2 Vakorinto 1:4 - BIBELE Mahungu Lamanene

⁴ xa hi chavelela emaxangwini hinkwawo ya hina; hikokwalaho, na hina hi kota ku chavelela lava nge maxangwini ya tinxaka-xaka, hi va chavelela hi ku chavelela loku na hina hi nyikiweke kona hi Xikwembu.

Testamente Leyimpsha Xichangana

⁴ xahichavelela maxangwini hinkwawu ya hina; hi kolaho, na hina hikota kuchavelela lavanga maxangwini ya tinxakaxaka, hivachavelela hi kuchavelela loku na hina hinyikiweke kona hi Xikwembu.

Xitsonga (Bibele)

⁴ lexi hi chavelelaka emakhombyeni hinkwawo ya hina, leswaku lava nga emakhombyeni, hambi ma ri wahi ni wahi, hi ta tiva ku va chavelela hi ku chavelela loku na hina hi chaveleriwaka hakona hi Xikwembu;

2 Vakorinto 1:4 Referans Kwoze

1 Vatesalonika 5:11

Hikokwalaho, tiyisanani mi akisana, hilaha mi swi endlaka hakona nisweswi.

Esaya 51:12

HOSI Xikwembu xi ri: “Mina hi xiviri, hi mina ndzi mi tiyisaka, kutani hikwalaho ka yini mi chava munhu, loyi a ngo va xivumbiwa lexi faka, lexi nga hambanangiki ni byanyi, xana?

Esaya 40:1

Xikwembu xa n'wina xi ri: “Khongotelani vanhu va mina, va khongoteleni!

Pisalema 32:7

We HOSI, ndzi tumbela eka wena, u ndzi sirhelela emakhombyeni; leswi u ndzi sirheleleke ni ku ndzi lwela, ndzi ta ba nkulungwana wa ntsako.

Vaheveru 12:12

Hikokwalaho, tiyisani mavoko ya n'wina lama debyaka, ni matsolo ya n'wina lama gudlaka.

Yohane 14:18

“A ndzi nga mi siyi mi ri swisiwana; ndzi ta ta eka n'wina.

Yohane 14:16

Ndzi ta kombela Tatana, kutani yena ú ta mi nyika Muchaveleri un'wana, loyi a nga ta va na n'wina hilaha ku nga heriki,

Esaya 12:1

Eminkarhini yoleyo, munhu ú ta yimbelela a ku: “Ndza ku tlangela, we HOSI, hikuva hambileswi a wu ndzi hlundzukerile, sweswi vukari bya wena byi rhelerile, u tlhela u ndzi khongotela.

Yohane 14:26

Kambe Muyimeri, a nga Moya lowo Kwetsima lowu Tatana a nga ta wu rhuma hi vito ra mina, ú ta mi dyondzisa hinkwaswo, ni ku mi tsundzuxa hinkwaswo leswi ndzi mi byeleke swona.

Esaya 52:9

N'wina marhumbi ya Yerusalema, sumani tinsimu mi yimbelela, hikuva HOSI Xikwembu xi kutsurile muti wa Yerusalema, xi tiyisa vanhu va xona.

Pisalema 32:5

Kutani ndzi boxile ku dyoha ka mina, a ndzi ku fihlelanga ku homboloka ka mina. Ndzi vurile ndzi ku: “Ndzi ta tisola eka HOSI, ndzi vula nandzu wa mina.” Kutani we HOSI, u ndzi rhurile ndzhwalo wa swidyoho swa mina.

1 Vatesalonika 4:18

Hikokwalaho mi fanele ku tiyisana hi marito wolawo.

2 Vakorinto 7:13

Hi swona leswi swi hi tiyisaka. Kambe, ku engetela ku tiyisiwa ka hina, hi tsakisiwile ngopfu-ngopfu hi ku tsaka ka Tito, hikuva ú kumile matimba lamantshwa emoyeni hikwalaho ka n'wina hinkwenu.

Esaya 51:3

“Muti wa Yerusalema, ndzi ta wu tiyisa mina HOSI, vanhu hinkwavo lava tshamaka emarhumbini ya wona, ndzi ta va twela vusiwana. Tindhawu ta wona leti hundzukeke mananga, ndzi ta ti hundzula ti fana ni ntanga wa Edeni; lomu ku omeke, ku ta fana ni ntanga wa mina. Muti lowu wu ta tala hi ntsako ni minkhuvo, eka wona ku ta twala minkulungwana ni tinsimu ta ku nkhensa.

Pisalema 86:17

Ndzi nyike xikombiso xa leswaku wa ndzi tsakela, kutani lava va ndzi vengaka va ta khoma hi tingana loko va swi vona, hikuva wena HOSI u ta va u ndzi pfunile, u ndzi tiyisa.

Pisalema 66:16

N'wina hinkwenu lava chavaka Xikwembu, tanani mi ta twa, ndzi mi byela leswi xi ndzi endleleke swona.

Esaya 49:10

A va nga fi hi ndlala kumbe torha, ku hisa ka dyambu a ku nga va dlayi, hikuva loyi a va twelaka vusiwana, ú ta va rhangela, ú ta va fambisa hi lomu ku nga ni swihlovo.

Vafilipiya 1:14

Ku bohiwa ka mina ekhotsweni ku endlile leswaku vamakwerhu lavo tala va veka ku tshemba ka vona eka Hosi, va engeta va kanya timbilu ku vula Rito va nga chavi nchumu.

2 Vakorinto 7:4

Ndzi vulavula na n'wina, ndzi ri karhi ndzi mi tshemba ngopfu; ndzi tikurisa ngopfu hi n'wina; ndzi tala hi ku chaveleriwa; emaxangwini hinkwawo ya hina, ndza tsaka ndzi tsakisisa.