2 Timotiya 3:11 - BIBELE Mahungu Lamanene

¹¹ U vonile ku xanisiwa ka mina ni maxangu ya mina; u tiva hinkwaswo leswi swi ndzi humeleleke le Antiyoka ni le Ikoniya ni le Listra, ni ku xaniseka lokukulu loku ndzi ku voneke. Hambiswiritano, Hosi yi ndzi lamulerile emaxangwini lawa hinkwawo.

Testamente Leyimpsha Xichangana

¹¹ Uvonile kuxanisiwa ka mina ni mahlomulu ya mina; utiva hinkwasvu lesvi svinihumeleleke le Antiyoka ni le Ikoniya ni le Listra, ni kuxaniseka lokukulu loku nikuvoneke. Hambi svilitano, Hosi yinilamulelile kuxanisekeni loku hinkwaku.

Xitsonga (Bibele)

¹¹ ni le ku xanisekeni, ni le makhombyeni lama ndzi humeleleke eAntiyoka, ni le Ikoniya, ni le Listra; kunene ndzi rhwarile ku vaviseka loku, kutani Hosi yi ndzi lwele eka hinkwaswo.

2 Timotiya 3:11 Referans Kwoze

Pisalema 34:19

Munhu wo lulama u hlangana ni miringo leyo tala, kambe HOSI Xikwembu xi n'wi hlulela yona hinkwayo;

Timhaka 13:45

Kambe loko Vayuda va vona mintshungu, va tala mavondzo, kutani va kaneta ni ku sandza leswi vuriwaka hi Pawulo.

2 Petro 2:9

Leswi swi vula leswaku Hosi ya swi tiva ku ponisa vanhu va vukhongeri eku karhatekeni ka vona, ni ku tshika vanhu lavo homboloka va ri eku biweni ku fikela siku ra ku avanyisa,

2 Timotiya 4:7

Ndzi lwile nyimpi leyinene, ndzi hetile mpfhuka wa mina wa ku tsutsuma, ndzi hlayisile ku pfumela.

Timhaka 26:22

Kambe ndzi pfuniwile hi Xikwembu ku fikela siku ra namuntlha, kutani sweswi ndzi yimile kwala ndzi ri karhi ndzi humesa vumbhoni eka lavatsongo ni ka lavakulu; a ndzi vuli timhaka tin'wana, loko ti nga ri leti Muxe ni Vaprofeta va nga vula leswaku ti ta humelela:

Timhaka 26:17

ndzi ta ku ponisa emavokweni ya vanhu va tiko leri ni ya vamatiko lava ndzi ku rhumelaka eka vona;

Timhaka 23:10

Ku kanetana ku ya ku kula ngopfu, kutani ndhuna ya nyimpi yi chava leswaku Pawulo a nga tshuka a handzuriwile hi vanhu lava, kutani yi lerisa leswaku ntlawa wa masocha wu rhelela, wu ya n'wi vutla emavokweni ya vona, wu n'wi tlherisela ekhokholweni.

Timhaka 20:19

A ndzi ri karhi ndzi tirhela Hosi hi ku titsongahata lokukulu, ni mihloti, ni miringo leyi yi ndzi humeleleke hi ku tshamiwa xikungu hi Vayuda.

Timhaka 13:14

Loko va ri vona, va suka le Perge, va ya fika emutini wa Antiyoka wa Pisidiya; kutani va nghena esinagogeni hi siku ra Savata, va tshama hansi.

Timhaka 9:16

naswona mina ndzi ta n'wi komba hinkwaswo leswi a fanelaka ku vaviseka ha swona, hikwalaho ka vito ra mina.”

Daniele 6:27

Xikwembu lexi xa ponisa ni ku lamulela, xi endla swikombiso ni mahlori etilweni ni la misaveni; hi xona xi lamuleleke Daniele etinghaleni ta matimba.”

Yeremiya 1:19

Va ta lwa na wena, kambe va ta tsandzeka ku ku hlula, hikuva mina HOSI ndzi ta va na wena ndzi ku lamulela.”

Esaya 43:2

Hambiloko mi nghena eswidziveni, ndzi ta va na n'wina, ni loko mi pela milambu, a mi nga dyiwi hi mati; hambi mo tshuka mi hundza hi le xikarhi ka ndzilo, a mi nga tshwi, malangavi a ma nga mi hisi,

Esaya 41:14

HOSI Xikwembu xi vurisa sweswo, xi ri: “Hambileswi mi solekeke, mi nga chavi n'wina va ka Yakobo, ndzi vula n'wina Vaisraele! Mina ndzi ta mi pfuna; mukutsuri wa n'wina, hi mina Muhlawuleki wa Israele.

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

Pisalema 91:14

Xikwembu xi ri: “Leswi munhu loyi a ndzi tivaka ni ku ndzi namarhela, ndzi ta n'wi ponisa ndzi n'wi hlayisa.

Pisalema 37:40

HOSI Xikwembu xa va pfuna ni ku va kutsula, xi va lamulela eka lavo homboloka, xi va ponisa; lavo lulama va sirheleriwa hi xona.

2 SAMIELE 22:49

We Xikwembu, wa ndzi ntshunxa emavokweni ya valala va mina; u ndzi pfuna ku hlula lava lwaka na mina, u ndzi lamulela eka vanhu va tihanyi.

2 SAMIELE 22:1

Siku Davhida a ponisiweke hi HOSI Xikwembu eka valala va yena hinkwavo ni le mavokweni ya Sawulo, ú xi dzunisile hi risimu leri nge:

Genesa 48:16

yona ntsumi leyi yi ndzi kutsuleke eka leswo biha hinkwaswo, a xi katekise majaha lawa! A va ve vona lava nga ta yisa vito ra mina emahlweni, ni mavito ya vatata wa mina Abrahama na Isaka. A va andze va va vanhu va ntsandza-vahlayi emisaveni leyi!”

Timhaka 14:8

A ku ri ni munhu le Listra loyi a a toloverile ku tshama endhawini yin'we, a lamarile milenge; hi mpfhuka a velekiwa, a a ri xilema, a nga kalanga a famba ni siku ni rin'we.

Varhoma 15:31

leswaku ndzi pona eka lava nga pfumeriki va le Yudiya, ni leswaku ntirho lowu ndzi nga ta wu tirha le Yerusalema wu amukeleka eka vahlawuriwa va Xikwembu;

2 Vakorinto 1:5

Hikuva kukotisa leswi mahlomulo ya Kriste ma hi taleleke, nakona ha Kriste hi kuma ku chaveleriwa hi ntalo.

2 Vakorinto 1:7

Kutani ku tshemba ka hina ehenhla ka n'wina ku tiyile swinene, hikuva hi tiva leswaku, leswi mi averiwaka mahlomulo man'we na hina, mi ta averiwa na kona ku chaveleriwa loku hi nga na kona.

2 Vakorinto 12:10

Hikokwalaho ndzi amukela hi ku tsaka ku tsana, ni maxangu, ni ku karhateka, ni ku xanisiwa, ni mahlomulo, hikwalaho ka Kriste; hikuva loko ndzi tsanile, hi kona ndzi nga ni matimba.