2 Timotiya 4:10 - BIBELE Mahungu Lamanene

¹⁰ Hikuva Demasi, hi ku rhandza ngopfu swa misava leyi, ú ndzi balekerile a ya eTesalonika. Kreskene ú yile eGalatiya, na Tito ú yile eDalamatiya.

Testamente Leyimpsha Xichangana

¹⁰ Hikuva Demasi, hi kurhandza ngopfu sva misava leyi, anibalekile aya Thesalonika. Kreskene ayile Galatiya, na Tito ayile Dalmasiya.

Xitsonga (Bibele)

¹⁰ hikuva Demasi u ndzi siyile hi ku rhandza swa nkarhi wa sweswi, kutani u tifambele eTesalonika; Kreskene u yile eGalatiya, na Tito u yile eDalamatiya;

2 Timotiya 4:10 Referans Kwoze

2 Timotiya 1:15

Wa swi tiva leswaku hinkwavo lava nga le tikweni ra Asiya va ndzi fularhele, kutani exikarhi ka vona ku na Figelo na Hermogene.

2 Vakorinto 2:13

Kambe a ndzi nga ntshunxekanga emoyeni, hikuva Tito makwerhu a ndzi n'wi kumanga; hikokwalaho, ndzi va lerile, kutani ndzi hundzela eMakedoniya.

Timhaka 16:6

Vaapostola va tsemakanya matiko ya Firigiya ni ya Galatiya, kutani Moya lowo Kwetsima wu va sivela ku ya vula Rito etikweni ra Asiya.

Filemoni 1:24

swi tano na Marka, na Aristarko, na Demasi, na Luka, va nga vatirhi-kulorhi: Na vona va ku rungula.

2 Timotiya 4:16

Eku sunguleni ka ku tihlamulela ka mina ehubyeni, ku pfumalekile ni un'we wo yima na mina; hinkwavo va ndzi balekerile. Ingi va nga vekiwi nandzu eka swona.

Vafilipiya 2:21

Lavan'wana hinkwavo va chivirikela ntsena leswi nga swa vona, ku nga ri swa Yesu Kriste.

2 Vakorinto 7:6

Kambe Xikwembu lexi chavelelaka lava heleke matimba, xi ndzi chavelerile hi ku fika ka Tito;

Timhaka 17:11

Vona va tlurisa Vatesalonika hi mafundzha, va amukela Rito hi ku nkhensa lokukulu, va kambisisa Matsalwa masiku hinkwawo, va lava ku tiva leswaku xana timhaka ti tano xana.

Timhaka 17:1

Pawulo na Silasi va famba hi ndlela leyi hundzaka hi le Amfipoli ni le Apoloniya, va fika eTesalonika, laha a ku ri ni sinagoga ra Vayuda.

2 Petro 2:15

Va tshikile ndlela leyinene, va landza ntila wa Balaama n'wana Beyori, loyi a rhandzeke bindzu hi ku endla leswo homboloka.

Tito 1:4

Ndzi tsalela Tito, n'wananga wa xiviri, eku pfumeleni loku hi nga na kona swin'we, ndzi ri: Tintswalo ni ku rhula, a swi ve na wena, swi huma eka Xikwembu Tatana, ni ka Kriste Yesu muponisi wa hina!

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

1 Timotiya 6:10

Hikuva ku rhandza ngopfu mali i rimitsu ra leswo biha hinkwaswo; hi yo mhaka ya ku navela mali ngopfu leyi yi nga hambukisa van'wana, va tshika vupfumeri, kutani timbilu ta vona ti ngheniwa hi mivilelo leyo tala.

Vagalatiya 1:2

ndzi tsala ndzi ri ni vamakwerhu hinkwavo lava nga na mina haleno, hi tsalela tikereke ta Galatiya, hi ri:

2 Vakorinto 8:16

A ku nkhensiwe Xikwembu lexi endlaka leswaku Tito a hiseka ku fana na hina ku mi pfuna.

2 Vakorinto 8:6

Hikokwalaho hi khongoterile Tito, la sunguleke ntirho wolowo, ku ya emahlweni na wona, a mi pfuna ku hetisa nyiko leyi ya tintswalo.

Timhaka 18:23

A tshama nkarhinyana kona, kutani a suka, a rhendzeleka hinkwako ematikweni ya Galatiya ni ya Frigiya, a ri karhi a tiyisa vadyondzisiwa hinkwavo.

Timhaka 17:13

Kambe loko Vayuda va le Tesalonika va twa leswaku rito ra Xikwembu ri vuriwile hi Pawulo ni le Beriya, va ya kona, va kanakanisa ni ku pfilunganya mintshungu.

Timhaka 15:38

Kambe Pawulo a vona leswaku swi ta va swi hoxekile loko va famba na munhu loyi, hikuva a a hambene na vona ePamfiliya, a nga yanga na vona entirhweni.

Timhaka 13:13

Pawulo ni lava a va ri na yena, va suka ePafo hi ngalava, va pelela le Perge, muti wa Pamfiliya. Kambe Yohane a hambana na vona, a tlhelela eYerusalema.

Luka 17:32

Tsundzukani ta nsati wa Lota.

Luka 16:13

“A ku na nandza loyi a nga kotaka ku tirhela tihosi timbirhi, hikuva ú ta venga yin'wana, a rhandza leyin'wana; kumbe ú ta namarhela yin'wana a fularhela leyin'wana. Mi nge koti ku tirhela Xikwembu ni rifuwo ra misava leyi.”

Luka 14:33

Kutani ke un'wana ni un'wana exikarhi ka n'wina la nga tshikiki leswi a nga na swona, a nga ka a nga koti ku va mudyondzisiwa wa mina.

Matewu 26:56

Hambiswiritano, swilo leswi hinkwaswo swi humelerile leswaku ku hetiseka leswi tsariweke hi vaprofeta.” Hiloko vadyondzisiwa hinkwavo va n'wi siya, va tsutsuma.

Matewu 12:32

un'wana ni un'wana la nga ta dyohela N'wana-wa-Munhu hi ku n'wi sandza, ú ta rivaleriwa; kambe la nga ta dyohela Moya lowo Kwetsima hi ku wu sandza, a nga ka a nga rivaleriwi, hambi ku ri enkarhini wa sweswi, hambi ku ri enkarhini lowu taka.

2 Vakorinto 8:23

Loko a ri Tito, i nakulorhi ni loyi ndzi tirhisanaka na yena ku mi pfuna; loko va ri vamakwerhu lavan'wana, i varhumiwa va tikereke, lava Kriste a chavisekaka hi mhaka ya vona.