 8:24

Loko swi ri tano, va kombeni swi vonaka erivaleni, emahlweni ka tikereke, leswaku ma va rhandza, ni leswaku a hi hoxi loko hi tidzunisa ha n'wina.

2 Vakorinto 8:10

Hikokwalaho, emhakeni leyi, ndzi ta mi komba miehleketo ya mina: N'wexemu hi n'wina a mi ri lavo rhanga lava nga tiyimisela ku pfuna, ni ku swi endla mi swi endlile;

1 Vakorinto 7:25

Hi tlhelo ra lava nga si tekaka kumbe ku tekiwa, a ndzi na xileriso xo huma eka Hosi, kambe ndzi vula ntsena miehleketo ya mina, ndzi ri munhu loyi Hosi yi n'wi endleke ku va wo tshembeka, hi tintswalo ta yona.

1 Vakorinto 7:12

Loko va ri lavan'wana, mina — ku nga ri Hosi — ndzi ri: Loko makwerhu un'wana eHosini a ri ni nsati la nga riki mupfumeri, kutani loko nsati loyi a nkhensa ku ya emahlweni a hanya na yena, nuna wa kona a nga n'wi tshiki;

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Ezekiele 33:31

Va khitikana va ta eka wena, va tshama emahlweni ka wena, vanhu lava va mina. Leswi u swi vulaka, va swi twa kambe a va endli. Hi milomo va ri, va ndzi rhandza ngopfu mina Xikwembu, kambe etimbilwini va anakanya ntsena ku tikumela swa vona.

Yoxuwa 24:14

“Kutani sweswi, chavani HOSI Xikwembu, mi xi tirhela hi ku tinyiketa ni ku tshembeka. Swikwembu leswi vatata wa n'wina va swi tirheleke entsungeni wa nambu wa Yufrata ni le Egipta, hambanani na swona, mi tirhela HOSI Xikwembu.