2 Vakorinto 1:11 - BIBELE Mahungu Lamanene

¹¹ loko na n'wina mi hi pfuna hi ku hi khongelela, kutani ku ta va ni lavo tala lava nga ta nkhensa Xikwembu hikwalaho ka hina, hi mhaka ya ntirho wa xona wa tintswalo lowu xi hi endleleke wona.

Testamente Leyimpsha Xichangana

¹¹ loko na n'wina mihipfuna hi kuhikhongelela, kutani kutava ni lavotala lavangatakhensa Xikwembu hikolaho ka hina, hi mhaka ya ntirho wa xona wa timpsalu lowu xihiyendleleke wona.

Xitsonga (Bibele)

¹¹ leswaku tintswalo teto hi ti laveleriweke hi vanhu lavo tala, ti ta khensiwa hi lavo tala hikwalaho ka hina.

2 Vakorinto 1:11 Referans Kwoze

Vafilipiya 1:19

hikuva ndzi tiva leswaku leswi hinkwaswo swi ta pfuna leswaku ndzi ntshunxiwa, hikwalaho ka mikhongelo ya n'wina ni ku seketeriwa hi Moya wa Yesu Kriste.

2 Vakorinto 4:15

Hinkwaswo leswi swi endliwile hikwalaho ka n'wina, leswaku loko tintswalo ta Xikwembu ti ri karhi ti andza, ti andzisa ni ntsengo wa lava nga ta nkhensa va vuyelela, eku dzuniseni ka Xikwembu.

Timhaka 12:5

Hikowalaho, Petro a rindziwa a ri ekhotsweni; kambe kereke a yi nga tshiki ku n'wi khongelela eka Xikwembu.

Vakolosa 4:3

na hina mi hi khongelela, leswaku Xikwembu xi hi pfulela nyangwa yo dyondzisa Rito ra xona, leswaku hi ta vula erivaleni xihundla xa Kriste, lexi ndzi nga ekhotsweni hikwalaho ka xona;

Vaheveru 13:18

Hi khongeleleni, hikuva hi titwa swinene leswaku hi ni ripfalo leri tengeke, hi ri karhi hi navela ku endla leswi lulameke minkarhi hinkwayo.

Filemoni 1:22

Naswona, ndzi lunghisele yindlu yo tshama eka yona, hikuva ndzi ni ku tshemba leswaku, hikwalaho ka mikhongelo ya n'wina hinkwenu, ndzi ta tlheriseriwa eka n'wina.

2 Vatesalonika 3:1

Eku heteleleni vamakwerhu, hi kongeleleni, leswaku Mahungu ya Hosi ma hangalaka hi ku hatlisa, ma tsakeriwa, kukotisa leswi ma endliseke swona le ka n'wina.

1 Vatesalonika 5:25

Vamakwerhu, hi khongeleleni na hina.

2 Vakorinto 9:14

Vanhu lava va ta vona vunene lebyo hlamarisa lebyi Xikwembu xi mi endlelaka byona, kutani va ta mi khongelela, hi ku mi navelela leswo saseka etimbilwini ta vona.

Esaya 37:4

Kumbexana HOSI Xikwembu xa wena xi ma twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”