2 Timotiya 3:10 - BIBELE Mahungu Lamanene

¹⁰ Sweswi ke, u landzelerile ku dyondzisa ka mina ni mahanyelo ya mina, makungu ya vutomi bya mina ni vupfumeri bya mina, ku leha ka mbilu ya mina, ni rirhandzu ra mina ni ku tiyisela ka mina.

Testamente Leyimpsha Xichangana

¹⁰ Svosvi-ke, ulandzelelile kujondzisa ka mina ni mahanyela ya mina, makungu ya vutomi bza mina ni vupfumeli bza mina, kulehisa ka mina mbilu, ni rirhandzu ra mina ni kutiyisela ka mina.

Xitsonga (Bibele)

¹⁰ Kambe loko u ri wena, u ndzi landzile eku dyondziseni, ni le ku hanyeni, ni le makungwini ni le ku pfumeleni, ni le ku yingiseleni, ni le rirhandzwini, ni le ku tiyiseleni,

2 Timotiya 3:10 Referans Kwoze

1 Timotiya 6:11

Kambe loko a ri wena, munhu wa Xikwembu, fambela kule ni swilo leswi hinkwaswo. Kongoma ku lulama, ni vukhongeri, ni ku pfumela, ni rirhandzu, ni ku tiyisela, ni musa.

Tito 2:7

A ku rhange wena u va xikombiso xa mintirho leyinene hi matlhelo hinkwawo. Ku dyondzisa ka wena a ku ve loku humaka embilwini, u va ni ndzhuti;

1 Timotiya 4:6

Loko u andlala timhaka leti emahlweni ka vamakwerhu, u ta va nandza lonene wa Kriste Yesu, u ta va la wundliweke emaritweni ya vupfumeri ni ya tidyondzo letinene leti u fambeke ha tona.

Vafilipiya 2:22

Kambe ku tshembeka ka Timotiya ma ku tiva, ni hilaha a nga tirhisana na mina hakona entirhweni wa Evhangeli, a fana ni n'wana la tirhaka swin'we ni tata wa yena.

Vaheveru 13:9

Mi nga kanganyisiwi hi tidyondzo ta tinxaka-xaka leti nga tivikaniki. Swi lulamile loko mbilu yi tiyisiwa hi tintswalo ta Xikwembu, ku nga ri hi milawu hi tlhelo ra swakudya, leyi nga pfuniki nchumu eka lava va yi landzelelaka.

Timhaka 11:23

Loko a fika kona, ni loko a vona leswi tintswalo ta Xikwembu ti tirheke swona, a tsaka; kutani a va khongotela hinkwavo ku namarhela Hosi ni ku yi chivirikela hi mbilu.

2 Petro 3:11

Leswi ku nga ta tshwa swilo leswi hinkwaswo swi hela hi ndlela leyi, mi fanele ku va ni vutomi lebyo hlawuleka bya vukhongeri,

2 Timotiya 4:3

Hikuva nkarhi wa ta, lowu vanhu va nga ta ka va nga amukeli dyondzo leyi nga yona ya xiviri; kambe leswi tindleve ta vona ti hlohlonyaka, va ta tihlengeletela vadyondzisi lava nga ta va dyondzisa leswi va swi tsakelaka.

2 Timotiya 2:22

Chava ku hluriwa hi ku navela loku telaka lavantshwa, u kongoma ku lulama, ni ku pfumela, ni rirhandzu, ni ku rhula, swin'we ni lava khongelaka Hosi hi timbilu leti tengeke.

1 Vatesalonika 1:5

Hikuva Evhangeli leyi hi yi twarisaka, a yi tanga eka n'wina hi marito ntsena, kambe hi matimba, ni Moya lowo Kwetsima, ni ku khorwisa ka yona loku hetisekeke. Ma tiva hilaha hi nga hanya hakona exikarhi ka n'wina ku mi pfuna.

2 Vakorinto 1:17

Xana a ndzo tlanga loko ndzi naverile ku endla sweswo xana? Xana a ndzi endla makungu ya mina tanihi vanhu van'wana, ndzi ku: “Ina — E-e!” hi nomo wun'we ke?

Varhoma 16:17

Ndza mi khongotela vamakwerhu, ndzi ri: Mi tivonela eka lava pfuxaka ku avana, ni swikhunguvanyiso, lava va mi humesaka etidyondzweni leti mi ti kumeke; hambanani na vona;

Timhaka 26:4

“Vayuda hinkwavo va tiva ta ku hanya ka mina ku sukela evutsongwaneni bya mina, va tiva ni leswi ndzi nga swi endla etikweni ra rikwerhu ni le Yerusalema, ku sukela eku sunguleni.

Timhaka 20:18

Kuteloko va fikile ka yena, a ku ka vona: “Ma swi tiva n'wina hilaha ndzi hanyisaneke na n'wina hakona minkarhi hinkwayo, ku sukela siku ndzi nga sungula ku nghena etikweni ra Asiya.

Timhaka 2:42

A va chivirikela ku dyondzisiwa hi vaapostola, ni ku hlengeletana, ni ku phema xinkwa, ni ku khongela.

Luka 1:3

hikwalaho ke na mina ndzi kambisisile timhaka leti hinkwato ku sukela emasungulweni ya tona, kutani ndzi vonile leswaku swi nga saseka loko ndzi ku longoloxela tona hi ku tsala, wena Teyofilo la chavisekaka,

1 Timotiya 1:3

Loko ndza ha ya le Makedoniya, ndzi ku khongoterile ku tshama le Efesa; nasweswi ndza ha vula sweswo, hikuva ku ni van'wana le Efesa lava dyondzisaka mavunwa; va byele ku ma tshika,

Vaefesa 4:14

Kutani a hi nga ha vi swihlangi leswi tlhekatlhekisiwaka ni ku yisiwa hala ni hala hi mheho yihi ni yihi ya dyondzo yo hambuka, hi ku xisetela ka vanhu lava kanganyisaka van'wana ni ku va hambukisa hi mano ya vona.

Daniele 1:8

Daniele a a tibohile embilwini ya yena leswaku a nge pfumeli ku tinyamisa hi ku dya swakudya swo xawula leswi dyiwaka hi hosi, kumbe ku nwa vhinyo leyi nwiwaka hi yona; hikokwalaho a ya a ya kombela ndhuna ya malandza ya hosi leswaku yi n'wi pfumelela ku tshika swakudya leswi, a ta ka a nga tinyamisi hi swona.

Vafilipiya 2:20

Ndzi hava un'wana loyi a fanaka na yena, loyi a hisekelaka ku mi pfuna hi mbilu hinkwayo ya yena.

2 Timotiya 4:2

Twarisa Rito, u hiseka hi nkarhi wa kona hambi ku nga ri hi nkarhi wa kona; khorwisa, u laya ni ku khongotela; u nga tsandzeki hi tlhelo ra ku lehisa mbilu ni le ku dyondziseni.

2 Timotiya 4:7

Ndzi lwile nyimpi leyinene, ndzi hetile mpfhuka wa mina wa ku tsutsuma, ndzi hlayisile ku pfumela.