2 Timotiya 4:7 - BIBELE Mahungu Lamanene

⁷ Ndzi lwile nyimpi leyinene, ndzi hetile mpfhuka wa mina wa ku tsutsuma, ndzi hlayisile ku pfumela.

Testamente Leyimpsha Xichangana

⁷ Nilwile nyimpi leyinene, nihetile mpfhuka wa mina wa kutsutsuma, nihlayisile kupfumela.

Xitsonga (Bibele)

⁷ Ndzi lwile ku lwa lokunene, ndzi hetisile ku tsutsuma ka mina, ndzi hlayisile ku pfumela;

2 Timotiya 4:7 Referans Kwoze

1 Timotiya 6:12

Lwana nyimpi leyinene ya ku pfumela; tamela hi mandla mambirhi vutomi lebyi nga heriki, lebyi u nga vitaniwa hikwalaho ka byona ni ku veka vumbhoni lebyinene ehenhla ka byona, emahlweni ka vanhu lavo tala lava nga ku twa.

Timhaka 20:24

Hambiswiritano, ndzi vona leswaku ku lahlekeriwa hi vutomi, a swi na mhaka nikutsongo eka mina, loko ndzi nga kota ntsena ku heta leswi ndzi nga rhumiwa ku endla swona, ni ntirho lowu ndzi wu amukeleke eka Hosi Yesu, wa ku vula Mahungu Lamanene ya tintswalo ta Xikwembu.

Yohane 4:34

Yesu a ku ka vona: “Swakudya swa mina i ku endla ku rhandza ka Loyi a ndzi rhumeke, ni ku heta ntirho wa yena swinene.

Luka 11:28

Yesu a ku: “Ngopfu ku katekile lava yingisaka Rito ra Xikwembu, va vuya va ri hlayisa!”

Nhlavutelo 3:8

Ndzi tiva mintirho ya wena. Vona, ndzi vekile emahlweni ka wena nyangwa leyi pfulekeke, leyi ku nga riki na un'we loyi a kotaka ku yi pfala. Ndza swi tiva leswaku matimba ya wena i matsanana, kambe rito ra mina u ri hlayisile, ni vito ra mina a wu ri landzulanga.

Nhlavutelo 3:10

Leswi u nga hlayisa xileriso xa mina xa leswaku u fanele ku tiyisela, na mina ndzi ta ku sirhelela enkarhini wa ndzingo lowu wu nga ta ta emisaveni hinkwayo, ku ta ringeta vaaki va misava.

Luka 8:15

Timbewu leti nga wela emisaveni leyinene, i vanhu lava yingisaka Rito hi timbilu leto lulama, letinene, va ri hlayisa, va veka mihandzu hi ku tiyisela.

1 Timotiya 6:20

We Timotiya, hlayisa leswi vekiweke emandleni ya wena. Fambela kule ni ku vulavula swa hava leswi nga riki na vukhongeri, ni ku kanetana hi leswi vuriwaka “vutivi”, kasi a hi byona.

2 Timotiya 1:14

Hlayisa xuma lexinene lexi vekiweke emavokweni ya wena, hi ku pfuniwa hi Moya lowo Kwetsima lowu akeke exikarhi ka hina.

1 Timotiya 1:18

Ndzi veka ku khongotela loku emavokweni ya wena, Timotiya n'wananga, hikuva u tsundzuka leswaku ku ni lava nga vhumbha leswi u nga ta va swona; marito lawa a ma ku tiyise, u ta kota ku lwa nyimpi leyinene,

Yohane 17:6

“Ndzi ku tivisile eka vanhu lava u ndzi nyikeke vona va ri lava hlawuriweke emisaveni; a va ri va wena; u ndzi nyikile vona, kutani va hlayisile rito ra wena.

Swivuriso 23:23

Xava ntiyiso, u nga wu xavisi, xava vutlhari, ni swiletelo, ni ku twisisa.

Timhaka 13:25

Kutani loko Yohane a lava ku heta ntirho wa yena, ú te: ‘Xana mi anakanya leswaku ndzi mani ke? A ndzi yena loyi mi n'wi langutelaka; kambe vonani, wa ta endzhaku ka mina loyi swi nga ndzi fanelangiki ku n'wi hluvula tintanghu.’

Vagalatiya 2:2

Ndzi tlhandlukele kona hi ku hlawuteriwa hi Xikwembu. Ndzi vonanile ni vafambisi va kona hi tlhelo, kutani ndzi va anekela Evhangeli leyi ndzi yi twariseke exikarhi ka vamatiko. A ndzi nga lavi leswaku leswi ndzi swi tirheke, ni leswi ndzi swi tirhaka sweswi, swi hundzuka swa hava.

Vafilipiya 1:30

Sweswi, n'wina na mina hi lwa nyimpi yin'we leyi mi ndzi voneke ndzi lwa yona, leyi mi twaka leswaku ndza ha lwa yona nisweswi.

2 Timotiya 3:10

Sweswi ke, u landzelerile ku dyondzisa ka mina ni mahanyelo ya mina, makungu ya vutomi bya mina ni vupfumeri bya mina, ku leha ka mbilu ya mina, ni rirhandzu ra mina ni ku tiyisela ka mina.

Nhlavutelo 6:11

Kutani un'wana ni un'wana wa vona a nyikiwa nguvu yo leha leyo basa; va byeriwa ku ya emahlweni ni ku wisa nkarhinyana kambe, ku ko ku hetiseka ntsengo wa malandza-kulobye ni wa vamakwavo, lava va nga ta dlawa ku fana na vona.

Tinhlayo 8:25

Kambe loko va fika eka malembe ya 50, va ta fanela ku tshika ku tirha mintirho ya kona.

Vaavanyisi 3:2

Xikongomelo a ku ri ntsena ku dyondzisa lavantshwa va Vaisraele malwele ya nyimpi ni leswaku lava a va nga si tshama va vona nyimpi va ta yi tiva.