2 Vakorinto 13:5 - BIBELE Mahungu Lamanene

⁵ Yanani emahlweni mi tikamba, ku vona loko ma ha ri eku pfumeleni. Tianakanyeni! Xana a mi swi voni leswaku Yesu Kriste ú le ka n'wina xana? Nkarhi wun'wana, mi nga tsa ndzeka ku tianakanya!

Testamente Leyimpsha Xichangana

⁵ Yanani mahlweni mitikamba, kuvona loko mahali kupfumeleni. Tiyanakanyeni! Xana amisvivoni lesvaku Yesu Kriste a le ka n'wina ke? Nkama wun'wana, mingatsandzeka kutiyanakanya!

Xitsonga (Bibele)

⁵ Tianakanyeni mi ri n'wina, mi ta vona loko mi ri eku pfumeleni; tikambeleni mi ri n'wina, a mi swi anakanyi leswaku Yesu Kriste u le ka n'wina xana? Loko swi nga ri leswaku kumbexana mi ri lava nga tiki amukeriwaka.

2 Vakorinto 13:5 Referans Kwoze

Swirilo 3:40

A hi tikambeni, hi xiyaxiya tindlela ta hina, kutani hi tlhelela eka HOSI Xikwembu.

1 Vakorinto 11:28

Munhu ú fanele ku rhanga hi ku tikamba, ku va kona a nga ta dya xinkwa lexi ni ku nwela exinwelweni lexi;

1 Vakorinto 9:27

kambe ndzi xanisa miri wa mina, ndzi wu endla hlonga, leswaku ndzi nga kumeki ndzi ri la tsandzekaka, endzhaku ka loko mina ndzi ta va ndzi dyondzisile van'wana.

Nhlavutelo 2:5

Hikokwalaho ke, anakanya laha u nga suka u ri kona loko u wa, kutani hundzuka u vuyela emintirhweni leyi a wu yi endla eku sunguleni. Loko swi nga ri tano, ndzi ta ta eka wena, ndzi ta susa xitlhoma-timboni xa wena laha xi nga kona, loko u nga hundzuki.

Vagalatiya 6:4

Un'wana ni un'wana a a kambisise ntirho wa yena, ku ri kona laha a nga kotaka ku tidzunisa hi swa yena, ku nga ri hi swa un'wana;

Vaheveru 12:15

Mi vona leswaku ku nga vi na un'we loyi a tsandzekaka ku kuma minkateko ya Hosi; tivoneleni leswaku ku nga vi na loyi a milaka exikarhi ka n'wina kukota “rimitsu ra ku bava” leri vangaka ku karhateka, ni ku nyamisa lavo tala.

1 Vakorinto 11:31

Loko onge ha tikambisisa, a hi nga ta avanyisiwa;

Tito 1:16

Hi milomo ya vona, va vula leswaku va tiva Xikwembu, kambe hi mintirho ya vona va xi landzula. Va nyangatsa, va ala ku yingisa, a va koti ku endla ntirho ni wun'we lowunene.

Vagalatiya 2:20

hikokwalaho, a nga ha ri mina la hanyaka, kambe i Kriste la hanyaka eka mina. Sweswi, loko ndzi hanya emirini, ndzi hanya hi ku pfumela, ku nga ku pfumela eka N'wana wa Xikwembu loyi a ndzi rhandzeke, a va a tinyiketa hikwalaho ka mina.

Yohane 14:23

Yesu a n'wi hlamula, a ku: “Loko munhu a ndzi rhandza, ú ta hlayisa rito ra mina, kutani Tata wa mina ú ta n'wi rhandza, kutani hi ta ta eka yena, hi tshama na yena.

Pisalema 26:2

We HOSI, ndzi kambele u ndzi xiyaxiya, kambela leswi nga mbilwini ya mina ni le miehleketweni ya mina.

