2 Timotiya 2:11 - BIBELE Mahungu Lamanene

¹¹ Rito leri ri tiyile, leri nge: “Loko hi file na yena, nakona hi ta hanya na yena;

Testamente Leyimpsha Xichangana

¹¹ Rito leri ritiyile, leringe: “Loko hifile na yena, nakona hitahanya na yena;

Xitsonga (Bibele)

¹¹ Rito leri ri tiyile, leri nge: Loko hi file na yena, na kona hi ta hanya na yena.

2 Timotiya 2:11 Referans Kwoze

Varhoma 6:8

Loko hi file na Kriste, hi pfumela leswaku hi ta hanya na yena;

1 Timotiya 1:15

Rito leri ri tiyile, ri fanele ku amukeriwa hi mandla mambirhi, leri nge: “Kriste Yesu ú tile emisaveni ku ta ponisa vadyohi.” Kutani eka vadyohi lava, mina ndzi lowo rhanga hi ku biha.

Varhoma 6:5

Hikuva loko hi milelanile na yena hi ku fa hi rifu leri fanaka ni ra yena, na kona hi ta va tano loko hi pfuka eku feni hi ku pfuka loku fanaka ni ku pfuka ka yena.

2 Vakorinto 4:10

minkarhi hinkwayo hi rhwala rifu ra Yesu emirini wa hina, leswaku vutomi bya Yesu na byona byi vonaka emirini wa hina.

Yohane 14:19

Endzhaku ka nkarhinyana, misava a yi nga ha ndzi voni, kambe n'wina mi ta ndzi vona. Leswi ndzi hanyaka, na n'wina mi ta hanya.

Tito 3:8

Mhaka leyi yi tiyile. Kutani ndzi lava leswaku u tiyisa timhaka leti swinene, leswaku lava pfumeleke eka Xikwembu, va lava tindlela ta ku tinyiketa, va tirha mintirho leyinene. Hi swona leswi nga swinene, leswi pfunaka vanhu.

1 Vatesalonika 5:10

Kriste ú hi ferile leswaku, hambi ha ha hanya hambi hi tietlelele, hi ta kuma vutomi swin'we na yena.

1 Vatesalonika 4:17

kutani hina lava hi nga ta va ha ha hanya, hi ta tlakuriwa hi ya ehenhla emapapeni swin'we na vona, hi ya hlangana na Hosi empfhukeni. Kutani hi mukhuva wolowo, hi ta va na Hosi hilaha ku nga heriki.

2 Vakorinto 13:4

A a tsanile loko a vambiwa exihambanweni, kambe sweswi, hi matimba ya Xikwembu, wa hanya. Na hina, ha tsana swin'we na yena, kambe matimba ya Xikwembu ma ta hi nyika vutomi bya yena, leswaku hi kota ku tirha exikarhi ka n'wina.

1 Timotiya 3:1

Rito leri ri tiyile, leri nge: Loko munhu a navela ku va mufambisi wa kereke, ú navela ntirho lowunene.