2 Timotiya 2:13 - BIBELE Mahungu Lamanene

¹³ loko hi nga tshembeki, yena wa tshembeka masiku hinkwawo, hikuva a nga ka a nga tilandzuli.”

Testamente Leyimpsha Xichangana

¹³ loko hingatshembeki, Yena watshembeka masiku hinkwawu, hikuva angakala angatilandzuli.”

Xitsonga (Bibele)

¹³ Loko hi nga tshembeki, yena kambe wa tshembeka, hikuva a nga swi koti ku tilandzula.

2 Timotiya 2:13 Referans Kwoze

Tinhlayo 23:19

Xikwembu a hi munhu, xana xi nga hemba ke? A hi n'wana wa munhu, xana xi nga tlhela emakungwini ya xona ke? Xana xi nga vula xanchumu, kutani xi nga xi endli xana? Kumbe xana xi nga tshembisa xanchumu, kutani xi nga hetisi xitshembiso xa xona xana?

Varhoma 3:3

Xana hi ta vula yini, loko van'wana va vona va nga tshembekanga xana? Xana ku tshembeka ka Xikwembu ku nga herisiwa hi mhaka ya ku ka va nga tshembekanga xana?

Tito 1:2

byi nga lebyi akiweke ehenhla ka ku tshemba vutomi lebyi nga heriki. Xikwembu lexi nga riki na ku hemba xi hi tshembisile vutomi lebyi minkarhi yi nga si va kona;

2 Vatesalonika 3:3

Kambe Hosi ya tshembeka: Yi ta mi tiyisa ni ku mi sirhelela eka Lowo biha.

1 Vatesalonika 5:24

Loyi a mi vitanaka wa tshembeka, kutani ú ta swi endla.

1 Vakorinto 1:9

Xikwembu xa tshembeka, xona lexi xi mi vitaneleke ku va ni xinakulobye ni N'wana wa xona Yesu Kriste Hosi ya hina.

Vaheveru 6:18

Sweswi ke, ku ni swilo swimbirhi leswi nga hundzukiki, leswi eka swona swi nga endlekiki leswaku Xikwembu xi kumeka xi ri muhembi. Kutani hina lava hi chaveleke eka xona, hi ta tiya nhlana swinene, hi amukela hi mandla mambirhi ku langutela loku ku vekiweke emahlweni ka hina.

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Varhoma 9:6

A swi vuli leswaku rito ra Xikwembu ri tsandzekile. Hikuva a hi hinkwavo lava humaka ka Israele lava nga Vaisraele va xiviri;

Esaya 25:1

We HOSI, u Xikwembu xa mina, ndzi ta ku vonga, ndzi dzunisa vito ra wena, hikuva u endlile leswo hlamarisa; u tshembekile, a wu tshikanga makungu lawa u ma endleke khale.

Duteronoma 7:9

Hikokwalaho, tsundzukani leswaku HOSI Xikwembu xa n'wina, i Xikwembu xi ri xoxe, naswona xa tshembeka, xi hlayisa ntwanano wa xona. Lava va xi rhandzaka ni ku hlayisa milawu ya xona, xa va rhandza ku ya fika eka rixaka ra madzana-dzana.