Varhoma 8:10

Kambe loko Kriste a ri ka n'wina, hambiloko miri wa n'wina wu file hi mhaka ya ku dyoha, Moya i vutomi eka n'wina hi mhaka ya leswi mi nga endliwa lava lulameke hi Xikwembu.

Pisalema 119:59

Ndzi xiyaxiyile tindlela ta mina, kutani ndzi hundzulukile ndzi landzelela switsundzuxo swa wena.

Hagayi 1:7

“Hikokwalaho, mina HOSI ya matimba hinkwawo ndzi vurisa sweswo ndzi ri, tikambeni mi xiyisisa leswi humelelaka evuton'wini bya n'wina.

Vaheveru 4:1

Hikokwalaho, loko xitshembiso xa ku nghena eku wiseni ka Xikwembu xa ha ri kona, a hi chaveni leswaku kumbe un'wana wa n'wina a nga tshuka a kumiwa a tsandzekile ku fika kona.

1 Vakorinto 9:24

Xana a mi swi tivi leswaku, hambiloko lava phikisanaka hi ku tsutsuma erivaleni ra mintlangu va tsutsuma hinkwavo, la kumaka hakelo i un'we ntsena ke? Tsutsumani hi mukhuva lowu wu nga ta mi pfuna ku yi kuma.

1 Vakorinto 3:16

Xana a mi tivi leswaku mi tempele ya Xikwembu, ni leswaku Moya wa Xikwembu wu akile eka n'wina xana?

Hagayi 1:5

Hikokwalaho, mina HOSI ya matimba hinkwawo ndzi ri, tikambeni mi xiyisisa leswi humelelaka evuton'wini bya n'wina.

Yohane 15:4

Tshamani eka mina, kukotisa leswi na mina ndzi tshamaka eka n'wina. Tanihi leswi rhavi ri nga kotiki ku veka ha roxe loko ri nga namarheli nsinya, na n'wina mi nge swi koti loko mi nga ndzi namarheli.

Pisalema 17:3

U ndzi endzerile nivusiku, ku ta xiya mbilu ya mina, ni ku ndzi kambisisa, kambe a wu kumanga nchumu xa tingana;

Tito 2:2

Byela vavanuna lava kuleke leswaku va fanele ku dya va pima, va va ni ndzhuti, va kota ku tikhoma, va tiya swinene eku pfumeleni, ne rirhandzwini, ne ku chivirikeni.

Vaefesa 3:17

ni leswaku Kriste a aka etimbilwini ta n'wina hi ku pfumela. Ndzi khongela leswaku mi mila timitsu erirhandzwini ni ku veka masungulo ya n'wina ehenhla ka rona,

Yohane 17:26

Ndzi ku tivisile eka vona; ndza ha ta ku tivisa, leswaku rirhandzu leri u ndzi rhandzeke ha rona, ri va ka vona, na mina ndzi va ka vona.”

Yohane 17:23

Mina eka vona, na wena eka mina, leswaku va endliwa lava hetisekeke, va kondza va va un'we, kutani misava yi ta tiva leswaku u ndzi rhumile, ni leswaku u va rhandzile ku fana ni leswi u ndzi rhandziseke xiswona.

Yakobo 4:4

Vanhu ndzin'wina lava nga tshembekiki, xana a mi swi tivi leswaku ku rhandza swa misava swi vula ku lwa na Xikwembu xana? Hikokwalaho, loyi a tinyiketaka eku rhandzeni ka swa misava, ú tiendla nala wa Xikwembu.

Vakolosa 2:7

mi dzimile timitsu ni ku veka masungulo ya n'wina eka yena; tiyani eku pfumeleni, hilaha mi dyondzisiweke hakona, mi ri karhi mi nkhensa kambe na kambe.

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Vakolosa 1:23

Kambe mi fanele ku tiya eku pfumeleni, mi yimile emasungulweni ya kona mi nga tsekatseki, mi nga hambani ni ku tshemba loku mi ku kumeke hi ku twa Evhangeli; Evhangeli leyi yi twarisiwile eka swivumbiwa hinkwaswo leswi nge hansi ka tilo, kutani mina Pawulo, ndzi endliwile nandza wa yona.

