2 Timotiya 4:3 - BIBELE Mahungu Lamanene

³ Hikuva nkarhi wa ta, lowu vanhu va nga ta ka va nga amukeli dyondzo leyi nga yona ya xiviri; kambe leswi tindleve ta vona ti hlohlonyaka, va ta tihlengeletela vadyondzisi lava nga ta va dyondzisa leswi va swi tsakelaka.

Testamente Leyimpsha Xichangana

³ Hikuva nkama wata, lowu vanhu vangatakala vangayamukeli jondzo leyinga yona ya ntiyiso; kambe lesvi tindleve ta vona tinwayisaka, vatatihlengeletela vajondzisi lavangatavajondzisa lesvi vasvitsakelaka.

Xitsonga (Bibele)

³ Hikuva ku ta humelela nkarhi lowu vanhu va nga taka va nga yingiseri dyondzo leyi hanyisaka; kambe hi ku navela ka vona, va ta tihlengeletela vafundhisi, va ri karhi va tiphumunha tindleve,

2 Timotiya 4:3 Referans Kwoze

1 Timotiya 1:10

ni vaoswi, ni vavanuna lava endlaka swa tingana ni vavanuna-kulobye, ni lava yivaka vanhu, ni vahembi, ni va milomo mimbirhi, ni lava endlaka hinkwaswo leswi hambaneke ni dyondzo leyi nga yona ya xiviri.

Vagalatiya 4:16

Xana sweswi ndzi hundzukile nala wa n'wina hi ku mi byela ntiyiso ke?

Yeremiya 5:31

Vaprofeta va vulavula mavunwa, vaprista va fuma vanhu hi ku rhandza; kutani vanhu va ka hina va tsakela sweswo, kambe loko siku ra makumu ri ta fika, mi ta endla yini xana?

Luka 6:26

“Mi ni khombo n'wina loko vanhu hinkwavo va mi dzunisa, hikuva vatata wa vona va endlisile sweswo eka vaprofeta va mavunwa.

Mikiya 2:11

Loko ko tshuka ku humelela munhu wo jamuka ni ku hemba, a ku: ‘Ndzi ta mi dyondzisa hi ta vhinyo ni byalwa!’ munhu wo tano, mi ta n'wi tsakela ngopfu.

Yohane 8:45

Kambe mina ndzi vulavula ntiyiso, kutani hi swo swi endlaka leswaku mi nga ndzi pfumeli.

1 TIHOSI 18:22

Eliya a engeta a ku: “Eka vaprofeta va HOSI Xikwembu, ku lo sala mina ntsena, kasi vaprofeta va Baali i vavanuna va 450.

1 Vakorinto 2:1

Hikokwalaho vamakwerhu, mina loko ndzi tile eka n'wina, a ndzi tanga hi ku tiendla la hlamarisaka hi ku vulavula kumbe hi vutlhari, siku ndzi mi tiviseke xihundla xa makungu ya Xikwembu;

Timhaka 17:21

(Vaatena hinkwavo, ni vanhu va matiko man'wana lava endzeke ka vona, a va nga tirhi nchumu, loko ku nga ri ku rungulelana timhaka, kumbe ku yingisa tin'wana leta ha ku humelelaka.)

Yeremiya 29:8

Hakunene HOSI ya matimba hinkwawo Xikwembu xa Israele xi vurisa sweswo xi ri: ‘Mi nga tshuki mi pfumela ku xisiwa hi vaprofeta va n'wina ni vangoma lava nga xikarhi ka n'wina; mi nga tshuki mi yingisa ni lava va mi byelaka milorho ya vona,

Esaya 28:12

xi va byerile xi ku: “Tshamani mi wisa, lava karheleke, va tshikeni va wisa, hikuva lowu i nkarhi wo koka moya.” Kambe a va xi yingisanga.

Yeremiya 27:9

Loko mi ri n'wina, mi nga tshuki mi yingisa vaprofeta va n'wina; mi nga yingisi vangoma va n'wina, ni lava va mi byelaka milorho ya vona, ni lava va vutisaka timhaka ta n'wina eka swikwembu, ni lava va mi fembaka. Vanhu lava va mi tivisa leswaku a mi nga sindzisiwi ku tirhela hosi ya Babilona,

Yeremiya 18:18

Kutani vanhu va byelana va ku: “Tanani hi endla makungu ya ku lwa na Yeremiya. Vaprista lava nga ta hi byela nawu, va ha ta va kona; vanhu vo tlhariha lava nga ta hi tsundzuxa, hambi vaprofeta lava nga ta hi byela mahungu, na vona va ha ta va kona! Tanani hi n'wi tlhava hi marito, hi nga yingisi nchumu eka leswi a swi vulaka.”

1 Vakorinto 2:4

A ndzi tirhisanga marito lama khorwisaka ya vutlhari, eku vulavuleni ka mina ni loko ndzi twarisa Rito. Kambe ndzi vekile xikombiso xa Moya ni xa matimba ya Xikwembu,

Luka 20:19

Kutani vaprista lavakulu ni vatsari a va navela ku n'wi khoma enkarhini wolowo, hikuva a va swi vonile leswaku a a vula vona hi xifaniso lexi, kambe a va chava ntshungu.

1 TIHOSI 22:18

Hosi ya Israele yi ku ka Yoxafati: “Ndzi ku byerile leswaku munhu loyi a nga ka a nga ndzi vhumbheli leswo saseka; wo ndzi vhumbhela leswo biha ntsena!”

1 TIHOSI 22:8

Kutani hosi ya Israele yi hlamula Yoxafati yi ku: “Ina, ka ha ri ni munhu un'we, loyi hi nga vutisaka eka yena leswaku HOSI Xikwembu xi ri yini eka swona; i Mikaya n'wana Imila. Kambe mina ndza n'wi venga hikuva a nga ndzi vhumbheli nchumu xo saseka, wo ndzi byela leswo biha ntsena minkarhi hinkwayo.” Yoxafati a ku: “Hayi, a hi wena hosi u fanelaka ku vulavurisa sweswo!”

Eksoda 32:33

Kambe HOSI Xikwembu xi ku ka Muxe: “Ebukwini ya mina, ndzi ta sula ntsena vito ra loyi a ndzi dyoheleke.

Esaya 30:10

Va byela vamavonakule, va ku: ‘Mi nga ha vhumbhi nchumu.’ Va byela ni vaprofeta, va ku: ‘Mi nga ha hi byeli ntiyiso, kambe hi byeleni leswi nga ta hi tsakisa, leswi hi navelaka ku twa swona ntsena;

2 Timotiya 1:13

Landza ntila wa marito lama tiyeke ya xiviri, lawa u ma tweke eka mina, eku pfumeleni ne rirhandzwini leri nga ka Kriste Yesu.

Yuda 1:18

va mi byerile va ku: “Eminkarhini leyo hetelela, ku ta humelela vasandzi lava susumetiwaka hi ku navela ka vona loko biha va nga chavi Xikwembu.”