2 Vakorinto 6:1 - BIBELE Mahungu Lamanene

¹ Hina hi tirhisanaka ni Xikwembu, ha mi khongotela nakambe, hi ri: Leswi mi amukeleke tintswalo ta Xikwembu, mi nga ti tshiki ti wela hansi!

Testamente Leyimpsha Xichangana

¹ Hina hitirhisanaka ni Xikwembu, ha mikhongotela nakambe, hili: Lesvi miyamukeleke timpsalu ta Xikwembu, mingatitshikeni tiwa!

Xitsonga (Bibele)

¹ Sweswi, leswi hi tirhisanaka na Xikwembu, ha mi khongotela leswaku mi nga tshuki mi va lava amukeleke tintswalo ta Xikwembu mi ti endla swahava.

2 Vakorinto 6:1 Referans Kwoze

Vaheveru 12:15

Mi vona leswaku ku nga vi na un'we loyi a tsandzekaka ku kuma minkateko ya Hosi; tivoneleni leswaku ku nga vi na loyi a milaka exikarhi ka n'wina kukota “rimitsu ra ku bava” leri vangaka ku karhateka, ni ku nyamisa lavo tala.

1 Vakorinto 3:9

Hikuva hina hi vatirhi-kuloni eka Xikwembu, n'wina mi nsimu ya Xikwembu, mi yindlu ya Xikwembu.

1 Petro 4:10

Leswi un'wana ni un'wana a nyikiweke nyiko ya yena, tirhisani tinyiko leti mi pfunana ha tona, mi va valanguteri lavanene va tinyiko ta Xikwembu ta tinxaka-xaka.

Vagalatiya 2:21

A ndzi nyenyi tintswalo ta Xikwembu, hikuva loko vanhu va nga endliwa lava lulameke hi mhaka ya ku hlayisa Nawu, swi vula leswaku ku fa ka Kriste a ku pfunanga nchumu.

Vaheveru 12:25

Tivoneleni leswaku mi nga aleli loyi a vulavulaka. Lava aleke ku yingisa mutsundzuxi wa vona laha misaveni, a va ponanga. Hikokwalaho, xana hina hi nga ponisa ku yini, loko hi ala ku yingisa loyi a hi tsundzuxaka a ri ematilweni xana?

Varhoma 12:1

Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.

Vagalatiya 3:4

Xana leswikulu leswi swi mi humeleleke, swi nga va swi hundzukile swa hava ke? Hakunene a swi vanga swa hava!

Timhaka 14:3

Hambiswiritano, vaapostola va xwa kona masiku layo tala, va vulavula va nga chavi nchumu, va titshembele Hosi; yona a yi tiyisa mahungu ya tintswalo ta yona hi ku endla mahlori ni swihlamariso hi mavoko ya vona.

Tito 2:11

Hakunene tintswalo ta Xikwembu ta ku ponisa vanhu hinkwavo, ti humeseriwe erivaleni;

Matewu 23:37

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke ka wena, kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

2 Vakorinto 10:1

Sweswi ke, ndzi mi khongotela hi musa ni vunene bya Kriste, mina Pawulo loyi mi nge ndza soleka loko ndzi ri exikarhi ka n'wina, kasi loko ndzi ri kule na n'wina mi ri ndzi nhenha!

Yeremiya 8:8

“N'wina Vaisraele, xana mi nga vurisa ku yini mi ku: ‘Hina hi tlharihile, ni nawu wa HOSI ha wu hlayisa!’ xana? Yingisani: Vatsari va n'wina va hemba, va le ku tsaleni ka mavunwa.

1 SAMIELE 14:45

Kambe vanhu va ku ka Sawulo: “Xana Yonatani ú fanele ku fa hakunene ke, yena loyi a ha ku ponisaka Israele hi ndlela yo hlamarisa, xana? Sweswo swi nga ka swi nga endleki! Ha tiyisa emahlweni ka HOSI Xikwembu lexi hanyaka, hi ri: A nga ka a nga lahlekeriwi hi nsisi ni wun'we wa yena, hikuva eku lweni ka yena namuntlha, Xikwembu a xi ri na yena.” Kavaloko va lamulerile Yonatani, a pona ku dlawa.

Timhaka 11:23

Loko a fika kona, ni loko a vona leswi tintswalo ta Xikwembu ti tirheke swona, a tsaka; kutani a va khongotela hinkwavo ku namarhela Hosi ni ku yi chivirikela hi mbilu.

1 Vatesalonika 3:5

Hikokwalaho, hi ku vona leswaku a ndzi nga ha koti ku tiyisela, ndzi rhumerile rito, leswaku ndzi ta twa ta ku pfumela ka n'wina; a ndzi chava leswaku kumbexana muringi a nga va a mi ringile, ni leswaku ku tikarhata ka hina ku nga va ku hundzukile swa hava.

Vaheveru 4:1

Hikokwalaho, loko xitshembiso xa ku nghena eku wiseni ka Xikwembu xa ha ri kona, a hi chaveni leswaku kumbe un'wana wa n'wina a nga tshuka a kumiwa a tsandzekile ku fika kona.