Vagalatiya 4:19

Vana vanga, ku fana na manana la nga kusuhi na ku veleka n'wana, ndzi twa ku vava nakambe hikwalaho ka n'wina, ku fikela loko xivumbeko xa Kriste xi vonaka exikarhi ka n'wina ...

2 Vakorinto 6:16

Tempele ya Xikwembu yi ni vunakulobye byihi ni swikwembu swa hava ke? Hikuva tempele ya Xikwembu lexi hanyaka hi hina, kukotisa leswi Xikwembu xi nga te: “Ndzi ta aka na vona, ndzi famba-famba exikarhi ka vona, ndzi ta va Xikwembu xa vona, kutani vona va ta va tiko ra mina.”

1 Vakorinto 6:19

Xana a mi swi tivi leswaku miri wa n'wina i tempele ya Moya lowo Kwetsima lowu mi nga na wona, lowu Xikwembu xi mi nyikeke wona, ni leswaku a mi tifumi, xana?

1 Vakorinto 6:2

Xana a mi tivi leswaku vahlawuriwa va Xikwembu va ta avanyisa misava xana? Kutani loko misava yi avanyisiwa hi n'wina, xana a swi mi lulamelanga ku avanyisa mitengonyana leyitsongo xana?

Yohane 6:56

Loyi a dyaka nyama ya nga ni ku nwa ngati ya nga, ú tshama eka mina, na mina ndzi tshama eka yena.

Yohane 6:6

(A a vula sweswo ku ri ku n'wi ringa, hikuva yena n'winyi a a tiva leswi a nga ta swi endla.)

1 Petro 5:9

N'wi aleleni, mi tiya eku pfumeleni ka n'wina, hi ku tiva leswaku vamakwenu emisaveni hinkwayo va hlangana ni maxangu yo fana ni lawa ni nga na wona.

Vaheveru 6:8

Kambe loko yi mirisa mitwa ni swigatlu, a yi pfuni nchumu, kutani yi le kusuhi ni ku rhukaniwa; makumu ka yona i ku tshwa.

Ezekiele 18:28

Leswi a nga tikamba, kutani a hambana ni mintirho ya yena hinkwayo leyo homboloka, hakunene ú ta kuma ku hanya, a nga ka a nga fi.

1 Vakorinto 6:15

Xana a mi tivi leswaku, hi miri wa n'wina, mi swirho swa miri wa Kriste ke? Xana ndzi nga teka swirho swa miri wa Kriste, ndzi swi endla swirho swa nghwavava xana? E-e, nikutsongo!

Varhoma 1:28

Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.

Tito 1:13

Kunene leswi a swi vuleke swi tiyile. Hikokwalaho wena u fanele ku va tshinya hi matimba, leswaku va ta va ni ku pfumela loku hanyaka,

2 Timotiya 3:8

Vanhu lava va kaneta ntiyiso, ku fana na Yani na Yambri, lava nga kanetana na Muxe. I vanhu lava boleke miehleketo, i vapfumeri va nomo ntsena.

1 Timotiya 2:15

Hambiswiritano, wansati ú ta ponisiwa hileswi a velekaka vana, loko a tiyisela eku pfumeleni ne rirhandzwini ne ku tengeni, a ri na ku tikhoma.

Vakolosa 2:19

munhu wo tano a nga namarheli Nhloko, leyi ha yona miri hinkwawo wu phameriwaka ni ku hlanganisiwa swinene, hi misiha ni tinyama ta wona, kutani wu kula hi ku kula loku humaka eka Xikwembu.

Yeremiya 6:30

Vanhu va mina va ta vuriwa silivhere ya thyaka, leyi cukumetiweke, hikuva mina HOSI ndzi va cukumetile.”