2 Timotiya 2:2 - BIBELE Mahungu Lamanene

² Kutani leswi u swi tweke eka mina emahlweni ka timbhoni leto tala, swi hundzisele eka vanhu lavo tshembeka, lava na vona va nga ta kota ku dyondzisa van'wana.

Testamente Leyimpsha Xichangana

² Kutani lesvi usvitweke ka mina mahlweni ka timboni letotala, svihundzisele ka vanhu lavotshembeka, lava na vona vangatakota kujondzisa van'wana.

Xitsonga (Bibele)

² Kutani timhaka leti u ti tweke eka mina emahlweni ka timbhoni leto tala, u ti veka eka vanhu lavo tshembeka, lava lulamelaka ku dyondzisa van'wana.

2 Timotiya 2:2 Referans Kwoze

1 Timotiya 4:6

Loko u andlala timhaka leti emahlweni ka vamakwerhu, u ta va nandza lonene wa Kriste Yesu, u ta va la wundliweke emaritweni ya vupfumeri ni ya tidyondzo letinene leti u fambeke ha tona.

1 Timotiya 6:12

Lwana nyimpi leyinene ya ku pfumela; tamela hi mandla mambirhi vutomi lebyi nga heriki, lebyi u nga vitaniwa hikwalaho ka byona ni ku veka vumbhoni lebyinene ehenhla ka byona, emahlweni ka vanhu lavo tala lava nga ku twa.

Malakiya 2:7

Hakunene ntirho wa muprista i ku dyondzisa vanhu ku tiva mina Xikwembu; vanhu va fanele ku ya kuma milawu eka yena, hikuva i murhumiwa wa mina HOSI ya matimba hinkwawo.

2 Timotiya 3:10

Sweswi ke, u landzelerile ku dyondzisa ka mina ni mahanyelo ya mina, makungu ya vutomi bya mina ni vupfumeri bya mina, ku leha ka mbilu ya mina, ni rirhandzu ra mina ni ku tiyisela ka mina.

Yeremiya 23:28

Munhu loyi a lorhaka, n'wi tshikeni a hlamusela milorho ya yena! Kambe muprofeta loyi mina ndzi n'wi rhumeke, a a hlamusele marito ya mina hi ku tshembeka, kutani mi ta vona ku tiya ka mhaka leyi nge: ‘Mungu ni mavele a swi hlangani!’

Luka 12:42

Yesu a hlamula a ku: “Xana mulanguteri lowo tshembeka wa vutlhari i mani xana? Hi loyi n'wini wa yena a nga ta n'wi kuma a ri karhi a hlayisa malandza laman'wana, a ma avela swakudya hi nkarhi wa kona, hikuva hi wona ntirho lowu a nyikiweke wona. Mulanguteri yoloyi ú ta va a katekile, siku n'wini wa yena a vuyaka.

Ezra 7:25

“Wena Ezra, tirhisa vutlhari lebyi Xikwembu xa wena xi ku nyikeke byona, u hlawula varhangeri ni vaavanyisi lava va nga ta fambisa vanhu hinkwavo lava va nga xifundzheni lexi nga vupeladyambu bya Yufrata; u ta hlawula lava va tivaka nawu wa Xikwembu xa wena; lava va nga wu tiviki, u ta va dyondzisa.

1 Timotiya 1:18

Ndzi veka ku khongotela loku emavokweni ya wena, Timotiya n'wananga, hikuva u tsundzuka leswaku ku ni lava nga vhumbha leswi u nga ta va swona; marito lawa a ma ku tiyise, u ta kota ku lwa nyimpi leyinene,

1 Timotiya 1:12

Ndzi nkhensa loyi a ndzi nyikeke matimba yo tirha ntirho lowu, yena Kriste Yesu Hosi ya hina; hikuva ú ndzi vonile ndzi ri loyi a tshembekeke, hi ku ndzi veka entirhweni wa yena,

Swivuriso 13:17

Murhumiwa wo biha mbilu, ú nghenisa vanhu ekhombyeni, kasi loyi a tshembekaka, ú tisa ku rhula.

