2 Vakorinto 3:5 - BIBELE Mahungu Lamanene

⁵ Hina hi hexe a hi na matimba yo tirha ntirho lowu; hi nga ka hi nga vuli leswaku hi na lexi xi humaka eka hina, kambe matimba ya hina ma huma eka Xikwembu.

Testamente Leyimpsha Xichangana

⁵ Hina hi hexe ahi na matimba yotirha ntirho lowu; hingakala hingahlayi lesvaku hi ni lexi xihumaka ka hina, kambe matimba ya hina mahuma ka Xikwembu.

Xitsonga (Bibele)

⁵ swi nga ri leswaku hi tiva hi ri sweru ku ringanyeta mhaka leyi nga huma eka hina,

2 Vakorinto 3:5 Referans Kwoze

2 Vakorinto 12:9

Kambe Hosi yi te ka mina: “Tintswalo ta mina eka wena ti ringene; hikuva matimba ya mina ma hetiseka laha ku nga ni ku tsana kona.” Hikokwalaho ndzi ta tsaka ngopfu ku tidzunisa hi ta ku tsana ka mina, leswaku matimba ya Kriste ma ta aka eka mina.

Vafilipiya 4:13

Ndzi nga endla hinkwaswo hi matimba ya Loyi a ndzi tiyisaka.

1 Vakorinto 15:10

Kambe ndzi leswi ndzi nga swona hi tintswalo ta Xikwembu, kutani tintswalo ta kona, leti Xikwembu xi ndzi kombeke tona, a ti welanga ehansi. Ntiyiso wa kona hileswaku ndzi tirhile ngopfu ku va tlula hinkwavo; hambiswiritano, a ku tirhanga mina, kambe ku tirhile tintswalo ta Xikwembu leti ndzi nga kombiwa tona.

Vafilipiya 2:13

hikuva i Xikwembu lexi tirhaka eka n'wina, lexi endlaka leswaku mi tsakela ni ku yingisa ku rhandza ka xona.

Yohane 15:5

Hi mina nsinya wa vhinya; n'wina mi marhavi. Loyi a tshamaka eka mina, kukota leswi na mina ndzi tshamaka eka yena, ú veka mihandzu yo tala; hikuva handle ka mina mi nga ka mi nga koti ku endla nchumu.

Yakobo 1:17

Nyiko yin'wana ni yin'wana leyo saseka ni minkateko hinkwayo leyi hetisekeke, swi ta hi le henhla, swi xika hi le ka Muvumbi wa leswi voningaka, loyi ku nga hava ku hundzuka-hundzuka eka yena, kumbe ku fularhela munhu a sala exinyamini.

1 Vakorinto 3:6

Mina ndzi byarile, Apolosi ú cheletile; kambe Xikwembu hi xona xi miriseke.

Luka 21:15

hikuva mina ndzi ta mi nyika marito ya vutlhari lawa valala va n'wina hinkwavo va nga ta tsandzeka ku lwa na wona ni ku ma kaneta.

2 Vakorinto 4:7

Kambe hina hi nyikiweke ku rhwala xuma lexi, hi fana ni timbita ta vumba; swi komba leswaku matimba lamakulu lawa, lama tlulaka hinkwaswo, ma huma eka Xikwembu, a ma humi eka hina.

1 Vakorinto 3:10

Hi tinyiko leti Xikwembu xi ndzi aveleke tona, mina ndzi vekile masungulo kukota muaki lowo tlhariha; sweswi un'wana ú aka ehenhla ka wona. Munhu un'wana ni un'wana a a ake ehenhla ka wona hi ku xiyaxiya.

2 Vakorinto 2:16

eka lava lovaka i risema ra rifu; kambe eka lava ponisiwaka, i ku nun'hwela ka vutomi. Xana i mani loyi a faneriwaka hi ntirho hinkwawo lowu ke?

Luka 24:49

Loko a ri mina, ndzi ta mi rhumela leswi Tata wa mina a mi tshembiseke swona. Kambe n'wina tshamani kwala mutini, ku fikela loko mi funengetiwa hi matimba ya le henhla.”

Genesa 41:16

Yosefa a ku ka Faro: “We hosi Faro, a hi mina ndzi nga ta ku nyika nhlamuselo yo twala, kambe i Xikwembu.”

2 TIKRONIKA 30:12

Etikweni ra Yuda, HOSI Xikwembu xi tirha hi matimba etimbilwini ta vanhu, va twanana ku yingisa rito ra xona, va endla leswi hosi Hezekiya ni tindhuna ta yena va leriseke swona.

Varhoma 15:18

hikuva ndzi nga ka ndzi nga tiyi nhlana ku vula nchumu, ehandle ka leswi Kriste a nga swi endla ha mina, ku tisa vamatiko eku yingiseni, hi marito ni mintirho,

2 Timotiya 2:2

Kutani leswi u swi tweke eka mina emahlweni ka timbhoni leto tala, swi hundzisele eka vanhu lavo tshembeka, lava na vona va nga ta kota ku dyondzisa van'wana.