1 Timotiya 4:14

U nga tlangi hi nyiko leyi u nga na yona, leyi u yi kumeke siku vakulukumba va ku tlhandlekeke mavoko, va vhumbha leswi u nga ta va swona.

1 Vakorinto 4:2

Sweswi ke, leswi lavekaka eka valanguteri hileswaku munhu a kumeka a ri la tshembekeke.

Ezra 7:10

a a tinyiketele ku dyondza nawu wa HOSI Xikwembu ni ku hanya ha wona, a tlhela a dyondzisa Vaisraele milawu ni swiletelo swa xona.

2 Timotiya 3:14

Kambe loko a ri wena, yana emahlweni na leswi u swi dyondzeke, swi nga leswi u nga pfumela ni ku tiya eka swona, hikuva u tiva lava u swi dyondzeke eka vona;

Vakolosa 1:7

Mi dyondzisiwile swona hi Epafrasi, nandza-kulorhi la rhandzekaka, la tirhelaka Kriste hi ku tshembeka ematshan'wini ya hina.

Pisalema 101:6

Vaaki va tiko lavo tshembeka, ndzi ta va tsakela, ndzi va rhurhela emutini wa mina; vanhu va mahanyelo lamanene, hi vona lava ndzi nga ta va hlawula leswaku va ndzi tirhela.

Nehemiya 7:2

Kutani ndzi veka makwerhu Hanani, na Hananiya loyi a a hlayisa khokholo leswaku va va vona valanguteri va muti wa Yerusalema. Hananiya a a ri munhu wo tshembeka, naswona a a chava Xikwembu ku tlula vanhu vo tala.

1 SAMIELE 2:35

kutani ndzi ta tilavela muprista la tshembekeke, loyi a nga ta tirha hilaha ndzi swi tsakelaka hakona embilwini ya mina ni le moyeni wa mina. Ndzi ta n'wi nyika vatukulu lavo tala, kutani ú ta tirhela Muhlawuriwa wa mina hilaha ku nga heriki.

Vaheveru 2:17

Hikokwalaho swi nga fanela leswaku a endliwa la fanaka ni vamakwavo hi matlhelo hinkwawo, a ta va Muprista Lonkulu wa tintswalo ni loyi a tshembekeke entirhweni wa Xikwembu, leswaku a susa swidyoho swa vanhu.

1 Timotiya 5:22

U nga hatliseli ku tlhandleka munhu mavoko, naswona u nga tinghenisi eswidyohweni swa un'wana munhu. Tihlayise, u tshama u tengile.

Matewu 24:25

Maswivo, ndzi mi byerile timhaka leti, ti nga si humelela;

Matewu 13:52

A ku ka vona: “Hi laha ndzi nge: Mutsari un'wana ni un'wana la dyondzisiweke hi ta Mfumo wa matilo, ú fana ni n'wini wa yindlu la humesaka evukosini bya yena swilo leswintshwa ni leswa khale.”

Tinhlayo 12:7

Kasi eka Muxe nandza wa mina a ndzi endlisi sweswo. Ndzi vekile hinkwaswo swa yindlu ya mina emavokweni ya yena.

2 Vakorinto 2:14

Kambe a ku nkhensiwe Xikwembu lexi eka Kriste xi hi yisaka eku khaneni, minkarhi hinkwayo; kutani hi ku tirhisa hina, xi hangalasa hinkwako ku nun'hwela loku nandzihaka ka ku tiva Kriste.

2 Vakorinto 3:5

Hina hi hexe a hi na matimba yo tirha ntirho lowu; hi nga ka hi nga vuli leswaku hi na lexi xi humaka eka hina, kambe matimba ya hina ma huma eka Xikwembu.

Levhitika 14:42

Kutani ku ta laviwa maribye man'wana, ma ta siva lama susiweke ekhumbini; khumbi na rona ri fanele ku tlhela ri phamiwa hi vuntshwa.